我想喺夜場搵真愛，你陪唔陪我癲？: 四十九.

返到屋企，我鞋都未除就Whatsapp佢同佢講我返到屋企，見佢冇覆就去咗沖涼換衫。

沖完涼換完衫再返嚟睇，都係未覆。

我擺低電話：「唔得，我唔可以一直黐住佢、一直搵佢。」

我喺腦裡面捜尋咗一陣到底有咩可以做，然後就哨到我書架上面有一本我未睇過嘅書。

「《字討苦吃》，我今日就睇曬你。」我拎本書落嚟。





我打開之後好快就睇完第一頁，然後開始睇第二頁。

「不用提醒也會想念你的人，才是愛你。」

巧合嚟嘅啫，唔會咁邪嘅。

我合埋眼揭去另一頁。

「只是偶然被需要，何必每天在陪笑？」





仆你個街，孤泣你識讀心架？

我唔信邪，合埋眼再揭去另一頁。

「他就只當是一場遊戲，你又何必賠上自己？」

我有合理證據懷疑，《字討苦吃》真身其實係《答案之書》。

所以我決定…唔睇。





睇嚟對我冇任何好處，只會越睇越多嘢諗，越睇越傷心，咁睇嚟做咩？

我擺返好本書，然後打開電腦開始寫嘢。