萬金油與孺子牛（第二季連載中）: 錦衣藏拙樂天倫

董事會以幾乎全票通過Donald接任董事長一職，我和Kerry亦順利成為其中一員。

「昕昕！你叫Michael唔使咁客氣啦！佢呢幾個月已經寄咗好多蔘茸海味、燕窩果d比我地，我同你爹吔、姨媽姨丈、舅父舅母，仲有你嫲嫲，佢寄俾我哋嗰啲嘢兩三年都食唔晒啊！我哋可以自己買。同埋寄過嚟manchester啲運費好貴，你家姐同姐夫又喺倫敦。你叫佢唔好破費，留返啲錢俾我個孫啦！」我剛回家，Kerry在偏廳和外母在視頻通話。
「咁仲有Gladys表姐同Veronica表姐兩家人呢？」
「你啲表姐夫同表姨甥全部都係英國人，邊度鍾意呢啲奇怪嘢食架！」
「Michael佢啱啱返到，你同佢講～」Kerry把我拉到電話前，我放下公事包便上前打招呼：「Uncle, Auntie午安～」
「Michael收工攰唔攰啊？」「妹豬！Is that Michael？」除了伯母的聲音還聽到Kerry的姨媽。「哎呀你一陣先講嘢，等我同Michael傾咗先！」我們被Kerry媽媽逗笑了。

「唔攰啊Auntie～」
「Michael，你太客氣啦！而家運費好貴，你唔使寄咁多比我地架，我哋呢邊有得買！同埋過多兩個月我同Kerry爸爸、姨媽同舅父都會過嚟香港睇你哋，到時我哋自己買啦！你同昕昕留返啲錢自己用！」





「要嘅Auntie，呢度好少嘢，你唔好同我客氣啦～你哋收到我畢𠥔款未啊？嗰筆錢我同Kerry聽你哋講之前話想去法國玩兩個禮拜，我哋想你哋住好d食好d、玩得開心啲，比較細數目，希望你哋唔好介意…」

「Heyya！！」她聽到我這樣說眉頭緊皺，嚇得馬上把Kerry爸爸拉進視頻：「Michael！我地唔係賣女啊！你畢錢我同Kerry爸爸以為你想做d咩，嚇死我哋呀！你哋兩個都係打工仔，拿Michael，你俾我嗰十萬磅我幫你搵咗個朋友買咗樓寫你哋個名，收租賺錢，第時你哋退休多一畢錢！你唔好再嚇uncle auntie啦，uncle同auntie心血少唔襟嚇架～」

「孫家弘！你之前唔係同我講話俾十萬蚊㗎咩？我以為十萬港紙，你比咗成球幾嘢俾我阿媽？！」Kerry嚇得彈了起來，瞪大雙眼望向我。

「做咩啊？」我很無辜地望向她，好奇反問：「Kerry姐你好似都搵唔少架喎？你爹哋媽咪唔知你一個月搵幾多錢？」她似乎有點難為情。

「可以搵幾多啊？十幾二十萬港紙一個月左右啦我哋估，你哋租樓都唔平兩三萬蚊，又要稅收、保險、生活使費，嚟緊你哋仲要養小朋友。Michael你本身又有屋企人、仲要湊住你細佬嗰兩個，你啲開支仲大呀！」想不到Kerry媽和Kerry爸還是一臉憂心地望向我們，似乎非常擔心我們財政會有困難。





「十幾萬？你肯定？你講架？」我不禁驚訝望向Kerry，她的家人的估算真的有點偏低。雖然我媽媽也不完全清楚我一個月的收入，但他們也知道我年薪至少五百萬以上，雖然和我的實際收入還差一條洪溝，但可說比Kerry父母他們的估算貼近。

「你阿爸阿媽都唔知你一年搵幾多啦！」Kerry睥向我反擊，故意壓低聲線罵我：「知你有錢啦！」
「係嘅Kerry姐～」我立刻唯唯諾諾。
「係囉～我都唔知你搵幾多～」她居然還借機試探我。
「Kerry姐你知嘅～」她目前已經在業務發展部，花紅和佣金計算跟以前是有些不一樣，加上權股，她有潛力比我以往做主管的那時賺得多。
誰知她立刻對伯母轉口風：「阿媽你唔使同佢客氣架！人哋Michael而家好有錢架～」
我立刻打斷她：「Auntie～其實你哋個女好有錢㗎！你地10幾年冇返嚟香港唔知咋！佢而家自己一個住緊貝…」我原本想說她是住在傳統豪宅貝沙灣，直接被Kerry捂住口，她立刻想在背後補我一刀：「阿媽，你知唔知呢條友，同屋企人住半山獨…」我直接吻上去不讓她說。這個林泳昕居然想「爆我大鑊」？





「你哋講緊啲咩啊？我哋呢邊聽唔到啊…」幸好Auntie他們們什麼都聽不到。我立刻用眼神警告Kerry，我最怕就是高調，更何況家裏不是有什麼錢。Kerry也反過來用眼神警告我，可能她也怕英國的其他親戚。我們眼神上很快達成共識，決定放過對方。

「冇野啊Auntie…係呀都儲咗少少時間㗎…」我立刻裝作很困難，Kerry立刻附和：「係呀，原本我以為Michael真係比舊錢你哋去旅行，原來佢諗住當呢嚿錢係嫁妝…」
我聽到Kerry居然將這筆家用描述成嫁娶費用，嘴角禁不住偷偷上揚。
「Auntie，呢筆錢你哋就收住先，遲啲我同Kerry結婚嘅時候會再補多d俾你哋。」Kerry聽到我說結婚，瞬間望了我一眼。
「Uncle Auntie喺英國生活咗好耐㗎啦，我哋都冇乜所謂，你地開心就可以啦～過兩個月我哋返嚟香港你哋想要啲咩手信，我哋買啲嘢食過嚟俾你地～」
「多謝爹哋媽咪～」「多謝uncle auntie…」
不忘和Kerry來了一個戰略性對望。