我嘅職業係專溝人地個女朋友: 9.6

高中有日放學，鄺善柔如常返屋企。但當佢穿過一個比較少人嘅公園果陣，卻突然覺得好似有人跟踪自己。
 
佢急步行後面又好似有人跟住佢急步行。佢放慢腳步，後面嘅人又好似跟住佢放慢腳步。
 
果陣手提電話岩岩喺中學生層面開始普及，鄺善柔好驚就即刻打比果日突然唔知去左邊陪唔到佢一齊返屋企嘅李立仁，點知打左幾次都無人聽。 然後，仲拎住個電話等緊李立仁聽電話嘅鄺善柔就突然見到有個著住長褸嘅男人衝左去佢前面，對住佢笑淫淫再一手拉開左自己件長褸…
 
「啊!!!」
 
鄺善柔被眼前嘅景像嚇親，大叫一聲然後就向反方向逃走。
 




佢唔敢再向後面望只係沿返岩岩行嘅路一直跑一直跑，希望盡快離開衣個公園去返人多嘅地方。 
 
無論咩人都好，只要遇到另一個人佢就覺得安全可以脫離危險。
 
 
「善柔?」
 
而當佢一直跑一直跑咁跑左段路後，就突然聽到有人叫佢個名。
 
「浩明?」




 
原來係佢其中一個中學同學黎浩明咁岩經過見到佢見佢慌失失係咁跑就跟住跑過黎叫住左佢。
 
係危急之中見到熟識嘅人，霎那間鄺善柔就放心左好多無再咁驚，然後鼓起勇氣望向後面，見無人追黎就真正咁安心晒，稍為抖順左條氣就同返衣位同學講頭先發生嘅事。
 
「露體狂? 咁你有無事呀?駛唔駛報警?」黎浩明一聽到就大為緊張。
 
「我無事呀… 我估報都無用，佢應該已經走左。不過都可以一齊沿路返去睇下佢仲係唔係度?」因為黎浩明都大大隻隻咁所以鄺善柔都唔再驚然後有衣個提議。
 
「好呀，捉到佢就大家以後都可以安心d。」黎浩明亦欣然同意。




 
不過佢地一路行都再見唔返個露體狂。
 
「果然走左…」善柔有少少失望咁講。
 
「捉唔到佢以後都要提心吊膽咁行衣條路喇…咦，係喎，點解唔見李立仁? 你地唔係一般都會一齊放學返屋企?」黎浩明突然醒起然後問。
 
「我都想知佢去左邊… 佢淨係話今日唔同我一齊走，但頭先我打極比佢都無人聽!」因為最需要佢果陣搵唔到佢，提起李立仁鄺善柔就有d嬲。
 
「咁以後如果無人陪你返屋企你就話我聽等我送你啦，唔係好危險… 我會擔心架…」講到後面黎浩明有d面紅怕醜。
 
「好呀…」鄺善柔唔好意思亦諗唔到原因拒絕。
 
 
或者真係緣份，衣個黎浩明其實一直都鍾意鄺善柔，但就木木獨獨怕怕醜醜咁一直唔敢做d咩。




 
鄺善欣其實亦一直感受到對方對自己有意思，但因為自己無咩感覺對方又無做d咩所以一直都係冷處理扮唔知。
 
不過衣一切由衣一日開始有左轉變。
 
原本一件少事，卻令鄺善柔對李立仁同黎浩明各自嘅感覺唔同左。
 
佢發現自己對李立仁好似少左種安全感，但黎浩明就比到一份安心嘅感覺佢。
 
而衣一切原來都同鄺善柔一件童年往事有關。