我想喺夜場搵真愛，你陪唔陪我癲？: 五十.

我寫咗一陣，然後開始諗唔到嘢。

我翹埋雙手，較低張櫈瞓落去開始思考，然後…

我瞓著咗。

一陣之後，我聽到我啊媽喺到叫緊我。

「食飯啦死仔包！」佢喺到摸我個頭。





我較返高張櫈，伸咗個懶腰：「嗯，我而家出嚟。」

喺我諗住行出去嘅時候，我突起諗起一樣嘢。

到底佢覆咗我未？

我打開電話一睇，佢終於覆咗我。

「我返到屋企喇。」





十分鐘前嘅Message，原來佢都啱啱先返到屋企，真係我諗太多。

既然佢都有同我報到，咁我都同佢報到下先。

「我依家食飯喇。」

「你下個禮拜五得唔得閒。」

「得閒啊，做咩？」





「嗰日我個Fd生日，想搞Party，你去唔去？」

黐撚線，仲洗問？梗係去啦！

「我得閒啊。」

「咁好啦，我再同你講。」

「咁我食飯先啦。」

「嗯。」

其實仲有一句佢未講，但佢唔講我都已經知。

「下個禮拜五見。」





我擺低電話，行咗出房。

啱啱坐低，啊媽就即刻開聲：「啊仔，你唔係識咗女朋友咩？」

「係呀。」

「唔見你出街嘅？」

「咁佢忙啊嘛。」

「好忙嘅咩佢？」

「係啊。」





「忙咩？」

「我唔知啊。」

其實，人大個咗就係冇咩時間架啦，就算佢同你講埋你都係唔明唔知架啦。

講真，死毅進仔你識條鐵咩？