時光突然倒流，打完飛機啲精縮返入龜頭: （8）

經歷完第一次打飛機，身體繼續keep住縮水，縮縮吓就變返個「小學雞」。

我嘅小學生涯其實無乜特別，雖然無俾人恰，但我都無乜朋友，啲miss亦都唔係特別靚。

每日就係返學放學同做功課，無聊亦沉悶，最開心就係放暑假。

因為屋企窮，因此每當放暑假，我通常都係一個人留喺屋企睇卡通片，

雖然唔似得其他小朋友咁，有得同屋企人出國旅遊去玩，但以前電視播嗰啲卡通，其實幾好睇，再睇返我都覺得幾過癮。





尤其係啲劇情倒轉咁嚟，別有一番趣味。

比起中學同成年後，我覺得自己童年都過得算係咁。

隨時間一路倒退，身體就繼續一路縮水，越縮越細。

而喺我變細個嘅同時，本來禿頭嘅老豆逐漸有返曬啲頭髮，我老母臉上皺紋都消失曬。

我啜住個奶嘴，嘔返啲「奶奶」出嚟，同時我心入面喺度諗：





當時間倒流到盡頭，自己會唔會變返做一個胚胎？

形象化兼粗鄙啲講，即係縮返入老母個閪度？

諗諗吓，時光倒流會唔會係上帝嘅安排？

佢見我呢條毒撚嘅人生過得咁失敗，索性逆轉時間，等我從無出生過喺呢個世上。

結果時光飛逝，我搖身一變，真係變返做一個初生嘅嬰兒。





醫院手術室燈光好掁眼，一個護士姑娘小心翼翼咁捧住我。

我老母呼天搶地咁大嗌，而我就喺度大喊。

理應係接生嘅護士，下一秒將我個頭向前塞。

一瞬之間，眼前漆黑一片，我當堂失去咗意識。

人喺出世之前係完全無意識，照計我應回歸到虛無，甚至可能會係一條精蟲...

殊不知，過咗一陣，我居然又擘大返對眼。

當意識慢慢恢復，我見到自己攤咗喺地下，心口插住一把大刀，傷口好痛仲流咗好多血。