萬金油與孺子牛（第二季連載中）: 關山難越映無眠

其實發力之後，我的心電圖也反映出ST波段有變化，同時我胸口其實有點不適。
「你而家係咪有啲唔舒服啊？」
我點點頭。
「我去攞藥俾你。」
護士一走Kerry醒了過來，她睡眼惺忪地回到我床上，捲縮在我身邊。可能是我真的把她嚇壞了，才會讓她忽然這樣。但她這樣不停讓我擔心，我的胸口一日痛三次，整個人整個身子都有種透支的感覺。

「我…真係唔係好得…Kerry…你俾我休息吓？」我叫醒Kerry，身體狀態真的讓我呼吸困難、胸口絞著悶著。她不敢怠慢，坐到旁邊的椅子靜靜看着我，邊瞌睡又邊緊張我。

原本星期日我其中一個客約我去馬場聯誼，但我星期六晚出院之後睡了一夜還是不太精神，沒辦法之下，唯有星期三再去，他也有出馬。原本Kerry也約了客戶，但她也改了星期一，只是為了在我身邊監察我。





「Kerry姐，由起身、刷牙洗面到而家食早餐你一直坐喺我身邊昅住，你今日唔使搞計劃書咩？」她拿走了我每早必備的一杯咖啡，給我換成一杯暖水。
「我唔睇住你，唔單止飲咖啡，你轉個頭就走去飲酒食煙。Dr Li話過你一定要戒煙少酒，你係咪諗住趁我唔得閒嘅時候，去食支煙等自己死得快d啊？」她這個緊張的模樣，雖然為了我的健康，但很有壓迫感。
「你太緊張啦，好少事咋嘛…」
「少事？你覺得好少事？…」她站起來徘徊、叉著腰歎氣，似乎在抑壓怒火，平靜地對我發火：「孫家弘你真係作死架喎？你有冇諗過你有事，我同個女點呀？」
「你之前唔係仲好獨立，冇咗我哋一樣可以照顧自己同個女嘅咩？」我偏在她面前拿走她放到一旁的咖啡，平淡地補充：「林泳昕，我去見客嘅時候都係一樣要飲、要食，你應該知道呢個唔係我選擇。你知唔知你咁做，你係否定緊我嘅事業，用你同個女威脅緊我…」
「我否定你？…」她深呼吸，但眼神非常凶狠銳利：「我威脅你？…」她似乎氣上心頭，又要深呼吸壓抑回去。有種她下一秒會想把我殺死的感覺。
「你要作死係咪？咁如果見客我要飲酒，我會照飲！」她凶狠又堅定地用手指指向我，之後轉身走。我對着她背影加了一句：「林泳昕你夠膽就飲！！」

雖然說完之後，我自己也很後悔，我真的很擔心她會以傷害自己身體脅迫我，我不可以承擔她出事的結果。意識到我不敢承擔她和bb有事的風險，我立刻追上她，反過來在她身邊監視她的下一步行動。
她真的把原本今天已經改期的客戶立刻約到，我一直貼身跟住她，又嘗試對這個固執又眼神銳利的她放軟態度：「林泳昕…係我講錯嘢…你唔可以飲酒㗎，我驚你出事…」她彷彿已經閉上耳朵，－心去等客戶過來。




「林泳昕…」我拉著她手，結果客戶Jeremy這麼快便來了。我立刻回復專業性。

「Hi Kerry～」「Jeremy，唔好意思啊，本身改咗期又臨時約返嚟出嚟。」「Hey Michael，你今日都喺度？」「係呀，睇吓有冇咩需要協助，不過呢個project Kerry係主導，你哋繼續就得。」我們互相握手。
「係呀，因為本身我今日都會過嚟呢個會所度打Tennis，所以就算臨時改返都唔影響我個schedule。唔使擔心。」幸好他是需要打波，所以他點了一杯熱咖啡，又點了一壺earlgrey給我們，因為Kerry不會自己懷孕還在客戶面前叫酒，自損形象，這樣今日就徹底安全了。

雖然今天的改期是非常臨時，但聽得出Kerry本身一早已經做好功課，所有安排非常周到，利潤以及風險管理亦恰到好處，有專業性、有氣場，理性又讓我感覺她有底牌有籌碼，完全發揮到她平時的正常水平。那會不會是我想太多？講到工作、任務，似乎她從不會失場。

「Michael，行內有邊個唔知道Kerry嘅能力？呢個project交晒俾佢，我都非常放心。今日Kerry唔方便，下次！下次Kerry方便，Michael 你同Kerry，真係要陪我打返場波～Kerry你知唔知你老細打Tennis好強，以前打球會盃攞過幾次獎～」Kerry有點難以置信望向我。其實是她太專心工作，不知道我們公司連續七年的網球比賽，我都是男單冠軍。不過，這段時間心臟問題，只能夠根據醫生指示輕量運動，Gym和哥爾夫球這種。

「咁我地再約～」「好～我再聯絡你～」「我去打波先～」





Jeremy走後，Kerry立即變臉：「你好嘢！今日Jeremy冇叫酒，你滿意啦？」
我搖搖頭，主動向她示弱：「林泳昕，係我唔好…我知啊，你係錫我、為我身體好，係我不識好歹同你bargin…我應承你，可以推嘅話就推，推唔到我飲少啲食少啲，好唔好啊？」我試探地觸碰她的手背，她似乎也心軟了。
「你知啦咩？」她帶點不滿又緊張地，望向我：「咁你知唔知你嗰日突然之間打死火燈，暈咗喺個軚盤度，我有幾驚啊？我飲一杯酒唔係會死㗎，但係你食一支煙，你可能真係會死㗎！」
我沉默了，因為我感受到她的恐懼和擔憂。但我不敢承諾她，只可以用這樣的權宜之計。因為煙酒確實已經成為我工作和生活的一部分，特別是和客戶談判時的手段。

要我廢棄一個好用的手段，確實說不過去。而且明明上一秒，她還擔心自己會成為我的弱點，下一秒我就變了「妻管嚴」。
她的不一致，到底是一個局？還是因為緊張我？
以前或者我不會懷疑，但現在，我知道一定有原因。的確，我越來越感受到，林泳昕，絕對不是一個簡單的人。

如果是要像這樣被動得我不能控制，我當然不會接受。但如果我可以主動將這個點變成一個談判和溝通的手段，那就可以。