是咁的，我無啦啦收到隻戒指: 三十七.

「你兩個係咪知情啊？」我問佢兩個。

佢兩個不約而同咁扤頭。

「咁你哋唔同我講嘅？」我再問。

「咁你係我半個仔。」南哥答。

啊武接落去：「啊晴係我契女。」



「咁我哋安排咪得囉！」佢兩個一齊講。

「喂大佬啊，依家仲興盲婚啞嫁嘅咩？」我有啲激動。

南哥行過嚟：「唔好問咁多啦。」

講完，佢就捉住我個頭，強行令我近距離咁望住啊晴。

十秒定律，開始。



十。

九。

八。

七。

六。



五。

南哥鬆手，但我冇褪後，反而仲挨前咗。

四。

三。

二。

一。

我輕吻佢嘴唇：「同我一齊好唔好？」

「你做乜鳩啊？而家講結婚啊！」啊武插嘴。



我冇理佢，因為而家最重要嘅係啊晴嘅答覆。

佢拎咗隻戒指出嚟：「你嗰隻呢？」

我喺褲袋拎出一早帶定嘅戒指：「做咩啊？」

「定情信物。」佢將隻戒指笠落我右手無名指。

言下之意，即係佢應承咗。

我都將我嗰隻笠落佢右手無名指到，成個畫面同結婚交換戒指冇咩分別，Sweet到漏糖水。

「做乜撚嘢啊！？」啊武嗌咗聲：「四廿幾萬拎嚟定情，傻撚咗啊？」



我轉身望過去，佢企咗起身，好激動咁。

睇嚟，佢唔係好受落。

「得啦，可以重用架嘛。」南哥幫我解圍：「你哋同唔同意先？」

「我OK啊。」我答完就望住啊晴。

啊晴扤咗扤頭。

「咁就得啦。」南哥拍咗拍手：「咁開飯啦老細。」

「等陣先！」啊武又一次打斷我哋：「咁呢餐飯點計先？」

「你咪當請大家食聖誕大餐囉。」今次到啊聖插嘴。



「唉。」啊武嘆咗啖氣：「好啦。」

「收到！」老細行入廚房：「即刻拎嘢出嚟。」

喺佢拎嘢呢段時間，我仲有幾個問題想問啊晴。

「我想問你，你之前都鍾意我，點解唔搵我？」我問佢。

「我入去之前都係人哋條女嚟，一間有咩誤會搞到你比人砍就唔好啦。」

「哦，原來。」

講真，都真係幾危險。



「咁點解要玩解謎嘅？」

「你冇收過我風啫，但我有收過你風呀嘛。」

「所以呢？」

「知你鍾意解謎，所以咪咁樣引起你注意囉。」

「明白。」

老細將啲餸逐碟擺上台，過程中不忘串下我：「大團圓結局喇，食飯啦大文豪。」

我摸咗摸啊晴個頭：「食飯喇。」

講完，我就開始幫佢夾餸。

完