我想喺夜場搵真愛，你陪唔陪我癲？: 二十.

我哋擺好啲嘢之後，組爸就開始教我哋玩各種Ocamp game。

而喺呢個過程中，我都知道曬大家叫咩名。

組爸--Abbott、肥仔--Edmond、佢個男仔Friend–啊樂、佢個女仔Friend–Katy。

另一樣我哋都知道咗嘅嘢就係…Edmond係戇鳩架。

正常一個低智商嘅人(唔包括智障)玩Game最多都係輸姐，佢竟然…





連個規則都聽唔撚明啊！

你以為我哋特登玩埋啲咩好複雜嘅Game然後喺到蝦弱智？

唔撚係呀！佢合埋眼指人，被人指嗰個出句聲然後估佢係邊個咋！

咁撚簡單嘅小學生Game，你估下佢搞錯幾多次先識玩？

六次。係六次啊！





喺我躁到仆街嘅時候，Clover突然幫我同佢自己冚被。

「你唔係話好熱咩？」我問佢。

「唔好問咁多。」佢喺我耳邊講：「幫我除Bra。」

我諗咗諗，覺得反正又唔係除衫，我忍得住。

然後我伸咗隻左手過去，用兩隻手指就咁一「啪」，個Bra扣就咁比我解咗。





好快，但成件事好似有啲怪。

我個腦突然「叮」一聲，我知道邊到怪喇。

仆街我咁樣嚟個單手解扣，佢會唔會以為我好熟手架？