萬金油與孺子牛: 敲棋驚破一庭花
如我所料，Donald在晚飯後便把股權書拿給我，只是沒料到，他給這麼多。首先講解一下，目前40%為散戶、投資基金及其他公司或個人持有，原本創始人擁有20%、他兒子12%、Donald15%、15%由高層及員工持有。如今股權變動，創始人0%，他兒子13%，Donald23%，給我7%，15%繼續由高層及員工持有。
還有一份意想不到的厚禮，Rachel和呂先生在Donald同意之下，邀請我做山傲集團香港區發展總顧問，以5%股權作酬勞，當然所有股權也有不可轉讓及3年利潤目標的限制等。但我確實很高興能夠有被肯定的能力。
Donald、Rachel拿了兩盒雪茄放桌上，給了我一盒，另一盒一人一支剪開吸。
「係時候換下錶、換下車啦，孫總監～」Rachel呼了一口，即使在Kerry、Tammy和我媽面前，還是那個曖昧的眼神望向我。當然，這本來是她性格。她指著我手上的AP說：「聽講你真係呢兩三年冇買過錶啦喎？」
因為自從弟弟弟婦走後，我確實把換車和錶的錢用到聰聰和晴晴身上。反正我衡量過我手上之前買的十幾隻限量版，不會因為我不換錶而影響我能賺錢能做生意的形象。
但對他們來說，我就是不夠跟貼市場了。就1、2隻訂製限量版，他們是在取笑我。
「買錶好，你哋有冇推介？」
「咁就要問下Andy同Jerry有冇新嘅收藏品推介啦！佢哋好多珍藏升緊值架！Rachel，你有咩推介？」Donald抽了一口，呼出一絲煙。
「孫總監如果幫我開拓到第一單生意，我親自送一隻比你～」她望向我的眼神還是充滿火花，讓我感覺我身旁的Kerry對我滿是殺意。Rachel又望向Kerry，她們之間的對望非常銳利，銳利得讓我開始覺得有點不對。
「咁你可以準備定～」我嘴角上揚，充滿信心與她對望。她嫵媚一笑，舉起紅酒杯與我亁杯、和Donald乾杯。
晚飯結束，Kerry主動說：「我想返去搞埋份合約，你唔使送我啦。」
「咁夜仲搞？」我問。她帶點火花告訴我：「我返你屋企搞都得，我會同伯母返去先。但我唔會輸比你，我一樣可以開拓到新客。」我不禁笑了，原來是激起了她的鬥心。
「哈哈哈！Michael，咁你陪我食埋糖水先～」
「好。Kerry你同阿媽返到msg我。」「得啦～」她便拉住我媽離開了。
Rachel也先回去，Donald帶我去上次會所的私人箱房開了一支紅酒。
「多謝Donald提攜。今日對我黎講真係有d震撼…」我主動說。
「係你應得嘅。你嘅能力董事會係睇到。」醒好酒，職員拿過來給我們斟好便出去了。那當然，不然Donald如何進一步鞏固他在董事會的地位？
「Donald你叫我黎，應該唔會係飲兩杯咁簡單。睇黎我有重要任務。」我反問。
「Kerry係叻女而且好聰明，但係面前某d社交同手段，實在太獨善其身，唔係迫在眉睫都唔願意出手。咁樣的確唔係長遠對佢好嘅方法。」我已經知道他想說什麼了。Donald繼續：「下一步希望我退休之前，可以令Kerry主動做到願意多啲出手就可以啦…」
其實Donald將Kerry放在我身邊，本來亦是因為想令Kerry無法獨善其身多些出手對付我這個老油條，結果一不小心被我保護了。我猜Donald想我迫得Kerry狗急跳牆，不可以只靠硬實力。他不自己出手，交俾我出手還有一個好處，可以在公司豎立出我沒有刻意包庇Kerry的形象。但缺點是Kerry可能會罵我，畢竟要讓她耍手段拆局，她一定知道設局的人是我，對我一定一臉不屑。
「你唔好咁錫住佢啊！如果唔係我必要時會加一腳架。」Donald這句，證明他也會遙遠看着我做局，倘若我做局不小心影響到自己地位，相信他應該會幫我補，讓我無後顧之憂。
「你放心啦。以前佢喺marketing都受過我唔少招。」我感覺遊戲越來越好玩。
原本世界集團應該完成了第二階段計劃書，我故意在Kerry和Ken聊的細節中挑毛病，挑出一些必須要Kerry親自用人脈和手段處理的問題，可說是故意挑她的弱點打擊。
「你哋有冇聽過，新官上任三把火，原本以為佢會搞Jenny, Yanny，結果一上任就委以重任，仲將佢自己爭取返嚟嗰5%分晒俾佢地。」「居然要Kerry要專注處理人際，出咗漏洞就即刻搵出黎鞭…」「想削權定想劃界啊？劃界令人覺得佢會公事公辦…」「咁佢都劃得好狠喎？似打擊多啲喎…」「方唔係驚Kerry姐會要挾到佢嘅權力，所以要做權力天秤，先削權…」……
目前風聲一面倒認為我是要對Kerry削權，也有說要顯得公事公辦，始終我和Kerry之前的曖昧是公司秘密網首位。
「Michael哥！！！」「Co哥你返黎拿！」…上任第三天我終於有時間來請我的舊下屬們一起吃飯，他們一看見我立即圍過來，更左望右望。
「Co哥，你係咪真係削緊Kerry姐權啊？」「係囉，呢排Kerry姐塊面真係好黑喎，佢今朝出咗去見客，可能就返啦。」「Co哥，你明知Kerry姐唔擅長拉攏人，你仲捉住佢呢啲位？」…
其實我這個局也算明顯了吧？Kerry該不會相信我是在把權力多放給其他部門去制衡她吧？而且就算我故意制𧗾，以她的能力根本輕鬆打贏其他人。