萬金油與孺子牛（第二季連載中）: 金風玉露一相逢

自從那個會議之後，以前針峰相對的他們似乎受夠最近的頭痛，居然夾計換了玩法。

「Michael，今晚你得閒架可？我地訂咗房，你人到就可以。」星期五，Vincent下午來找我，正好我剛見客回來，在辦公室脫下領呔。
「好。」原本以為是普通飯局，居然是「鴻門宴」。

他們訂了一個複式高級商務派對的場地，小食、酒水任飲，還有beer pong、桌球枱、飛鏢機、三角琴等等。所有主管、CFO俊華哥也在，可以說很多年沒有這麼齊人。

「Michael！」我晚了些到，他們已經到齊了，仿佛就差我。Vincent拿了杯香檳放在我手上，把我拉到他們的圈中。
「今晚係Donald哥訂比我地盡情吃喝玩樂嘅，拿Michael，呢度你最大，係咪要講返d野先？」Vincent幫我開了個頭，就等我開口。





「大家最近都辛苦啦！今晚大家盡情食、盡情玩，放低公事，唔好辜負Donald間房，大家，飲杯！」
「嗚！！！」「飲杯！！」「Cheersss…」…瞬間大家就燃點了氣氛，一起互相乾杯。
「Michael哥！Kerry姐！過嚟！我諗咗個遊戲！打桌球！我哋分兩隊2對2，你同Johnson，Kerry姐同Paul爺，輸一局就加酒入呢個杯，三局之後輸果邊要飲！
「好！」「黎啦！」Paul爺和Johnson那個不尋常的默契，居然立刻答應，令我完全推不掉。
「喂Paul爺，你輸咗你要一個飲曬架喎～」我立刻追說，他也立刻宣戰說：「有Kerry姐，我哋唔會輸架Michael～」但他們每個耐人尋味的眼神，讓我總覺得有些不對勁。

我、Paul爺和Johnson幾乎是高手，Kerry姐懷孕其實玩得不太方便，而且她本身不擅長桌球，第一局便落入下風。
忽然Jenny站出來說：「唔公平喎～你哋兩個都玩得咁好，擺明恰Kerry姐！」
我以為Yanny要說什麼，她居然打圓場說：「你講得岩！Michael哥你幫Kerry姐打，Vincent你打Michael 哥個位！」哇，他們是故意的嗎？他們知不知道，讀書時期Vincent可是桌球高手，我可以說從沒贏過他。
我想開口的機會也沒有。




「大家同意？」「同意！」「好呀！」居然全部人都同意？！Kerry擔心地望了我一眼，我回了她一個苦笑加搖頭。
我還懷疑他們故意安排Vincent在我前一個打，不停set snooker等我出錯，然後Paul爺就借機說要我喝多些。

「Yessss！！！」「Vincent give me five！！」他們贏了，全部人立刻起烘，將三分一倒給Paul爺，三分二留給我。

「Michael哥！Michael哥！Michael哥！Michael哥！…嗚…….」…在他們一片起哄聲中，我一口喝光了酒，他們尖叫、又高興地歡呼。Kerry遞來紙巾給我，低聲警戒我：「你飲慢d啊…」我點點頭。他們似乎又有點耐人尋味地望向我和Kerry的互動。
「下個遊戲！」Vincent又來了，看來他們的目標已經開始明確，我還是先吃粒解酒丸比較好。
他們在玩遊戲時，我看到Kerry有點冷，便主動去調高2度。－回頭看到投資及金融部主管Kenneth和工程部主管Gary在追乒乓球，正向著Kerry的方向，我立刻上前擋在Kerry身邊，一手捉住彈過來的球，緊張地說：「你兩個小心啲啊，Kerry係呢邊架…」居然全場人都望向我，在欣賞我的「英雄救美」。

「咳嗯…啊你話呢，上次Michael哥無啦啦做咩喺Kerry姐面前食煙呢？Michael哥明明對住Kerry姐咁有風度…」Paul爺忽然這樣和華哥說，華哥又裝作不經意：「Kerry姐話過Michael哥係中央冷氣吖嘛，對我地d麻甩佬都好好架～我上次老婆撞咗車，同Michael見緊客佢即刻放我走。後尾先知，佢自己一個頂埋我果份酒……」上次確實有這件事，但為什麼要這樣突然提起呢？




「都係嘅…Kerry姐，我之前比個客鬧，係Michael哥去搵個客幫我道歉，先冇搞大件事…」Jenny對Kerry說，又把Kerry拉到他們那邊。
「Kerry姐，我撐你架！不過，Michael之前幫我和解過好多大客，其實佢又唔係真係咁差嘅…」Johnson也幫口，看來他們今晚這個「鴻門宴」，就是要勸和。

「做咩啊？－個二個幫住佢…」Kerry又睥向我：「孫總監，你又做咗啲咩收買人心嘅嘢？」
我指著自己，無辜地說：「我？我冇啊…」

「唔關Michael事…」「係我哋…」他們立即補充，「咁…Michael哥其實真係幫過我地每一個，我哋其實都冇心，搞到你地咁嘅…」
「咁…Kerry姐之前都幫過我哋，我哋都好清楚…」Henry他們也向我發動攻勢。
「Michael哥…你同Kerry姐成日都一啖砂糖一啖屎咁，其實…其實…我哋計落，冇乜著數囉…」Vincent補了一刀。

我不禁笑了，－手插褲袋另一手喝著可樂。
Kerry看了我一眼，雙手繞著放胸前，對他們說：「做咩呀？而家驚拿你哋？」他們不敢回應。
他們望向我，吞了吞口水，似乎很害怕。Vincent拉住我手臂說：「Michael你唔好笑到好似Donald咁啦～好恐怖架…」

我放下杯，溫柔地說：「又話今日盡情咁玩？點呀？下一個遊戲想玩咩啊？」




他們立刻又高興回來。「Michael哥即係應承？」「太好啦我唔使OT啦！」「神仙打交，我哋呢啲平民永遠都係首當其衝！終於！」「Vincent玩咩！」「我哋玩True or Dare！！」「哇！一定成地花生！」「話唔定係你爆自己啲花生呢？」……
Kerry與我隔空對望，默契地微笑但沒說什麼。