我想喺夜場搵真愛，你陪唔陪我癲？: 十七.

入到場，我哋就直接逼咗入個場嘅中間。

然後，我哋嘅隊伍又多咗兩個人，兩個男仔。

我知道我跟住落嚟嘅問題好冇禮貌，但我真係忍唔住問。

「佢兩個邊個嚟？」我喺Clover耳邊問。

「一個係組爸，一個係佢叫過嚟玩下場嘅。」佢答我。





Okay，好似冇咩特別…

Wait a minute，好似有出事嘅感覺。

「組爸」？我諗起某個IG投稿Page嘅投稿內容。

「組爸…我女朋友。」

「組爸…我鍾意個女仔。」





呢啲就係我諗起嘅標題，當然仲有更負面嘅，但我唔太想諗落去。

喺我有少少灰心嘅時候，我諗起我啊爸教我嘅嘢。

…

..

.





「啊仔，老豆依家教你溝女，同我聽撚住。」佢拎住罐啤酒。

「你講啦。」我打緊機，有少少唔想理佢。

「溝女呢家嘢，唔好同我搞咁多嘢，拖落去、攬過去，就掂。」

「點掂法。」我Hea佢。

「咪一齊囉屌你。」

「咁如果冇一齊呢？」

「一係比人摑，一係差館見。」

「又去差館，唔好啦。」





「你成日都去架啦，屌你同我講經。」

「好似…又係。」

好，我呢個街童駁唔到。

…

..

.