我想喺夜場搵真愛，你陪唔陪我癲？: 十九.

我哋行出大馬路，等咗幾分鐘就已經有小巴到。

我哋加埋總共六個人，一個肥仔、一個組爸、佢兩個Friend同佢仲有我。

因為架小巴原本已經差唔多坐滿，得返兩個連位同兩個單丁位。

佢哋就好似一早安排好曬咁，一上車就已經極速坐好，淨返個連位比我同Clover。

雖然唔知你哋有冇夾過，但我喺呢到向你幾位表達最崇高嘅敬意。





Clover坐咗去窗邊，而我就坐喺佢隔離。

我偷望佢一眼，見到佢已經瞓着咗。

小巴開車，一離站就準備左轉。

根據物理定律，佢一定會跌向我呢邊。

佢慢慢向我呢邊跌過嚟，我遞高隻手準備接住佢，然後…





佢就咁瞓咗落我大脾到，而我就放返隻手落去搭住佢膊頭。

根據紅Van冇人即衝嘅原則，我哋好快就到站。

我輕輕拍咗佢幾下，佢醒咗之後就即刻彈起身跟住我哋落車。

我哋嚟到酒店房，呢間係兩人床房，我第一個跳咗上床，然後Clover就瞓咗喺我隔離。

「不如玩Game？」組爸坐咗喺床邊。





其實我估到佢會咁講，因為如果唔係想要下下場，佢跟嚟做咩？