一覺瞓醒，你竟然同我講香港有喪屍？！: Zombie 08：飛車黨.

我戰戰兢兢地走到公司門口，整個環境安靜得令人毛骨悚然，跟平常的氣氛有著明顯的不同。我用鑰匙把大門打開，往酒吧的方向走去，打開旁邊的辦公室大門，就如我所想的一樣，沒有人。
 
我直接在酒吧拿了好幾瓶烈酒，放在門口處，然後直奔廚房的方向。很好，同樣只有我一人。我趕緊打開冷凍櫃的門查看，雖然停電了一段頗長的時間，但打開冷凍櫃的瞬間，它依然會冒出寒冷的白煙，這時我才想起老闆曾經提起過已經安裝好冷凍櫃的後備電源。
 
我放下背包，把一包又一包的冷凍和牛，雞肉，魚肉塞滿。再走向儲存室拿了好幾罐瓦斯跟一個小型火鍋爐便快步離開。
 
走回大門處，我把先前放在地上的幾瓶烈酒一起拿走，鎖上大門然後登上綿羊仔。
 
就在此時，一個既熟悉又討厭的聲音把我叫住了。
 




「龍哥！見到你真係好！公司冇人開門呀，今日放假咩？」
 
呢個又肥又污糟嘅生物就係我同事肥陳，又廢又冇用，淨係識蛇王。
 
「係呀！係呀！今日放假，返屋企喇你！」我敷衍回應。
 
「龍哥！拎住咁多嘢去邊呀？」肥陳吸了一口煙問道。
 
「返屋企！」我完全不想理他。
 




「拎咁多嘢？偷㗎？我同老細講，你咪走呀！」肥陳走上前擋住我的去路。
 
「行𨶙開啦！我好忙呀！你唔想死嘅就返屋企！」我叫罵著。
 
「你凶我呀？我唔𨶙驚你㗎！我而家就報警！」肥陳拿起手機準備撥打。
 
「屌！死廢閪！」我一手推倒他，然後騎著我的綿羊仔離去。
 
離開前我還是好心的提醒他一下
 




「而家香港有喪屍，你唔想死就快啲返屋企匿埋！」
 
「仆街啦你！喪屍！喪你老味！」肥陳用手撐著他肥胖的身軀站起來罵道。
 
提𨶙咗你！你要死我都冇辦法！
 
我騎著綿羊仔開往菲林明道，再經龍和道返回西區海底隧道，避開灣仔分區警署的路段。一路上並沒有什麼特別的狀況，沒人沒車，連流浪貓狗也沒有，我非常好奇喪屍都躲在哪裡？
 
把車停好後，我提著所有物資返回我妹的住處。幸運的是，她住五樓，拿著那麼重的東西也不會太費勁。
 
「哥！我幫你拎入去廚房。」門一打開，家輝第一個來幫忙接過我手上的背包。
 
「老公！我好掛住你！」Mayu直接飛撲到我身上。
 
「哥，冇咩嘢吖嘛？你面色唔係幾好……」洛雯問道。




 
「坐低先講！」我示意大家坐下來。
 
我把剛才遇到重機隊和肥陳的狀況告知大家後，便把我遇到第一隻喪屍的慘況道出。
 
「仲有無見到其他喪屍？」家輝緊張的問。
 
「冇喇！我覺得唔只係喪屍，嗰班飛車黨都好危險，更何況班差佬唔知死晒去邊？」
 
「照噉講，醫院都可能係差唔多嘅狀況。」小鳳分析著。
 
「喂！你哋唔餓咩？我去樓下七仔拎啲水上嚟。」我站起身準備。
 
「哥！我哋頭先已經去過，仲拎咗好多嘢食返嚟。」洛雯指著地上一堆飲料和零食道。
 




「放心！我一個人去拎，佢哋只係喺樓梯嗰度幫手傳上去。」家輝說。
 
「多謝！睇嚟你真係唔會令我後悔將個妹交俾你。」我報以一笑。
 
待女生們把火鍋準備好，時間已經來到晚上七點左右，剛好是晚餐時間。我們吃著我從公司拿回來的肉類，加上醬油和日本清酒調配而成的湯底享受著。
 
「所以你公司個後備電可唔可以拎過嚟用？」小鳳問。
 
「唔知呀！我趕住返嚟，冇時間搵，我驚班飛車黨會走過嚟！」我喝了一口烈酒回應。
 
就在我們開心地享受著不知何時可以再吃的火鍋時，街上突然傳來了一陣吼叫「吼嘩嘩嘩——」，我立即吩咐眾人把手電筒關上，不要作出任何的聲音。
 
「殊！唔好出聲，熄咗個爐先！」我示意洛雯幫忙。
 
我徐徐地靠近窗邊，窺視著街上的狀況。雖然街上漆黑一片，但隱約還是可以看到很多人影在移動，而且還發出一些奇怪的叫聲「吼嘩！噜啊！咿啊！」之類的，正常人根本不會發出這種叫聲。




 
「老公……」Mayu用顫抖著的雙手抓著我的手臂。
 
眾人也從窗戶窺視著大街上的人影，整個快樂的氣氛突然被打破了，而且我還是很餓。
 
「點算呀？樓下嗰班肯定係喪屍！」洛雯壓低聲線問道。
 
「我返嚟嗰時有順手閂大閘，佢哋應該入唔到嚟。」我回應。
 
此時，家輝亦相當機靈，把窗簾統統落下，重新打開手電筒跟火鍋爐。
 
「我好肚餓，不如大家食埋餐飯再傾？」家輝提議。
 
我高舉酒杯示意贊同。
 




「你兩個男仔唔好掛住食啦！而家點呀？」小鳳心急問道。
 
「食飽先有力做嘢！唔通而家落去殺喪屍咩？」家輝冷靜地回應。
 
沒有想到，看似宅男的家輝竟然那麼有見地，老實說，我真的對他刮目相看。
 
「食啦！佢哋做得啱！」洛雯和應。
 
五個人在這個五百尺左右的單位，享受著A5和牛清酒火鍋，再配上喪屍們演奏的「交響曲」，多麼棒的一個晚上。