我嘅職業係專溝人地個女朋友: 12.54

如果我們不曾相遇 我會是在哪裡？
如果我們從不曾相識 不存在這首歌曲
 
每秒都活著 每秒都死去 每秒都問著自己
誰不曾找尋 誰不曾懷疑 茫茫人生奔向何地？
 
那一天 那一刻 那個場景 你出現在我生命
從此後 從人生 重新定義 從我故事裡甦醒
 
如果我們不曾相遇 你又會在哪裡？

如果我們從不曾相識 人間又如何運行？
 
曬傷的脫皮 意外的雪景 與你相依的四季
蒼狗又白雲 身旁有了你 匆匆輪迴又有何懼？
 
那一天 那一刻 那個場景 你出現在我生命
每一分 每一秒 每個表情 故事都充滿驚奇
 
那一天 那一刻 那個場景 你出現在我生命
未知的 未來裡 未定機率 然而此刻擁有你

 
某一天 某一刻 某次呼吸 我們終將再分離
而我的 自傳裡 曾經有你 沒有遺憾的詩句
詩句裡
充滿感激
 
「柔柔呀，有無諗過如果我地無相遇，無遇過彼此，咁我地嘅生命會有咩唔同?」有日聽到哩首歌郭子安就問李思柔。
 
「嗯...我估我嘅人生會少咗好多色彩同歡樂，亦唔會好似依家咁咁有人生目標同夢想~ 你呢?」李思柔諗咗陣後答。
 




「同你一樣，我嘅人生應該會悶好多同少好多顏色，更加難以繼續堅持想拍電影哩條路... 咁你有無想像過將來有日，或者我地唔會再存在喺彼此嘅身邊咁會點?」郭子安再問。
 
「下? 點解咁講? 你諗住走?」哩個問題令李思柔有啲不安緊張地問。
 
「唔係... 但將來嘅野好難講㗎嘛，話唔定有日我地鬧大交? 有日我地各自有另一半?有日我地有人要移民? 又或者...有人因意外先走一步?」郭子安嘗試解釋。
 
「喂呀，唔好講啲咁唔吉利嘅嘢啦...」李思柔更加不安。
 
「哈哈，sorry... 不過柔柔，我想話比你知無論將來係點，我地仲喺唔喺大家身邊，我都好慶幸我嘅人生曾經有你哩個兒時玩伴一直陪伴住我支持住我，正如哩首歌嘅歌詞所講
 
而我的 自傳裡 曾經有你 沒有遺憾的詩句
詩句裡 充滿感激
 
多謝你比我遇上你... 」郭子安真摰地講。
 




「做咩突然咁認真咁肉麻呀... 不過...我都係...」李思柔聽完臉一紅然後細細聲咁講。
 
「可唔可以應承我，如果...萬一將來嗰日真係出現，你都要幸福快樂咁生活落去?」郭子安唔放心地問。
 
「喂，你傻咗呀? 唔准再講再嚇我呀， 唔會有嗰一日! 知唔知?」聽到後李思柔不依道。
 
「但將來嘅嘢無人會知㗎...」但郭子安就堅持。
 
「咁要我應承你都得，但你都要應承返我一樣嘢~」因對方剛剛的情話而感到滿滿幸福和甜蜜的李思柔沒郭子安辦法下就答道。
 
「咩?」郭子安問。
 
「你都要一樣... 萬一...真係有嗰一日，你都要繼續幸福快樂咁生活落去~」李思柔甜甜地笑住講。
 
「好! 一言此定~」聽到李思柔嘅說話後郭子安亦如釋重負咁笑住答應。




 
 
可惜當時心裏只被濃情蜜意佔據著的李思柔並無真正理解郭子安問哩條問題背後嘅原因。
 
當時嘅郭子安因為撞到自己嘅父親同另一個女人上酒店，因而對自己嘅自控能力產生咗好大嘅質疑，加上佢親眼見証住之前李思柔因為隻愛狗離世而傷心欲絕咗大半年，佢好擔心有日自己都會成為咗令佢再一次經歷悲痛日子嘅施害者，所以佢開始暗暗下咗決定，唔會比自己同李思柔成為情侶關係，亦潛潛走向之後放縱濫情嘅方向。