「刀疤?乜野四眼兄咁鬼難聽,下次叫返我做阿積,你點解係到既?我帶著疑問的語氣。
 
「雲哥交左個場俾我睇,當初全靠你我先有返雙手,我係到代我班細既向你道歉。」刀疤輕拍我膊頭。
 
「刀哥,頭先就係呢個人打我。」高佬依然唔識死咁行黎同刀疤講。
 
「仲唔收聲?」刀疤隨便揮出一記重拳擊落高佬臉上,有練過拳既刀疤豈能是普通人能擋?下一秒只見高佬額角滴血口水橫飛,腳步不穩地後退幾米。
 
「各位呢個係我朋友,千奇唔好得罪佢,得罪佢等如得罪我,你地聽唔聽到?」刀疤氣勢十足,當住所有MK面前俾足面我。
 


「好。」周圍班MK似乎都好聽刀疤話。
 
「入黎飲返杯野先走?」刀疤禮貌地邀請我

「唔洗啦我朋友醉左,我仲要送返佢屋企,下次先啦多謝你。」
 
「咁好啦,以後有咩事搵我啦,咁唔阻你地先喇。」

「喂~你係邊個呀?做咩要救我。



林MISS伸出修長的食指指著我鼻尖,口中散發出淡淡的酒氣,輕氣靠著我耳邊說,瞬時間我腦海中仿佛有股電流。

「林MISS你無事丫嘛?睇黎你都無咁快酒醒。

我腦中閃過一個壞念頭,隨後搖一搖頭,心諗我係正人君子,唔應該乘人之危既。
 

 林MISS扶到一個比較少人既公園俾佢躺下,正當我想打電話既時候,手中的電話剛好響起。

「喂,梓晴呀?」我接聽了電話。



「積積,我今晚要去亦菲果度玩呀。」電話裹另一頭的人是唐梓晴。

「咁好啦,你地今晚玩得開心d啦,我都仲有野要做啊。」

係我講講下既期間,林MISS突然嘔左出黎。

「金天羽又嘔呀?」聰明的唐梓晴猜中了一半,對的事錯的人。

「係囉唔講住啦,掰掰。」我急急忙咁收線,然後從褲袋裹拎出一包紙巾,幫林MISS抹下個嘴刷下汗。

望住原本俏麗嬌人既林MISS變到如此狼狽,令我憶起各位往事。

如最初見過寶拉姐嘔,之後遇過紅髮mK,岩岩又金天羽家陣就到林MISS。



講真果句我唔想再睇到人嘔,我無咁既特殊癖好,真係好嘔心。

不知過了多久,原本公園內數少的人聲只餘下蟬鳴,偶然也會聽見風吹草動的聲音,聽著聽著我也變得好眼訓。

「嗯。」一把懶洋洋的聲音在我耳邊發出,令半恰半睡的我醒來。

「你醒啦?」我望住花容失色的林MISS講。
 
 「MISS我發覺你最近個人好似成日神不守舍咁喎,莫非你又被人飛左?
 
良久,林MISS並無回應,只係雙目呆滯咁望住地下。
 
 
已有 0 人追稿