精子is money: 第九十七章 矯形及創傷科醫院

「喂？」我向李右婷耳邊講，眼前既李右婷成個人心不在然咁。

「呼……乜原來係你呀？唔好意思呀，我今日有D事唔返得工，Sorry呀！」李右婷隨便回應我，佢額頭上冒出一絲冷汗，睇得出佢既神情非常焦慮，

臉色青白，之後李右婷就抽腿過馬路，完全無望過交通燈，好彩呢個時候係綠燈炸。

 
「呀，乜依家D學生咁無禮貌都有既，唔應人都有。」

「唔好意思呀婆婆，呢位同學今日唔係幾舒服，佢平時唔係咁咖，我代佢向你道歉啦。」平時最有禮貌既乖學生李右婷，今日竟然無視公公婆婆，再睇佢神情怪怪地，



臉色蒼白，睇黎佢有D心事咁啵，唔得，我要跟上佢睇下佢做咩事先得。

「掰掰公公，婆婆。」綠燈開始眨燈，講完呢句既我即刻加大腳步跟上李右婷。

「都係你乖D。」

「你……做咩跟住我呀？」過左馬路後李右婷轉身問我。

「究竟發生咩事姐？」我好認真咁問李右婷。



「你唔好理我啦，總之就係有事啦。」之後李右婷轉身繼續行。

「……」我保持沈默，依然跟住李右婷，起初李右婷每行幾步就擰轉頭望住我，佢停我又停，跟住李右婷每行十幾步又再次回望我，無耐李右婷開始習慣，之後就無再回頭望我，直到佢走入一間公立醫院。


李右婷急急腳咁入左架升降機，架升降機非常空曠，入面既乘客寥寥可數，不過我並趕唔徹搭上呢班升降機，睇黎係李右婷故意關門唔俾我搭。

我企係原地望住部升降機升上第一個站二樓，我即刻諗都無諗就跑上二樓，我跑去旁邊既樓梯，以最快既速度跑上去，我對皮鞋發出咯咯聲，



呢個時候已達二樓，咁岩有個護士經過，而我見唔到李右婷既蹤影，繼續望部升降機下一個停點。

「喂，同學仔呢到係醫院，請你唔好跑。」女護士冷淡地說。

「哦，唔好意思。」我交低左呢句後，改為急步跨級式繼續行上去，下一個目標為四樓。

「仲行咁快，一間撞到病人或者公公婆婆又點算？」護士姐姐帶著兇惡既語氣說。

四樓矯形及創傷科呢幾隻字落入我眼中，我離遠見到李右婷既身影，佢走入一間病房。