我在英倫身兼數職的日子: 第五章: 機會處處 但又危機四伏
工作無風無浪， 上司係一個full stack 一腳踢既人， 好處係可以幫手做， 唔好處係咩都識無得走雞。而且要求都幾高，成間公司得我一個華人， 有一次條team 約過出嚟聚下見下面， 我先知條team 有4 個人， 一個黑人， 其餘都係本地人， 佢哋返工放飯只有半個鐘， 都好興出去公園草地坐係度食三文治，咁當時正值炎夏， 日照又長， 坐正喺草地同佢哋吹左一個鐘， 已經成身紅晒， 反而見到佢哋，白人晒唔黑， 黑人唔會再黑， 得我一個晒到又紅又黑…
因為份糧真係唔夠開支， 所以我都keep 住搵工，呢度job agent 真係經 LinkedIn 搵我比較有效率， 有interview 既機會都好大， 當中有個interview 叫我去北部城市見工， 有得做返data manager, 而且係我在香港最後一份工屬同一工種， 樣樣都好似好類近， 個agent 仲話我會好喜歡那公司既culture, 我當時曾經有一刻心動， 但要求去北部城市返工， 我揸車一程都要三個鐘， 來回六個鐘點返？ 黎生都怕返唔到啦掛， 反正我有份工返緊又在家工作（其實就係已經懶開， 所謂試過返唔到轉頭），所以當時就直接拒絕左去見。
講返工作， 我開始發覺上司對我多左意見， 要求高之餘仲好高效率， 我不禁心想說好的work life balance 呢？ 又話英國人效率好慢？ 點解我呢件上司咁高效？ 我以香港人既效率黎做都開始感到有壓力， 如是者又過咗兩個月， 我開始頂唔順佢咁高既要求但仲要凡事親力親為，曾經一刻我有一絲閃過念頭係咪因為我唔係佢請所以咁樣只對我要求高呢？ 我之後偷睇佢LinkedIn, 頂 劍橋畢業？另外一個身份係Accountant ? 佢玩哂啦咁！所以之後我都心廿情願被佢micro management 一番。
題外話， 講開職場遇到既上司， 我在香港都遇到過一個super bossy 既中年女人，做得女人管data team 都唔方識technical 啦， 咁tech 呢方面可以耍走佢，佢cv 都可能係大家同行一路走黎既路， 先係analyst, 再上PM, PM 都係M, 就憑佢一個M 就過檔管data team, 咁其實PM 範疇好大， 管得好一個project(秘書工作範圍）唔代表佢識DA, 識唔識都算， 但佢d micro management 好煩之餘仲要綢花，曾經在一個鐘前要present 比大老闆前改template, 為既只係綢花靚d, 但結果係明明一直行得走得但你一改佢就唔行得， 一個鐘內要改好仲要試， 咁當然係唔work 啦， 最幣係佢會將自己既個人情緒全部發洩係你身上， 佢會發癲鬧人， 佢會一朝早西面， 呢啲上司都真係經典， 人生遇到過一次已經算多， 當時坐我隔離位既法國仔仲問我係咪香港d boss 都係咁樣樣？ 我要花好幾日去解釋比佢聽唔關地方事， 係人既問題…我怕佢從此驚左香港，香港其實仲有好多好老細（包括我自己XD）， 我好多年前其實都已經說好香港的故事啦。
再題外話， 呢間外資公司我做咗唔係好長， 公司一半以上都係鬼佬，但因為呢間公司令我有信心可以在外地立足，而呢個法國仔成左我之後既好朋友， 之前我在倫敦都同佢見過面， 之後會再講。
雖然呢間公司一半以上都係鬼佬， 但我都發現有歧視現象， 事緣我近鬼佬堆成日出去食lunch 都會同佢哋食（當時成百蚊個lunch 覺得都幾貴）有次有個北歐人（198高）， 成個雷神咁樣， 佢話比人歧視， 佢做marketing analysis 既， 佢條team 除咗佢全部都係港女， 你以為一定受歡迎等食洋腸啦？ 錯， 佢向我投訴話開會時班港女全程用廣東話傾， 當佢無到之餘仲好唔尊重， 我立刻話咁樣係歧視要同HR 反映， 講真就算傾閒偈有個外國人在場都好應該全英文，香港人同香港人傾都唔該用英文，呢啲叫尊重！順帶一提同樣情況英國呢邊都一樣有發生，包括學校，職場或者隔離鄰舍， 同場有外國人（其實我哋先係外國人）， 請尊重返人地， 講英文啦。
講多一句， 我那個好bossy 既女人都貪食洋腸， 但就target 間公司既MD, 人哋有女友都成日send message 比佢話佢係我上司個mentor, 又約佢游水咁， 不過都係道聽塗說，再多就驚穿。