【校園愛情】喺中五我因為上堂猜枚識咗你 學識咗最重要嘅事情: 煮飯&決定

  「煮飯？但係我唔識喎⋯⋯」
    
    「唔緊要..因為我都唔係好識」
    
    結果hebe比我嘅口水攻擊說服左，於是我哋去廚房睇吓有咩可以咩煮啦
    搵完一大輪之後發現，屋企得返出前一丁同埋午餐肉
    
    但係經過諗深一層同埋我哋嘅討論之後，出前一丁同午餐肉非常合乎我哋嘅廚藝級數
    
    




    睇住我教你點整啦：「首先糖呢就兩茶匙再加啲鹽再加啲橙皮」
    
    「大佬我哋係煮麵啊」hebe有啲無奈咁講
    
    「講吓笑啫」
    
    於是我哋就踏上左製作呢個午餐肉出前一丁嘅征程
    
    「喂呀要落咗面先㗎」
    




    「邊度係喎明明水滾先落！」
    
    「落咁多調味粉會好鹹㗎」「明明就要落多啲調味粉先好食」
    
    喂啊！
    
    「喂呀，你行過少少先啦好迫呀 」「咩喎明明就係你肥」
    
    「明明就係你肥 係你呀係你呀係你呀係你呀」
    




    「喂 煎五餐肉要落油㗎！」
    
    唔知點解我哋都好快適應咗，呢一段突如其來嘅關係………
    
    喺經歷咗,如同打仗般嘅煮公仔麵，我哋終於成功咁樣整咗一碗勉強擺得入口嘅公仔麵
    
    於是我哋就攞咗返入房食
    
    咁食嘢梗係要睇片㗎啦，於是我開咗套海賊王新一集嚟睇
    
    Hebe 好好奇咁問「咦呢個咩嚟㗎？」
    
    「你唔係未睇過話海賊王喎好出名喎….」
    
    「冇啊平時都好忙 好少時間睇呢啲」




    
    「咁不如而家由睇第一集開始睇」
    
    「好啊～」
    
    「嘩路飛好勁呀 點解可以咁得意㗎，哇」hebe睇到成個小朋友咁
    
    明明你得意好多 但係呢句說話我冇講到出嚟
    你識你嘅時間咁耐，但係我已經跌入左你嘅陷阱
    
    
    我有啲厚面皮咁講：「我煮嘢食係咪好叻呢」
    
    「完全唔係囉!」hebe好鄙視咁樣望住我
    




    「…我哋睇返海賊王啦」
    
    當我食到最後一舊午餐肉嘅時候，Hebe佢竟然搶咗囉，我正準備話佢嘅時候，突然間諗諗吓諗到
    咁佢咪即係間接同我錫左囉
    
    唔好問我點解有咁多幻想因為毒撚就係咁樣
    
    但係我都扮晒嘢咁樣：「喂呀我得返一嚿咋 ，你仲食咗佢，唔理你！」
    
    「唔好嬲啦，最多我俾返啲面你囉～」
    
    好過分佢攞咗我啲餸然後俾返好多面我⋯
    
    就係我哋食完晒之後，我哋做咗樣好刺激嘅嘢
    




    就係差包剪揼洗碗，但係就係我輸咗。
    
    結果我就一個人走咗去洗碗然後佢就走咗去我張床瞓覺 真係好過份囉….
    
    洗完碗出到嚟，望一望個鐘已經三點，唔知點解好似有啲不捨
    
    Hebe話：「好啦我差唔多要走啦」
    
    我有少少失落咁講「點解咁快嘅明明仲有半個鐘喎？」
    
    「差唔多啦早啲過去準備」
    
    Hebe可能睇得出我有少少失落「唔緊要啦最多我等陣應承你教完補習過嚟搵多一陣啦」
    
    好啦「」




    
    拜拜啦
    
    
    唔知點解我哋大家都好似習慣咗大家咁樣
    好耐冇試過同人相處咁開心，我決定咗我要溝你