突然間林MISS大喊出黎,呢個舉動的確令我有一刻不知所措,不過瞬間又回復正常,我再次從褲袋拎出一包紙巾俾MISS,唔通真係俾我講中左?

「你……無事嘛?不如我買枝茶俾你解下酒,你坐係到等我啦。

我嘗試安慰MISS。


數分鐘後,我已經從便利店買左枝綠茶俾林MISS,此時林MISS已經無再喊。

「點呀,飲完好返d未?」



「點解仲有酒味既?好苦呀。」林MISS半瞇眼嘟起個嘴表示枝綠茶非常苦澀。

「實係你飲得太多啦,飲到條舌有晒幻覺,好心你地啦,點解唔識飲酒都去飲既?或者係我唔識飲酒啦,我覺得酒真係好難飲,其實何必要咁辛苦作賤自己呢。」

「係我岩岩醉左果段期間我有無做出咩失態既舉動?……你無偷睇我呀嘛?

 
林MISS無啦啦好認真咁爆左句出黎。



「無呀,我只係睇到一個醉貓咁款既死屍攤左係到囉。」

「點都好啦,好多謝你救左我。」林MISS使出粉拳輕輕拍我背脊一下。

「救你?你又知我救你?哼哼,咁你幾時以身相許?

當然後半句話我並無講出口。

「酒醉三分醒嘛,你無聽過咩?」林MISS懶醒咁講。



「係呢,你又搞咩飲到咁醉呀?」

「只係有少少唔開心,純粹想抒發心情姐。」

「發洩都有好多種方法架,唔一定下下都要飲酒既。」

「拿,我做你免費既樹窿啦。」


「其實最近我有個至親病左……」

林MISS言談間流露出一臉擔憂的神色。

「我自細就失去雙親,沒有父母庇蔭,一直以黎只有佢悉心照料我,從小佢以前為左供我讀書,由朝做到晚,年終無休,日復一日,年復一年。」我望住林MISS講到呢到有種欲哭無淚的感覺。



「老實講啦,佢已經一把年紀,難聽d講句已經半隻腳入左棺材,都唔知仲有幾耐時間可以陪佢。」

「唉,我真係不孝。」此時,林MISS眼裹泛起一片水珠。

「好啦,今日就講到呢到先啦。」

又係咁,令我諗起上次旅行日,林MISS好似又係講講下又唔講,所以話女人心海底針係無錯既。

「係啵,一間得唔得閒?」林MISS說。


我從褲袋抽出手機查看時間,不知不覺間已達零晨四點多。

「星期六喎,無話得唔得閒既,做咩先?」我說。



「陪我去醫院探一個人。」林Miss緩緩開口說。

 「乜你放假唔洗同女朋友仔去玩咩?聽講你同梓晴拍緊拖喎!係呢,搭單一問,其實你點溝到佢架?」
 
「你仲未講佢係邊個喎。」我嘗試轉移話題。

「益左你啦溝到校花,梓晴蝕晒底啦,不過你地拍還拍,總考試將近,成績係學生最重要既野,千奇唔好為左愛情而放棄學業,唔係既話你地將來會後悔一生。」

「係呢,岩岩嘔完個肚好空添,去飲埋個早茶時間就岩岩好。」

林MISS完全無視左我岩岩句話,不過估唔到我身邊既人咁多都係同我一樣身世,唔係單親就係無父無母,咁樣計返我好似係入面最幸運既一個。
 
 「咁你自己入去啦,我去個洗手間先。」我說。
 
已有 0 人追稿