中六個年 我鍾意左叫我起身個女仔: 好人(二)

過咗唔知幾耐，我終於瞓醒。

我打開電話睇時間，先發現原來已經晏晝一點。

我將通知欄拉咗落嚟，除咗一大堆手機Game嘅通知，仲有向晴嘅Whatsapp。

「陪我出去影相？」

雖然呢個Message係十二點幾Send過嚟，但係諗到佢有可能仲未出門口，所以我都係覆咗佢。



「你出咗去未？」我喺Whatsapp裡面輸入。

「未呀，都未搵到人幫我揸機。」佢覆我。

「咁我幫你？」我問佢。

「好呀，咁你嚟搵我先？」

「你未出得門口咩。」



「我未呀，涼未沖、妝未化、衫未換。」

「咁我嚟做咩？」

「你上嚟等我啦，我屋企冇人。」

「咁樣咩？」

「無所謂啦，唔通你會姦咗我咩？」



我內心掙扎咗半秒：「你屋企喺邊？」

「上水清河嗰邊，你嗰邊過嚟應該半個鐘左右。」

「咁我出門口同你講。」

「好。」

講完，我就放低電話，爬咗落床。

我快快手沖完涼，連頭都冇洗就咁換衫出咗去。

未到兩點，我就嚟到上水清河邨。

我企喺兩排鋪頭中間嘅一棵樹前面，自備摺凳坐喺樹下面嘅啊公啊婆一直望住我，而我完全唔知點解。



我拎出電話，打開Whatsapp，撳入我同向晴嘅對話框：「我係嗰個有一堆啊公啊婆嘅樹前面，你棟樓喺邊？」

「你面前左手邊呀。」

「清頌？」

「Yep。」

「密碼？」

「6788。」

「幾樓？」



「1314。」

「你吹架？一生一世咁有Feel嘅。」

「真架，上嚟啦。」

「快緊快緊。」

我行過去撳密碼開門，個保安望咗我一眼，然後又繼續瞓教。

我搭𨋢嚟到十三樓，啱啱行出𨋢就聽到有開門聲。

我望過去，有道鐵閘開咗一半，有個頭突咗出嚟，係向晴。

「快啲啦！」佢向住我呢邊嗌。



我行過去，佢都行返入屋裡面。

我拉開鐵閘，入咗去閂完門先望到佢着咩衫。

長頭髮Firm呢啲就唔洗講啦，佢着住件勁透嘅白色短袖恤衫仲要冇着Bra，佢嘅上身可以話係一眼睇曬，好彩兩個點位有個心口袋遮住，如果唔係就真係咩都睇曬。

下身着住懷疑係一條唔啱着嘅真理褲，因為佢有半個屎忽都露咗出嚟。