時光突然倒流，打完飛機啲精縮返入龜頭: （10）

一輪舞刀弄劍過後，我老豆老母同班山賊收返啲兵器，然後一步一步沿住山路小徑後退。

至於我同幾個「咕喱」亦都同時退後。

我慢慢退到入一條轎入面。

所謂「轎」，其實係古代一種交通工具。

當我籮袖一掂到張櫈，嗰四個「咕喱」就合力擔起條轎。





我整理思緒，嘗試理解頭先發生嘅事。

首先可以肯定嘅係，時間仍然係倒流緊。

若果成件事順次序發生嘅話，應該就係我坐喺轎入面，半路遇上山賊攔路打劫，兼且俾人謀財害命。

問題係，我老豆老母點解會變咗山賊？同埋我又係咩人？

條轎全程倒後行，從窗邊瞄出去外面，我地經過竹林，退到去一個小鎮。





路嘅兩旁全是古色古香嘅平房同大宅，感覺彷如返咗去古代咁。

突然之間，我腦中出現一個大膽嘅猜想！

唔通…唔通呢個係我嘅前世？

假如真係有前世今生，咁2022年嘅我時間倒流完，依家倒流嚟到上一世，諗落都唔係無可能！

而正所謂「無仇不成父子」，可能就係因為我老豆老母前世隊冧咗我，欠我一條命，所以下一世佢地變成咗我嘅父母。





前世嘅債下世還，聽落亦好合理。

我認真深思，越諗就越覺得自己返咗嚟上一世。