萬金油與孺子牛: 水火既濟意自如
Donald還是沒有放棄，他借我名義加大了我這派的Paul爺、Yanny、Water、市場部主管Dennis還有物流部主管Henry的權力，可以走更快通道。相反Kerry那邊的華哥、Jenny、法律部主管Johnson，行政程序受阻，以反制Kerry上交的procedures文件。其實看到這裏我已經深知自己這個夾心，一定會死得很慘，無論我站哪一邊都不行，更何況為Kerry未來升職着想，其實我還是站在Donald那邊。
「唔使咁嘅樣～我喺公司做咗咁耐，Kerry要玩公司嘅架構同程序，問過我先啦～」這天和Donald吃飯，Donald似乎很興奮，難為我這個升職根本是一個磨心。但我也不能坐以待斃，倒不如加入戰局，讓他們的鬥爭快點結束，我才有好日子過。
當然，聰明如Kerry只是用了一招，便輕鬆化解了Donald的限權限速。她將真正重要的文件都放到我山頭其下的部門名義大兜亂，不急切、甚至可以說是無聊的申請例如申請更換椅子，留在自己山頭部門名下，維持着數量申請，作為聲東擊西之用。看着這個招招快狠準的林泳昕，我不禁暗自感慨幸好她是這麼固執於實事實幹的人，否則我也未必夠她狠。
「係咪呢？我都有諗過佢會咁做。」
Donald和Kerry的隔空過招維持了三個禮拜，我收到Kerry要求調職市場部的要求，便拿到Donald辦公室與他商量。
Donald看也不看直接拒絕了Kerry的申請，也很堅持的說：「我曾家才，對於我欣賞嘅人才都一樣好固執。Kerry唔係一個打工仔嘅材料，佢係有更大嘅potential好似Michael你咁。可惜佢同你嘅性格真係太唔同，佢剛你柔，你就似水一樣，佢就好似火一樣。」
他思索了一會，忽然用詭異的眼神望向我：「Michael，既然唔可以夾硬嚟，不如……」
我看穿了，Donald這是要打感情牌、打床頭牌。水火既濟….. 想得很妙，但，我只能盡力。
「今日咁好餸嘅？呢個薑蓉雞好香喎…」Kerry下班回來我親手炮製的「薑蓉雞」也新鮮熱辣出爐。
商界中盛傳一個神話，和我合作簽約的生意夥伴、就算是競爭對手，也肯定聽過我親手炮製的「米芝蓮級薑蓉」，相傳遇到連我手段也擺平不了的事情或人，只要吃過我的薑蓉，也會甘願簽合同。我的「秘製薑蓉」有沒有這麼強我不知道，但的確有不少好的口碑。
「你平時自己一個喺屋企同公司成日叮叮、三文治，試吓我嘅秘製薑蓉啦～」我脫下圍裙。她聽到是我整，感到難以置信：「你整？」
「你冇聽過我嘅薑蓉生意論？」我奸笑了。
她用不太相信的眼神望向我。我雙手拉她肩膊到椅子坐下，按摩一下她雙肩，再坐到她身旁夾起一塊雞肉餵她。她眉頭一皺，吃了一口，瞪大瞳孔，拿過我手上的筷子再吃了一塊，難以置信地望向我：「好好味喎……真係你整架？點整架？…」
「係呀～我呢個秘製薑蓉喺商場好出名架，你問下人就知。」我說。她雙眼發光望向我：「你咁犀利嘅？…」
「慢慢食啦，冇人同你爭～」她吃得停不下，我看著她，她真的很可愛。
「阿昕，你都鍾意食弘仔d薑蓉啊？我呢個仔呢啲薑蓉係喺佢婆婆嗰度偷師㗎！連我呢個阿媽都整唔到呢隻味！細個佢做錯嘢嘅時候或者考試衰咗，一定整返呢個薑蓉雞氹我！」阿媽補充。
Kerry與我對望，我用紙巾拭走她嘴角的汁，她主動吻過來：「好好味…多謝Michael～」她的吻讓我沾沾自喜。果然到目前為止這個「薑蓉」的勝率，還是100%。
晚上Kerry洗澡之後，我為她吹頭髮。
「點呀Kerry姐？」她坐在床上靠貼我，擁緊我幾乎難以呼吸。
「我男朋友好叻～…」她自滿地望向我。
「我女朋友都好叻～用起手段上黎仲好狠添…」我故意擺出可憐的樣子。
她雙手捧住我面頰，吻了我一口：「係啦～40份procedure好慘係咪？你又唔係Donald面對幫下口…」
我扁著嘴：「我女朋友咁聰明，實知點解架～你估我唔想架？我而家係三文治個餡喎…」
「知啦～我調職Donald都reject咗，佢想我對下人、耍下手段吖嘛…唔夠明顯咩？」她眉頭又皺起來。
「佢同你都一樣咁固執，佢好堅持你係將才，但更應該係帥才，所以先咁啫～」Kerry這份人千萬不要和她兜圈，直接講反而她會更願意接受。
她笑了，耐人尋味地望向我：「孫家弘，你對住我好似越嚟越直接…你特登架？」
我從後擁著她，鼻尖貼着她的面頰，溫柔說：「係咩？」
「係～你以前乜都耍太極咁～」她忽然想起什麼，笑著說：「好彩我哋果個係女，如果唔係第時好似你咁油淋淋，真係會激死我！」
「咁我夠油淋淋啦～你唔係揀咗我咩？」
她耳朵通紅，害羞得口吃：「咩呀～咁…咁果陣…」
「怕醜啊？係囉？點解嗰陣會鍾意我嘅？」我得戚地說。
「我點知啫～你…咩完我之後…咪就…係…唔知點解囉……」她眼神很飄忽，回答得很迴避，真的從來沒見過她這般害羞又尷尬：「我平時好理性㗎！…」
我吻向她，滿足地偷笑：「可以比你睇上，我自己都覺得自己好厲害～」
「自大！」她推推我額，取笑我。
說起這個，目前有孕15週的Kerry之前檢查時醫生說很大機會是女生！我真的很高興，我的未來迷你版林主管一定更可愛！