我想喺夜場搵真愛，你陪唔陪我癲？: 一.

「佢地嗰邊玩緊大話骰，我哋猜枚？」

「你…」

我未講完，佢就打斷咗我：「唔洗講落去，Clover。」

「猜啦，新嚟新豬肉，你嗌先。」佢斟酒。

「咁…我嗌架喇喎？」我同佢講。





「嗌啦。」

「你開唔開。」

「唔開。」我望住佢雙眼，佢冇避過我半秒，我睇得出佢講緊真話。

「十。」我嗌。

佢冇開，中咗一次。





「你今次開唔開？」我再問佢。

「開。」

都係一樣，係真話。

「開曬。」

再中一次，飲得。





「飲啦。」

「飲咪飲囉。」佢鄙視住我。

「好串喎你。」我幫佢斟酒：「猜死你先得。」

如是者，我每一鋪都問佢開定唔開，然後我幾乎一鋪都未輸過。

「十。」

我又嗌中咗兩次：「飲啦！」

「喂！」

冇反應。





「喂！」

冇反應。

「喂！」

都係冇反應，應該瞓着咗。

喺我諗住叫拍醒佢再嗌嘅時候，佢已經攤咗係到。

我除咗身上面嘅恤衫，然後將件恤衫冚喺佢身上。