不用十秒的時間,一個穿著白色T-Shirt藍色短褲的短髮少女把門打開問道「你邊位呀?」
 
「妳又邊位呀?」我確認了一下門牌的號碼後反問道。
 
「老公?你點解會嚟嘅?快啲入嚟先啦。」Mayu把少女推開。
 
「老公?佢就係妳男朋友?」少女好奇問道。
 
「係呀!係咪好靚仔呀?」Mayu挽著我的手臂向少女問道。
 




「我係Mayu個朋友小鳳,尋晚停電我返唔到屋企,我住長洲。」小鳳解釋著。
 
「黃浩龍,Mayu男友,仲有……妳介唔介意著返多件衫,飛釘。」我禮貌地提醒。
 
「飛釘?」Mayu不解。
 
「睇到Nipples呀!」我尷尬地回答。
 
老實講,呢個就係我鍾意Mayu嘅地方,講得唔正嘅廣東話。平時我哋用廣東話同英文溝通,所以溝通問題唔大。
 




「噉我都飛釘喎!」Mayu展示著她傲人的身材。
 
「得喇!得喇!快啲Get Change,去我屋企。」我催促著。
 
就在此時,我想起我只有一輛綿羊仔,怎樣三人同行?
 
「噉我走先喇!打搞晒!」小鳳道謝過後準備離開。
 
「等陣,妳哋知唔知外面發生緊咩事?」我問道。
 




「停電囉!」小鳳回應。
 
「係呀!尋日就冇電喇!而家都冇呀!」Mayu從睡房走出來附和道。
 
「喪屍呀!妳哋唔知咩?」我問道。
 
「Sushi?去食Sushi?」Mayu突然興奮道。
 
「喪屍呀!Zombie!食人嗰啲呀!」我沒好氣地回應。
 
「浩龍哥,你打機打得多打上腦?」小鳳揶揄道。
 
「我呀妹同我講㗎,佢條仔仲錄埋影俾我睇。」
 
「如果係噉,我哋點解要離開?留喺度唔係更安全咩?」小鳳的確有道理,但卻忽略了生存的要點。




 
「噉妳想一直留喺度?唔食嘢?唔飲水?」我用人類基本生存需要反問道。
 
「老公,我要唔要帶衫去?」Mayu在衣櫃裡搜尋著衣物。
 
「帶少少好喇,架車裝唔落!」
 
帶齊行裝後,我們三人往樓梯間走去,所幸的是,這一次是向下走。
 
已有 0 人追稿