是咁的，我無啦啦收到隻戒指: 三十六.

「記唔記得你條腰個傷口係邊個幫你處理？」

「我冇印象，應該係醫院啩？」

因為嗰時痛到冇曬知覺，我都唔係好記得發生咩事。

佢用手敲咗我額頭一下：「食懵你啊，去醫院搞你就入咗去坐啦。」

我苦笑：「好似又係。」



「你再諗下啦。」啊武嘆氣：「你暈低之前，見到啲咩啊？」

我竭力回想，淨係諗到嗰陣我跑咗去後巷，然後有個女仔，佢成隻左手都係紋身，仲要全部都係晴天娃娃，但佢個樣我真係記唔起。

「後巷成隻手都係晴天娃娃嗰個女仔？」我想Confirm。

「我唔知你諗緊邊個啦，佢到你咪知囉。」

同一時間，餐廳大門被推開，一個女仔行咗入嚟。



佢著住黑色長褲、牛仔褸同衛衣。

「契爺！」個女仔大嗌。

「啊晴你到喇，我讓個位比你。」啊武起身坐去隔離。

啊晴坐喺我身邊：「慕龍。」

「送戒指嗰個就係你？」我問佢。



「係啊。」

「咁點解無啦啦會咁嘅？」

「之前幫你處理完個傷心，你拉住我隻手叫我嫁比你嘅。」

等陣，我有講過啲咁嘅嘢咩？

就算有，都係我痛到傻傻地先講得出。


我O哂嘴咁望住佢，完全唔知比咩反應佢好。

「咪煩啦，對家都嚟幫你，點都要以身相許啦下話。」啊武插嘴。



咩料啊？