時光突然倒流，打完飛機啲精縮返入龜頭: （9）

開頭我都未知發生咩事，再過多兩三秒，身體不由自主咁垂直90度棟起身。

有五個人企咗喺我面前，佢地身穿黑色嘅粗衣麻布，每人手持刀劍以及一揸首飾珠寶，臉上更露出兇狠嘅表情。

佢地嘅裝扮好似山賊，其中有個鬍鬚佬同阿嬸，個樣望落好熟口面。

咦喂！呢兩個咪係我老豆老母嚟嘅？佢地幾時學人玩cosplay？

我老豆突然一個「反智轉身」，一吓嚟到我面前。





與此同時，插喺我心口把大刀，成把嘢自己抽出嚟，再飛返到去我老豆手中。

我大吃一驚，心諗我老豆竟然攞刀隊我？

之後我老母同另外三個山賊，就將佢地手中嘅首飾珠寶，包括金鏈、金手鈪同玉戒指等，一一掛返到我身上。

佢地嘅面目猙獰，動作非常粗魯，而喺呢個時候，我心口嘅刀傷慢慢愈合，啲血流返入體內。

同埋我發現自己，原來著住一件大紅大紫嘅長衫馬褂，兼有一個大肚腩。





班山賊將啲金銀珠寶全部「物歸原主」後，地下突然有四條死屍原地復活。

佢地打扮樸素，身形健碩，膚色黑黑實實，睇落似「咕喱」。

我老豆揸住大刀，對住其中一個「咕喱」，由下至上劈落對方個身度。

結果咁樣一劈，個「咕喱」身上血淋淋嘅刀疤反而無咗。

從啱先我企起返身，到心口把刀飛出嚟，再到之後一連串發生嘅事，所有嘅動作一睇就知係「回帶」。