我嘅職業係專溝人地個女朋友: 9.12

送走左Bryan同Bobo，今日嘅工作總算完結。
 
 
三年前睇完善柔嘅日記，我總算解開左自己多年黎嘅疑團，但同時我心情亦十為低落，因為我見証住我個青梅竹馬嘅隕落…
 
如果我可以早d知道，早d了解佢，其實衣件事係可以避免。
 
對於善柔嘅死，我地喺佢身邊每一個人可能都有責任…
 
佢父母比左太高嘅願景佢，忽略左現實；




 
而我就親手破壞左佢嘅夢想；
 
然後我地親手縱容左佢事事追求完美，結果反而令佢受唔起挫敗。
 
如果佢本身唔係事事追求完美，當日嘅打擊並唔會咁大…
 
當然，罪魁禍首都係姓黎果個仆街同埋果晚同佢飲酒嘅果個人渣。
 
如果比我知係邊個，我唔排除我真係會親手殺左佢...




 
不過如果話佢地係殺人犯，其實我都係幫凶…
 
然後我又諗，如果當日我唔係無聽到佢電話，我地嘅結局又會唔會有改變?
 
對於當日點解我會miss左佢call，我真係完全無印象唔記得有衣件事…
 
但無諗過當日咁微不足道嘅一件事卻會造成之後咁影響深遠嘅後果。
 
或者世界好多時真係唔係我地所諗咁，




 
好多野我地都控制唔到，
 
所以善潼講得岩，我嘅工作就算出發點係幾好都好，結局都唔代表係好…
 
如果我早d失過戀明白到果種痛，我當時就唔會輕視黎浩明對善柔嘅傷害，亦唔會選擇用衣個方式去比善柔知道真相。
 
而衣家我做緊嘅野，其實就係妨礙緊人受傷然後成長。
 
當然，好同唔好睇你點睇。
 
但衣家我可以肯定嘅，係結果並唔係由我控制。
 
或者世界萬物都有佢自己嘅路，順其自然係最好嘅做法
 




咁上天比左衣個能力我，到底又有無佢自己嘅意思呢?
 
 
無諗過好快我就得到答案。