萬金油與孺子牛: 風落疏林月滿樓
「Michael？…」她似乎醒了，有點睡眼惺忪望向我：「你點啊？…有冇好啲啊？…」她伸了伸腰，似乎腰不適。
我默默替她按摩腰，輕聲溫柔地說：「醫生叫你情緒唔好再咁大起大落，唔可以再動胎氣啦…又話要做嫲嫲？」
她聽到這個，眼淚流下來，亦想背對我。我把她拉來面向我，溫柔扶起她，輕輕拭走她的淚，把她擁入懷。
她淚濕了我肩，忽然又輕輕拍打我手臂，抽泣著說：「孫家弘…你唔準…再…再對我咁好啊……我會唔…唔捨得你架……」
「咁咪唔好放我走囉～」我為她掃掃背。
「但…但係…rachel －步棋，就幫你…做到…你嘅目標……」Kerry推開我，低下頭流淚。
我握住她手：「林泳昕…林泳昕…你望住我。手段同資源炸嘛！你對我冇信心咩？我都一樣可以靠自己打江山架～」
「但係…中國市場喎。山傲集團系市佔…70%，根本…根本冇拒絕嘅可能…」
「係架，但你有冇諗過，商業價值交換而開始，都一樣可以因為商業價值交換而結束。更何況冇感情嘅感情關係，以後每一步都係充滿計算。你有冇諗過就算我做到，咁我開唔開心？」我與她十指緊扣。
「林泳昕，你計數好叻，呢畢的確似係好值得做嘅價值交易。但風險評估呢？我哋永遠要屈居Rachel之下，係佢眼中我哋永遠係獵物。我哋個仔呢？仲有Donald呢？Rachel如果做嘅決定影響到我哋呢邊，我哋兩個比Rachel影響咗，咁Donald咪多咗兩個內敵？最後惡性循環……」
「你又好似…有道理…」她抿了抿唇，我為她再拭去淚花。她又問：「但係…真係可以拒絕Rachel咩？會唔會…影響到你升職架？…」
「林泳昕…你要對我有信心。」我烘近她，又說：「你記唔記得同你一齊之前我地喺公園講過啲咩？」我吸一口氣再認真說：「你叫我唔肯定就唔好同你表白。你記唔記得？我已經差d放棄過一次，同一個錯我唔會犯兩次…」Kerry忽然吻了上來，讓我很害羞。
「孫家弘…我冇睇錯男人～…」她認真說，害羞得面紅。
我一手把她擁入懷，深情地望向她：「估唔到Cool魔原來咁浪漫～好似上一秒先想推開我…」
她連連搖頭，握緊我手：「唔推啦唔推啦…」便伏在我肩上貼著我撒嬌。
「咁…叫聲老公黎聽下？」我得戚地說。
「孫家弘你唔好得串進尺喎！…」她溫柔地警告我。
「遲早我都會聽到林泳昕叫我老公～～」她有點害羞輕拍我手臂。
我看見門外仿佛有個身影走過。
休息了一晚，出院前我用紙筆寫低、反覆思考著從中山計劃開始前到現在的每一次細節。首先閃電之間約好時間，到在大堂遇到Rachel。我在內地的人脈其實很少，都是以前跟老李認識的，所以他給我調查到的資訊，關於山傲集團和陳共生的事，我確實沒有很多fact check餘地。
我越想越不對勁，其實這個計劃真的需要這麼趕過來中山看嗎？這麼趕有6-7成也是因為像我對Paul爺和華哥一樣，要用計謀才會急著掛一個冠冕堂皇的理由插隊。該不會是Donald知道Paul爺那件事是我的鋪排，知道我要收編重臣是為升職鋪路，故意設局測試我忠誠度吧？……
我真係越想越心寒。難不成我又中了Donald設的局？如果我想知自己是否推測正確，我有一個方法……
我找來了Tammy和我媽幫忙，執行測試。消息發送之後，好戲開始。
「死啦…uncle Donald，你嗰時唔係話係咁易測試吓佢就可以咩？佢哋一個心臟病發，一個搞到胎動，我已經好過意唔去。而家Kerry出血啊！死啦！係咪我做得太過分？如果佢流產咁點算呀？……」Rachel比Donald更著急。我果然聽到Rachel跟Donald邊跑去Kerry病房途中的對話。她的語氣似乎有點憤怒：「我有跟你劇本去玩㗎…唔關我事…如果林泳昕有咩事，我唯你是問！…」
「Rachel定d。Michael痙攣性心絞痛呢件事算係我預料之中，好彩我嗰陣安排咗個醫生隨行。但Kerry無啦啦出血呢件事的確係…」Donald似乎很害怕也很擔心，又說：「冇事嘅。如果Kerry有咩事，洗幾多錢，我都會幫…」
「uncle Donald，其實你使唔使試到咁盡啊？萬一佢真係應承我…」
「細姪女，要成大事就唔好船頭驚貴船尾驚賊。更何況今次係Michael冇做足功課在先，冇發現我係有山傲集團股權。」好一個曾家才，居然機關算盡。
我安排的兩位演員已經在門口，他們到達的時候我也故意站得很遠，把錄音機放在我媽身上。
「Kerry 姐…Kerry姐佢……」我故意挑選了Kerry去做檢查的時段演這場戲。「冇陰功囉，邊個賠返個孫俾我？…你呢個小三！仲好意思過嚟！…」我媽果然是大學戲劇學會主席，事隔幾十年演技一點也沒有生疏。
聽到這裏他們兩個的面色蒼白，Donald似乎不敢相信他計算幾十年，還會有這麼失準的一日。看到這裏，就到我出場了。
「佢有咗BB本身就唔受得刺激，你哋點解要特登set個局比我？」我裝作心絞痛，讓他們嚇得毫無招架能力。
「你發現咗？」Rachel心虛地說，望向Donald：「而家點算呀？」
「點算？你哋設呢個局嘅時候冇做好風險評估嘅咩？」我反過來將他一軍，捂住胸口裝痛。他們立刻扶我坐下。
「Michael，你同Kerry所有保險意外嘅費用我都會全包。佣金同花紅方面，我講好+5%，全部唔變……」Rachel說。
「錢？錢可唔可以買返我個仔啊？仲有Kerry嘅心靈創傷？」我絕對不會放過這個機會。
「你講，你想要啲咩？」Rachel望向Donald，Donald開口。
我望向他們，只提出以下要求：「第一，以後唔好攞我女朋友同我個仔條命嚟測試。第二，呢個項目新增嘅5%分紅，我想用落其他部門嘅員工基金，講法可以係我成功爭取，你哋恩恤。第三，你哋要請Kerry, Tammy同我媽食餐飯補償，Donald希望你可以親口同Kerry保證，以後唔會再嚇親佢。」說完這句，不止我媽，似乎所有女人看着我的眼中都在發光。只有Donald的眼神中幾乎對我充滿肯定、亦是對我充滿內疚。其實這個正正是我想達到的目的，這些要求都只是身外物，但要令Donald覺得我雖然有野心、但我不會利用這些東西對他要挾，讓他覺得我是忠誠不越權、但我不好惹，讓他覺得是欠了我，對於我以後的路只會百利而無一害。想不到他們設的局，不但被我化解了，還令我有意想不到的收穫！
「Michael…你過關啦。」Donald聽完這番話之後對我表示極大的肯定。
此時護士把Kerry推回來，只有Rachel一個感到意外，因為Kerry還和護士有說有笑，而且出血的話應該是躺着回來。但Donald似乎並不意外。看來我剛才出現的時候他已經知道這是我反將一軍的試探。
「林泳昕你冇事啊？嚇死我啦！有冇咩唔舒服啊？…」Rachel跑了去Kerry旁邊。
「Rachel？做咩啊？我啱啱去咗做檢查。」……