萬金油與孺子牛: 紙上繁華已盡算
「Rachel，你落嚟早啲話我知呀嘛，我可以搵人接你過嚟。」我故意這樣說，帶點質疑眼神望向坐我斜對面的她。
「我同咗曾總講，佢話你出咗去見客，我就唔阻你啦～」她呷了口咖啡，回擊我一個致命的掠食眼神。看來，她不會放過我。
坐在我的對面的Kerry似乎也盤算着什麼，亦不敢與我正視。我實在好奇，Rachel到底向她提出了什麼方案，令Kerry姐也無法抗拒？
「Michael，我上次同你提出嘅方案，你考慮成點啊？你唔係想拖住我吖嘛？」Rachel居然在Kerry面前對我單刀直入，與我甚有火花地對望。我又望向Kerry，她沒有望向我，反而望向Rachel，而且她們之間的對望，不簡單。
Rachel見到這個局面，似乎盡在她掌握之中。她把自己的手錶脫下，戴到Kerry手上，居然還是剛剛好，簡直和量身訂造一樣。這隻保守估計250萬的訂造款，她隨手就給了Kerry？
「我諗Kerry係唔好意思同你講，佢想接受我俾佢嘅Offer。」看來我沒有猜錯，她給了一個更吸引的方法給Kerry，這個Offer似乎不簡單，可以令Kerry無法反抗。
「既然Kerry唔好意思同你講，我同你講。Kerry同意左我同你嘅交易。我唔會阻止你地一齊養大個bb，條件係michael要同我結婚。」
「咩話？」我簡直嚇得地震，Kerry到底收了什麼好處，居然將我當成籌碼？「林泳昕，佢比咗咩你，你可以擺我同你之間嘅感情上枱？你知唔知你做緊咩啊？Rachel想我同佢結婚，幫佢打理山傲。你有咗我地個bb架！你知唔知你做緊咩啊？」我生氣得用力將杯打在桌上，徒手揸碎了喝水的杯，心跳不停加快，全部人目光都注視我們。
「流血啊…」Rachel緊張地坐到我身邊完全不怕玻璃碎，用紙巾替我止血，卻一直留意著Kerry的反應。Kerry雖然一臉擔心，卻選擇不行動。她和Rachel之間有種說不出的感覺，亦有種銳利的博弈。我喘着粗氣瞪著林泳昕。
「你先係我女朋友啊林泳昕…」我壓低了音量，她和我對望，似乎很為難，她抿抿唇。「你可唔可以話俾我知你諗緊咩啊？」我再次激動起來，胸前忽然劇痛。
「Michael!」「Michael你點啊？」…我抓住忽然劇烈絞痛嘅胸口，頭暈而且耳嗚，忽然呼吸不了。「孫家弘你唔好嚇我…」…我眼前一黑……
「先生…聽唔聽啊…」第一次醒來的時候，隱約看到自己就在救護車，但可能身體太累未恢復，耳鳴一會又暈了。再醒來已經在私家醫院，看見Donald和Rachel，卻不見Kerry。
「Michael你點啊？」「Michael我去叫醫生。」
「Kerry呢？」我拉住Donald問。他看了一眼離開了的Rachel，告訴我：「Kerry係另一間房休息緊。你心絞痛休克，佢嚇到肚痛。頭先check咗，bb冇事，但醫生話唔可以咁激動、再動胎氣。你都休息下先，唔好咁激動。」
「點唔激動啊？你知唔知佢…啊…..」我胸口又絞痛，Donald嚇得不停按那個「醫生掣」：「喂喂喂你深呼吸、深呼吸、深呼吸……」醫生、護士和Rachel也跑了過來，還是休息、吸氧和吃藥。再休息一下，我感覺好多了。
原本Rachel想等我自己休息一下，但我拉住她，堅持要知她給Kerry的Offer是什麼。
「我叫Kerry諗清楚，你同佢嘅性格、工作模式咁唔同，如果你上咗位COO甚至CEO, 佢係咪可以一直接受？但我唔同，如果我令你多一個集團要打理，唔單止減少你哋之間嘅衝突，佢喺呢邊既權力同話語權都會更大。我仲可以同佢長期合作，互利雙贏。而Michael 就可以填充埋中國、俄羅斯嘅拼圖，絕對係三贏局面。」Rachel沒有兜圈，直接告訴我：「Kerry其實比你諗嘅更有野心、更聰明。如果你做咗CEO獨攬大權，你覺得對佢黎講係保護、定係限制？佢嘅能力同效率咁高，你有冇辦法放大對佢嘅人才管理？」她不是沒有道理的。
她接著說：「生活上呢？你又有冇諗過佢想要咩？你作為一個有城府、有手段、有野心嘅男人，奉行關係導向嘅你，真係可以每條邊界咁清晰？要需要嘅野，你比唔比到佢？」
我會說，從她這段話說出來時，我們三人就注定沒有贏家。她已經是看穿了我們性格的痛點和野心，才放出來說的博弈。
「Kerry係睇穿咗，你同佢係兩個世界嘅人，冇結果架…」不是Kerry看穿，而是Rachel利用了Kerry也希望我有更廣的天空的想法，希望我不會受限，加上她再搭配一個可以配合Kerry這個工作狂的野心的藍圖，一次過捆綁式向Kerry做pitching，才會令懷孕期情緒反覆的Kerry入局。
「佢唔係睇穿，係孕傻。」我淡淡地說。我相信Kerry不是要把我當成商品，她只是以為真的對我們最好。
「你都應該考慮清楚…」
「我考慮得好清楚。」我堅定地打岔，與她對望。
「山傲集團女婿、董事兼總經理，難道唔吸引？」
「好吸引！而且我可能以後唔會再有呢種offer…」她與我再次對望，我補充：「但如果我今日接受，係因為價值衡量、商業博弈嘅交易，咁聽日我哋一樣可以因為呢樣嘢而一拍兩散。因為我哋嘅關係唔係建立係愛情之上…」
「咁你點知自己唔可以慢慢中意我？」她反問。
「你好清楚…」我沒有說破，是希望她也反思一下，為什麼非我不可。
休息了一會，我離開了病房去找Kerry。
Kerry正在睡覺，我坐到她身邊，替她蓋好被子。