萬金油與孺子牛（第二季連載中）: 疏雨洗煙看遠山（大結局）

「點啊？仔定女啊？」Donald問。
「仔黎㗎！我自己就好開心呀！Michael話好傷心喎，佢恨女啊～」Kerry笑說。
「喔？你係咪想要個迷你Kerry啊？」他看穿了我。
「你又知嘅！梗係啦我未來老婆又靚又叻，梗係生女好啦！」我激動地回應他。
「未來老婆…」Donald奸笑望向我們，指着我們。
Kerry開心地拿着我手，向他展示那隻鑽戒：「我應承咗佢㗎啦～不過我而家唔方便帶住，我叫佢自己戴住先～」
「哇～咁即係雙喜臨門～」Donald笑著。

他忽然呷了口茶，語氣非常感嘆：「唉…Kerry11歲我就睇住佢睇到而家，估唔到眨吓眼佢就結婚啦。以前成日過嚟同我個仔一齊玩，一齊做功課，中學嘅時候佢哋又三個一齊去旅行…時間過得真係快…」
我覺得，他是想開始跟我打感情牌。也好，其實我也想趁這個機會間接向他表明心跡，和平幫他止損。




我望了Kerry －眼，她似乎也懂我心思。我說：「Donald…咁多年來如果唔係因為你提攜，我哋兩個都唔會咁後生坐到今時今日呢個地位。你有冇興趣，做我哋BB嘅契爺？」
他聽到我這句說話，感到非常震驚、又有點猶豫：「點解…」
「Donald哥…」我嘗試用最真誠的眼神和語氣，望向他：「你知唔知咁多年來你喺我心目中，其實係一個好強嘅領袖、人際關係好廣嘅好老細好上司。唔單只係咁，你係一個好稀有嘅伯樂，從來唔會吝嗇比機會我，又會指導我棋藝。如果你係女人，其實我真係會愛上你…」最後那句我加了一點幽默。
「uncle donald，你都算係我同Michael半個媒人。bb嘅契爺，你係實至名歸嘅。」Kerry幫我補充。

沒錯，既然要打感情牌，當然要將手上的牌用到盡。既可以向Donald表忠心，又可以讓與Donald一直合作開的細叔伯等人脈，知道我們並沒有越權，即使Donald不是大股東，他是我們兒子的契爺這個消息，也足夠保留公司、他和我們共同人脈網絡中，最高的尊重和面子。

話說到此，我相信Donald已經明白成王敗寇，我是在給他「下台階」。
「Michael，青出於藍勝於藍。我明白你意思啦。拿！你地bb契爺，係你哋邀請我㗎！唔准反口！如果唔係我叫我契仔，第時送你入老人院！」Donald笑了。
我和Kerry相望向笑。





面對博聯的加入，董事會包括Donald也沒有投反對票，但當然還是要披露資金來源和實益持有人。而在我假期的最後一日，他應該也發現了我是博聯最大股東的信托，背後的最後一重實益擁有人。同時，我猜他應該也知道我已準備所有用來做防禦的文件和資料。他故意再次召開董事會提出那些我已經準備好的問題，表面是質疑我，但其實他是在給我機會，明明白白地向公司和所有股東解釋，澄清自己的清白。

曾家才先生，他也是我很佩服的男人。面對這樣的劣勢，他還可以這麼理性和雲淡風輕，將大股東之位拱手相讓給我，更加助我澄清而非用手段打壓我，他是選擇承認這場仗他落敗了，而非用電視劇那些骯髒手段去奪回自己權力。我只是說這種大將之風、這種頂級的風度，我已經敗了給他。我想贏，是為了呼吸。但他願意輸，是因為他不戀棧權力、真正為公司着想，這是我心目中最頂級的風度！

當然，Donald已經知道了我出手的原因。因為當博聯成功成為董事之後，我第一時間讓Flora出面穩定全公司軍心，對外對內也發了一個聲明公開讚揚及肯定曾家才先生的所有貢獻，所以支持他留任董事長繼續帶領公司。不過中國市場那邊，博聯當然要戰略性控制，分割恆榮的業務。
目前恆榮的局面，博聯就是一個戰略合作夥伴、－個大股東的身份，擁有投票權、監察權。

雖然我的身份在董事會中已經曝光，但Donald留住了我，我亦不打算辭職，選擇繼續跟在Donald身邊和他鬥棋，董事會亦批准了。博聯我已經將Flora任命為CEO，我只從事幕後控制和投資。





「點啊？有CEO唔做，留低喺度做COO？」Kerry問我。
「我以前以為我真係咁叻贏到曾生，其實，由佢將所有對我嘅質疑擺上董事會，間接比我澄清所有嘢嗰一下開始，我就知道，我仲有大把嘢要學……」我呷了口咖啡，坐在她床邊。
「定係你都開始覺得，留係一把屹立咗幾十年嘅保護傘身邊受保護，某程度上係一個唔錯嘅選擇？」她這句反問，某程度上很耐人尋味。

Kerry本身就是一個有能力獨當一面的人，但她選擇了推舉我去打江山，自己躲在我身後，做一個簡單直率、風險責任都備受遮擋的我身邊，用最高的背後權謀，但過着最簡單直接的生活。可說是「大智若愚」、「大道至簡」。林泳昕，到底什麼時候才能看透你？

「我答你唔到。」我微微笑，繼續喝咖啡。





————————————————————————————————————————
下季待續。
多謝收看。