我嘅職業係專溝人地個女朋友: 12.53

刷一個 G和弦 唱一首 搖滾樂
唱出關於我 平凡夢想的苦辣酸甜
我不是 多特別 是不想 再敷衍
不想一輩子 出一張嘴
 
沒有錢 不可憐 沒有夢 才可悲
我還有 愛我的人
和一個 小小搖滾樂隊
 
我不想改變 殘酷的世界

我只想不被 這世界改變
我不管明天 夢想多遙遠 未來在哪邊
我只要 不遺憾的今天
 
「喂，你個樣做咩咁失落呀?」李思柔見郭子安個樣頹頹地就問佢。
 
「無，覺得有啲累啫...」郭子安帶著疲累地說道。
 
「因為個微電影比賽輸咗?」李思柔問。
 




「一部份啦... 柔柔，你記唔記得之前我話過你嘅作品太為咗討好人失去自己風格叫你要忠於本心?」郭子安問。
 
「記得呀，嗰次後我都有聽你講，唔再諗太多計算太多，淨係憑本心咁寫故事~」李思柔笑著道。
 
「但你有無諗過如果咁寫落去一直都唔work咁點算?」郭子安問。
 
「咁咪繼續寫寫到work為止囉~」李思柔繼續笑住講。
 
「但如果到最後都真係唔work，唔會覺得後悔或者浪費咗好多時間?」郭子安再問。
 




「哩個問題...自從嗰次比你話完後我就唔再比自己諗，因為咁諗會好易迷失。 而且下下都打定輸數諗定自己失敗點算，咁又點會寫到最真最好嘅作品呢? 唔係因為可以成功所以我地堅持，係因為我地堅持先有機會成功呀~」李思柔滿懷信念咁講。
 
「估唔到依家嘅你仲堅定過我喎... 其實近排我都開始諗，固執係咪真係好呢?」見自己要比李思柔鼓勵返轉頭郭子安苦笑道。
 
「其實迷失嘅時間每個人都有，但自從上次你鼓勵完我後每次有懷疑嗰陣我都會問自己一個問題，比我揀，我會想做一個成功好出名嘅作者，但寫嘅全部唔係我想寫嘅嘢，定抑或可能唔成功唔出名，但就一直忠於自己，寫自己想寫嘅嘢嘅作者? 每次一諗哩條問題，我嘅疑慮就全部都會一掃而空。
 
我唔需要好多人鍾意唔係屬於我真正嘅作品，我只需要少部份真心鍾意我真正作品嘅人就足夠。」李思柔堅定說道。
 
「講得啱! 但咁唔驚我地會餓死?」郭子安都比李思柔嘅說話觸動到。
 
「咁咪再諗辦法囉， 搵part time又好，調返轉將寫小說當part time又好~ 坦白講，有時我覺得如果將寫作變成自己工作或者唯一謀生嘅方法，反而難寫到好嘅故事，因為當你嘅基本生活保障都要靠佢嗰陣，你就唔可以再以一個平常心去做哩件事，咁一定會受到影響或者需要妥協... 讀書都有教啦，一定要滿足咗生物基本層先可以追求更嘅高精神上層面嘛，所以我寧願有份正職夠我生活，然後再用其他時間心無雜念同壓力咁去寫故事。」李思柔自信講道。
 
「估唔到依家嘅你好似比我更識諗更有諗法喎...」郭子安換咗一副老懷安慰咁嘅樣。
 
「係你之前鼓勵我㗎嘛~ 每次失落嗰陣我一諗起仲有你同我一齊努力，我就會有返力量㗎喇! 子安，每個人都一定有失落迷茫，意志消沈嘅時間，今日我鼓勵你，聽日可能就要你鼓勵返我，所以我地係要一齊努力先得㗎! 你明唔明?」李思柔滿有生氣咁望住郭子安講。




 
「你講得無錯，可以有人陪自己追夢，一齊互相扶持，係一件好幸福嘅事，亦因為咁，我地先更有希望同可能成功...」郭子安感恩地望返住李思柔講。
 
「嗱，見你上次送咗首歌鼓勵我，今次我送返另一首比你啦，希望我地都可以不被這世界改變，只要不遺憾的今天!」