到了早上,全屋的電器突然回復正常,電視聲把我們吵醒了,而就在這個時候,我意識到電視裡有人在說話,而且提到了這幾天所發生的事。
 
重複一次,呢個唔係電視節目,呢個係政府廣播!請各位市民保持冷靜,我哋好快會解決而家嘅問題。請各位市民留喺屋企,唔好外出!重複一次,呢個唔係電視節目……
 
電視裡藍色的畫面,不斷播放著一段重複的語音。
 
我揉了一下眼睛,拉開一小部分的窗簾,街上依然一個人也沒有,但卻多了一地的屍體和一地破爛不堪的肉塊和血水。
 
今次仆街喇!班喪屍尋晚應該殺死好多人,又或者佢哋互相殘殺!成地都係血!
 




「哥!咩情況呀?」
 
「屌!俾你嚇死!」我望著不知何時出現的家輝罵道。
 
「對唔住,冇心㗎……」
 
「唔知尋晚發生咩事,下面好似成個屠場噉……但係有返電!你去睇吓個電視。」我講解著。
 
由於昨晚把窗戶都關起,外面的聲音幾乎傳不進來,沒想到我妹裝潢時弄的隔音板那麼有效。
 




沒多久,我妹的電話響起了,是我爸媽從加拿大打電話回來,我妹隨即走到我身旁,把電話調成擴音。
 
「呀媽!老竇!你哋嗰邊點呀?」洛雯問道。
 
「我哋好安全,你哋點呀?我上網睇到香港好似發生咗啲嘢!」母親反問。
 
「喪屍呀!香港有喪屍,你哋千祈要小心,唔好返嚟香港!我哋冇事就會去搵你哋!」我回應。
 
「咩喪屍呀!衰仔,成日掛住玩!」父親罵道。
 




「老竇!係真㗎,香港真係有喪……嘟嘟嘟——喂?」洛雯解釋。
 
通話突然被折斷,電話裡隨即出現了一個非常討人厭的女聲「現時嘅線路煩忙,請您過一陣再打過啦!Please Call Again Later……」
 
「我哋打過去試吓!」洛雯立即撥打,但試了多次後仍沒辦法接通,看來是政府想隱瞞這次的事件不想外洩。
 
「而家點呀?我好驚呀!」洛雯抱著我哭泣問道。
 
「唔洗驚,呀哥會保護妳!而且妳仲有家輝,我哋有五個人,一定有辦法嘅!」對於現在的狀況,我只能嘗試安慰她,畢竟,我相信沒有人遇過這種事,尤其在香港這個小城市。
 
眼看大家都醒過來了,吃過早餐後,我們開始討論今後的去向。
 
距離最早的事發時間是我的三天前,洛雯的四天前。由此推論,喪屍應該是從四天前的中午時分開始爆發,但也不排除可能發生在更早之前。至於全香港的人,猜測大多躲在房子裡,不然,香港根本沒有可能會變得像死城似的。
 
「有冇收音機?可能電台會有講呢單嘢。」我問道。




 
聽罷,家輝走回房間拿出一個看似古董的留聲機出來。
 
「睇吓呢個得唔得?」
 
「嘩!呢個古董嚟架喎!」我望著他手上的留聲機驚訝道。
 
「假㗎!收音機嚟㗎,插電㗎。」家輝把電線抽出。
 
我跟家輝兩人不停調著收音機的音頻,渴望可以收到一些有用的資訊。
 
「老公,上唔到網,YouTube應該有人會拍Video㗎。」Mayu嘗試用另一個方法幫忙。
 
正當我們想放棄的時候,電視突然出現一個聲音,一個用電腦音頻調整過的聲音。
 




各位!我相信呢幾日所發生嘅事對大家唔再陌生,喪屍!又或者你中意叫佢哋活屍、行屍、活死人都得!你哋已經被政府拋棄,被世界拋棄。呢個世界唔再係你哋人類所主宰,喪屍亦唔只係冇腦食人……
 
我,我哋!係「新人類」,我哋擁有比你哋更優秀嘅身體同頭腦,我哋將會帶比香港,甚至係全世界一個全新嘅景象,一個由我哋「新人類」所統領嘅世界。
 
如果唔想受苦,可以加入我哋,我會喺「灣仔警察總部」等你!
 
「『新人類』?喪屍?」小鳳突然問道。
 
「喪屍識講嘢㗎咩?」洛雯問。
 
「可能唔係喪屍,而係嗰班飛車黨搞屎棍!」我猜測著。
 
「佢所講『喪屍亦唔只係冇腦食人』呢句,我覺得好有問題!」家輝說。
 
的確係噉,我都覺得有問題,但就算有問題,唔通真係去搵佢哋咩!




 
電視機再次發出聲音
 
三日!我比三日你哋考慮!三日後,我會開始進行大規模殺戮!我要除舊換新,為新世界做準備!
 
「三日……班差佬做乜春唔阻止佢!」小鳳安耐不住煩悶的心情罵道。
 
「成個總警都比佢霸住,仲點阻止……」我說道。
 
「但香港咁多警局,唔會一個人都冇㗎喎!」家輝質疑道。
 
「去長洲!坐船過海應該會安全過呢度!」洛雯提議。
 
「噉船呢?妳唔係話俾我聽,家輝連船都有呀?」我不禁懷疑起來。
 




「冇,但我哋可以去偷!去碼頭偷!」洛雯繼續說。
 
「偷到之後呢?邊個識開?點撻著個引擎?」我反問。
 
就在我倆兄妹僵持的時候,小鳳,家輝和Mayu異口同聲說「我贊成!」
 
「咩料呀你哋?冇人識開船,去到呢?去到之後點吖?」我心中頓時感到非常不安。
已有 0 人追稿