我嘅職業係專溝人地個女朋友: 9.11

---回到現實---
 
 
「雖然佢係好慘，但都唔駛咁傻呀…」聽完故事，Bobo略帶傷感咁問。
 
「因為一直以黎佢都太完美，太高期望，太多憧憬… 變左當所有野失控唔再係佢所預期咁嘅時候，衣種太大嘅落錯就一次過打垮左佢… 」我略帶傷感咁答。
 
「所以真係好傻...明明佢身邊仲有好多人錫佢值得佢留戀..」
 
「你明唔明點解我要講衣個故仔你聽?」唔係發生喺自己身上，批判人永遠係最容易。唔想再討論善柔嘅決定我直接問佢。




 
「大概都明…你想話我聽唔好咁追求完美?」Bobo諗左陣後答。
 
「感情其實係好複雜嘅野，未必跟常理咁行，亦唔係付出幾多就收返幾多，所以我地都要接受世界總有唔完美嘅地方，凡事亦無得完全跟足自己諗嘅spec。
 
至於安全感，我明女仔係需要衣種感覺唔係成日會擔心衣樣果樣提心吊膽，不過有安全感唔代表真係安全，無安全感亦唔代表一定唔安全，反而溝通先係最重要。
 
坦白講，你衣個問題其實係好睇你自己點諗，過唔過到自己，而我可以做嘅都只係分享一d故事同經驗比你聽希望可以幫到你諗通。」我講。
 
「明白… 聽完你朋友個故事，我都覺得有少少新衝擊需要消化下…」Bobo邊點頭邊講。




 
「如果真係好鍾意佢，就再好好努力去嘗試下啦，始終過去嘅都已經過去，將來先係最重要。錯可以改，但錯過就好可能會後悔一世...
 
雖然佢唔再係完美，但衣個世界其實又邊有人係完美? 人總會犯錯，仲要你地兩個由細玩到大，大家心目中嘅地位根本都無可取替。
 
真係咁完其實係好可惜亦好遺憾，始終發生果陣你地並未喺埋一齊…
 
當然如果最後你真係接受唔到衣樣野，咁都要接受現實，唔好再死頂落去…有時及早抽身亦同樣係對大家一種解脫。」我續講。
 
「我會再好好嘗試下…」




 
「如果覺得真係佢，就唔好為過去嘅事而困擾然後捨棄未好嘅將來啦…」我最後再講。
 
「知道… Ryan，你…都節哀順便啦…」
 
知佢知道頭先故事嘅男主角就係我，我對佢報以一個微笑感謝佢嘅有心。