我無啦啦同隻芝娃娃交換咗身體，跟住無啦啦又遇上喪屍大爆發: （19）

架直升機從上空降落低飛，四眼仔沿住堂梯先爬上去。

輪到「亞狗」嗰陣，佢卻喺度猶豫，睇嚟係唔忍心捨我而去。

「BB…唔好走…過嚟…咬我…」

無法郁動嘅我唯一可以做嘅，就係叫對方咬我。

只有咁樣，我可能先有機會脫離喪屍嘅身體。





「『亞狗』！仲等咩呀，上嚟啦！」已經上咗直升機嘅四眼仔大聲催促。

「鄧鄧鄧鄧鄧——」

呢個時候，喺遠處傳嚟密集嘅腳步聲，連帶喪屍嘅咆哮聲。

架直升機「伏」得咁大聲，聾嘅都聽到呢度有人，所以就吸引曬附近嘅喪屍過嚟。

「又有喪屍嚟緊啦！走啦！」四眼仔再三催促。





「亞狗」猶豫片刻後，向我「汪汪」吠咗兩聲，當作係道別。

然後，佢就擰轉身，爬上長梯，登上直升機。

就係咁，我眼定定咁睇住自己嘅身體，坐上直升機離我而去。

佢咁樣一走，唔知以後仲有無機會再見？

我諗睇怕都無機會啦...





頭先個四眼仔雖則無攞我命，但我呢刻一樣係處於瀕死邊緣。

紅色嘅鮮血，無止境咁從斷肢上嘅傷口流出嚟，肚入面啲內臟就蓉蓉爛爛，狂滲出血水。

用「血流成河」呢句成語嚟形容我目前嘅處境，就最適合不過。

我無力咁攤喺血泊之中，感覺到自己越嚟越虛弱，相信唔使好耐，我就會失血過多死。

望住灰蒙蒙嘅天空，我開始回顧自己短暫嘅一生。

我讀書唔叻，符符碌碌入到大學，畢業後返一份好普通嘅工。

平時除咗買玩具、玩figure之外，亦都無乜特別興趣，成世人可以話係庸庸碌碌、一事無成。

而要數人生中最大嘅失敗同遺憾，一定就係溝唔到女神。





花費咁多心機同時間都得唔到女神嘅歡心，真係越諗越就覺得自己好廢。

諗諗吓，唔知女神佢依家點呢？

唔知佢有無俾喪屍咬咗變成喪屍，抑或係直接俾喪屍食曬落肚？

不過佢條仔成個「美國隊長」咁款，又大隻又威猛，話唔定保護得佢好好。

假如有來世嘅話，我一定要投胎做鬼佬，然後轉生用碌大「洋腸」插爆啲女個窿。

哈哈...齋諗都覺得有啲興奮…

咦？乜周圍咁黑嘅？乜咁快天黑啦咩？





哦…原來唔係天黑…

...係我嘅眼皮越嚟越重…意識越嚟越薄弱…

阿爸阿媽…我要行先一步啦…

吱…

吱吱...