精子is money: 第144章 有苦自己知

數小時後，我出現在醫院洗手間某廁格裹，我並無跟林ＭＩＳＳ入病房，
 
我唔係怕尷尬，而係成大半晚都無去過廁所，再加上岩岩飲完茶既關係。
 
唔知點解屙屙下尿既我，我心入面突然大有感觸，呢度就係上次李右婷阿爸住果間醫院。
 
一諗起李右婷腦海不自覺咁諗返起呢一年內發生過既人事物。
 
 
我從一個寂寂無名小處男，歷盡滄桑，終打敗強敵高富帥藍佑龍，煥然一新榮升為校花男朋友，


 
成為男生們共憤的對象，這一切對我來說都非常不可思議。
 
「呼！」我抖一抖巨龍，穿上褲子，輕輕一拉馬桶，這個抖動沖走了心中的無數寂寞。
 
同時見証這個春天的逝去，夏天即將來臨。
 
由如我實在頂唔順醫院果陣藥水味，當我屙完尿就立即衝左落樓下抖下氣。
 
「喂，林ＭＩＳＳ你唔係話探人咩？點解會係到既？」


 
當我行到落樓既時候就見到林ＭＩＳＳ既背影。
 
「爺爺話想散下步，咪陪下佢囉。」林ＭＩＳＳ無回頭冷冷地說。
 
我仔細一望原來林ＭＩＳＳ正推著輪椅。
 
此時，輪椅上的人回頭望過來。
 
「！」我有點驚訝，因為坐在輪椅上的人正正是我熟悉的人。


 
「林伯？」我並沒有驚訝到大叫出黎，心諗怪唔之得最近林伯間舖無開啦，
 
原來林ＭＩＳＳ口中所指既病人係你。
 
我慢步走過去，林伯並沒無與我相認。
 
「雲妮阿，我有少少肚餓，你去幫我買野食返黎啦。」林伯慈詳地說。
 
雲妮？我都差ｄ唔記得左雲妮係林ｍＩＳＳ個名。
 
唔知點解，我從林伯既眼神睇得出佢係故意支開林ＭＩＳＳ。
 
 
「呀！積仔，估唔到竟然會係呢到見到你。」林伯發出沙啞的聲音。


 
「點呀林伯你係咪有Ｄ咩難言之隱？呢度得返我同你，依家可以安心咁講啦。」
 
「唉……！」林伯一聲長嘆。
 
 
「林伯你……你究竟得左咩病？好嚴重架？」
 
我望住平日為人樂觀的林伯，現在雙目無神，似乎蒼老了十多年的樣子。


「說來話長，不過長話短說啦，醫生話我命不久矣，有咩想做既就快ｄ做埋佢。」
 
「下！真係咁嚴重？咁點解唔早少少睇醫生？」
 


 
「初時我真係無咩感覺，只係間中見頭暈頭痛，我仲以為年紀大左係咁，不過近幾年的確成日腰痛，
 
但我以為只係操勞過度，休息下就無咩事，直到有晚我痛到落唔到床，要半夜Ｃａｌｌ白車，果時我先識驚。」
  
「咁即係咩病？」