到了相約準備出門口的時間了,看看手機還比相約時間還早10分鐘

但是我還是穿着了睡衣下去 因為只不過是樓下

我便慢慢開始下去,出乎意料地我到達的時候 她竟然比我更早到

第一眼見到佢嘅時候,唔知點解有一種熟悉嘅感覺,明明只不過係相識咗兩日
佢着咗一件好普通嘅白色恤衫,一條啡色長裙 成件事都好普通 但係又好特別

我有啲尷尬咁講「hi~」





「hii
我哋今日會有啲咩做㗎」點知佢好開心帶着一啲興奮咁樣問
我有少少俾佢呢種天真開心興奮嘅心情感染咗..

去到之後我終於知點解你會咁開心咁興奮 原來係果一刻我喺你心入面已經係咁重要…..


「你尋晚先約我咋喎,同埋你約我㗎嘛我以為你會諗去邊」





「邊係㗎呢啲嘢梗係男仔做㗎啦」「嗯嗯,既然你着睡衣咁不如上你屋企?」

今次真係俾佢嚇到窒咗下….「邊有人第一次見就上人屋企㗎 同埋我家姐係屋企喎」

點知佢扁住嘴咁講「明明都唔係第一次見」

唔知點解有啲唔想佢唔開心:「都可以嘅 」 其實係我諗住要上去瞓多陣…

結果我哋就喺第次見面就去咗我屋企~仲要見埋家長 即係我家姐





佢見到我帶咗女仔上嚟 就笑得淫蕩蕩 咁樣就落咗街出街食早餐 真係吹佢唔脹

「呢間係你間房嚟㗎?」佢觀察咗一陣問我

「係呀,不過入面好亂 」

係我講完之後 佢一下衝咗入我間房

「哇 咁污糟嘅,你究竟有幾耐冇執過間房」佢一邊講 一邊坐咗落我張電腦凳到

「男仔嘅房係咁㗎啦」

由於我間房細嘅原因入面 可以坐嘅地方剩係得一張電腦櫈 同埋我張床
既然佢坐咗我張凳 咁我唯有我瞓返落我張床到啦 絕對唔係我想瞓啊





「 喂呀 邊有人帶女仔返屋企,然後走上張床瞓覺㗎」

「明明就係你自己話要上嚟嘅」

「咁都冇理由瞓覺㗎…..」佢一邊講一邊炆我起身

我扮到好不滿咁講:「係嘅係嘅而家起身而家起身 」

「嘻嘻,咁咪乖囉~」 「話說我仲未知你叫咩名喎,我應該點樣嗌你好呀?」

「好似又係喎,我咁唯有等我做返個自我介紹先啦,Hello你好呀 我叫邱思行 你可以叫我啊行」我叻哥嘅語氣咁講

我見到你笑得好開心咁講:「救命點解你可以咁傻仔」

「我自我介紹完啦,但係我好似都唔知你叫咩名喎,咁係咪應該到你啦~」





「咁見係行仔你就勉為其難做返個啦,Hello 你好呀,我叫徐紫睿啊你可以叫我紫睿或者我英文名hebe
同你一樣讀緊f5 好高興可以認識你」佢用返曾志偉嘅聲線覆我 但係依然掩蓋唔到佢甜美嘅聲音

「仲話我係傻仔明明你都係!」

「咩喎明明你先係!」

我哋大家不約而同咁樣對視左一眼 在一齊發出開心嘅笑聲


個係我哋故事開始嘅第一幕
我諗我永遠都會記得 呢個對對視嘅眼神 呢個白癡嘅自我介紹 仲有歡笑

就係因為你令呢一刻變得重要 有啲嘢就算消失咗都會永遠記得




有人話個人大咗會變得唔敢諗返過去 但係我認為相反就係因為我個人大個咗
先會識得珍惜,先會諗返過去每一次嘅經歷

「啊行 好悶呀,我哋有啲咩可以做啊?」

「你今日幾點要幫允行補習啊?」

「3:30囉做咩啊?」

我望一望個鐘而家12點 仲有時間 我諗咗一陣就講 「不如我哋一齊煮飯食囉?」
已有 0 人追稿