萬金油與孺子牛（第二季連載中）: 始起蕭瑟見初心

「Michael…」「弘仔…」「仔啊…快啲叫醫生…」……

到我醒來的時候，感覺身體有點疲累。Kerry雙眼紅腫了，忽然哭了，我媽立刻擁抱她安慰：「阿昕冇事啦冇事啦…唔好喊啦，你會嚇親個女㗎知唔知啊？」她摸摸Kerry的頭。
「孫家弘！你嚇死我啦…」Kerry哭得很犀利，我媽不停在她旁邊叫她深呼吸。
「做咩啊…」我無力地說。我主動伸手，Kerry握得很緊，生怕失去我一樣。
「弘仔，因為你coronary spasm嘅情況多咗，而且你本身應酬多令到你有動脈硬塊，頭先其實係好接近急性梗塞嘅情況。」我爸說，此時Uncle Hanson也來了：「Dr Suen講得啱，我會幫你加重少少藥，以前係需要時服但建議你之後固定食，食2個月睇吓情況有冇改善。再返嚟複診。」
我深呼吸喘息着，真的覺得很疲累。
「家弘，我哋建議你留院觀察一晚先，一陣再唔舒服嘅話就撳掣叫我。」我點點頭。
他和我爸媽先出去，剩下不願鬆開手的林泳昕。





她坐貼正半坐臥的我的身邊，貼在我肩上哭。我溫柔地撫摸背，邊喘息著。
「孫家弘…我唔想再俾你推開…我個心好痛啊……」她邊抽泣邊訴說：「如果…如果你有咩事…我…我唔知我可以點啊……我都唔想生存啦…」
我被她嚇壞了，我強忍不適坐高，緊張地讓她正視我，認真告訴她：「林泳昕我警告你！你絕對唔可以咁諗！」用盡了力氣之後，胸口又悶起來，有點辛苦。
「Michael…我講真架…」她邊幫我掃著胸口邊說：「我…好怕佢地會用我嚟做…做你嘅弱點…我…我只係想你…可以做到Donald果種…唔會…唔會因為我而感情用事做決定……」
看見她這麼心碎這麼難過的樣子，我心更加絞痛。
「我知啦…咳…」我無力地拉着她手：「叫醫生…」……

休息了一會，做完檢查、吃過藥，Kerry打死不願離開，我爸只能幫她加家屬床位，我媽也拿來很多Kerry的用品。
「阿昕啊，你要記住你而家係兩個人。你唔可以成副心機擺晒喺我個仔度，你今晚要睇住自己，Uncle Auntie聽日嚟接你哋。知唔知啊？」我媽很溫柔地對着，一心只是在為我煲水、幫我吹冷一些粥的固執Kerry說。
「阿昕！」我媽強行拉住她手，苦口婆心。Kerry忽然又哭了，她坐在我身邊，－頭栽入我懷抱。我媽歎了口氣，把特意為Kerry準備、讓她睡得舒服的攬枕放到她的床上，便離開了。





「Kerry…」我掃她背安撫她：「冇事啦…」
她搖搖頭，不願鬆手。我只好繼續掃她背和髮端安撫她。
「你唔驚我哋個女一出世就成個喊包樣咩？」我溫柔的說。
「我咩都…唔想要……」她這句雖然很溫馨，但也讓我很怕。
「林泳昕…你望住我…」我認真望向她，雙手捧着她的臉讓她直視我：「你唔可以咁諗架…」
「但係我真係…淨係想要你咋…」
「林泳昕…」我握住她手，放輕聲線溫柔地說：「我同你一齊，唔係要睇住你沉淪。我係想你越嚟越好、每一日都開心。唔係好似而家咁…以前嗰個好有事業心嘅林泳昕去咗邊啊？」
她拭乾淚痕。





「孫家弘，而家，我就係咁。你要、定唔要？」她很堅定。
無論是哪一個她，都是我喜歡的她。但如果因為我，令她的世界只有我，我會覺得自己譭了她。
「林泳昕，你知道無論係邊一個，都係我愛嘅你。但係，你咁樣會令到我內疚架…」我說。

我沒有放開她的手，反而與她十指緊扣，溫柔地說：「而家好夜啦，你同個女都休息吓、瞓覺先好唔好？」
她搖頭，整個人躺到我身邊，捲入我的被窩抱住我。
「乖啦～張床咁細，我會整到你同個女…」她搖頭，真的很固執很固執。唯有等她睡着之後我再抱她們母女過去。

或者在她而言，我是那麼的雙重標準、或者大男人主義，我可以為了保護她，跳入阿Ben的陷阱、甚至毫不猶豫嫁給Rachel，但卻不容許她為了我改變她自己。

結果我單手擁着她不小心一教睡到凌晨五點左右護士過來檢查我血壓，護士想把Kerry叫醒，但我搖搖頭，我把她抱到家屬床，蓋好被，再去量血壓和做靜態心電圖。