精子is money: 第九十八章 鼻酸

4０2號病房，門並無關上，標準既四人病床，我坐係出面張凳偷望入面既情況。

我呢個角度可以好清楚咁望到李右婷既動作。

「阿爸。」李右婷走到最近既病床，放低手上既膠袋，從膠袋上拎出幾個橙，然後坐係一個中年男子既病床側邊，岩岩好傘住左個男人。

「阿囡你黎左？放左學啦？」一把磁性既男聲發出。

「係呀，阿爸你無事嘛？醫生點講？」



「無咩事，我想坐起身。」

「阿爸，等我ＭEEｔ橙俾你食丫。」

此時，李右婷正在小心翼翼地扶住一個慈祥既中年男人坐係病床上，我諗呢個就係佢口中既阿爸？

「……！」我非常驚訝，原來李右婷既阿爸身體殘缺不全，失去雙手……


中年男人溫柔地說：「唔洗，你食啦，平時你咁辛苦讀書，仲要返工。」



「我唔鐘意食橙，你食啦。」李右婷說

「嗯，不過下次唔好浪費咁多精子黎買水果啦，要知道我地屋企無咩能力去買，就算有，呢D都係你既血汗換取返黎，你存起佢等將來讀書喇。」

「唉！都係阿爸無用，我對唔住你呀乖女，我唔單止無好好照顧你，反而仲要你照顧我。」李右婷父親既聲音逐漸變弱。

「阿爸……你食啦。」李右婷把聲帶點鼻音，佢手上既橙已經變到一片片既橙肉，李右婷正伸出手餵緊佢既父親。

「好無……食呀？嗚嗚。」李右婷不禁滴下眼淚。



「嗯……好食……呀！」李右婷和藹可親既父親向佢露出微笑。

「依，乖女你做咩呀？唔好喊啦，乖啦，你都食D。」此刻既病房裹既情景就像一個父親哄一個小女孩般。

「係喎，咁醫生點講？」李右婷問

「醫生話……建議裝義肢，唔洗啦，都幾十歲人仲裝乜野義肢。」李右婷老豆搖頭拒絕

「要幾精？」

「……」李右婷老豆選擇沉默。

「幾精呀！」李右婷握著小拳頭，再一次灑淚，睇得出佢情緒非常高漲。



「一對要……3……萬精，仲要唔包住院費……」李右婷既老豆斷斷續續咁講完呢句後，我好清楚咁見到李右婷深深地吸一口涼氣。

的確，呢個數對我地黎講係頗大。

「裝！」李右婷淡淡咁講出呢隻字。

「下，唔好啦咁貴，曬精……更何況我地都無咁多……」佢阿爸反對呢個做法，並嘗試說服李右婷。