我想喺夜場搵真愛，你陪唔陪我癲？: 序

事源係咁嘅…

「喂熙哥，禮拜五我有個FD生日，去唔去佢個場飲返杯先？」我個FD問我。

「但我唔識佢地架喎。」我點煙。

「無所謂啦，出嚟玩嘅，一杯生兩杯熟啦。」

「咁…都得嘅。」





其實我怕尷，但我好耐無飲酒都想飲下。

「咁我到時叫你啦。」

「嗯。」

幾日後。

我根據佢比我嘅地址係嗰到附近搵咗一陣，之就佢嫌我搵太耐，就直接出嚟接咗我入去。





啱啱入去，我就見到漆黑之中坐喺角落嘅一個女仔。

「嗯。」我向我個FD打咗個眼色。

「嗯？」佢睇唔明。

我再做多次，佢扤咗扤頭就帶住我行過去。

「喂喂喂，熙哥，坐入去啦，唔好咁撚自閉啦。」佢大聲對住全枱人講。





「你認真架？」我喺佢耳邊講。

「掂啦，啊叔做埋波比你打又點話。」佢將個頭側向我呢邊。

「會炒車架大佬。」

「信我啦屌你。」

講完，佢就一嘢推咗我入去。

「Hi，我係…呀熙啊。」