一覺瞓醒，你竟然同我講香港有喪屍？！: Zombie 45：You Better Shut The Fuck Up！

接過啤酒的家輝對我報以一個苦笑，我倆在碰杯後一飲而盡，雙雙坐在泳池邊傾訴著這段日子的辛酸。
 
「多謝，多謝妳搵到Mayu，多謝你幫我照顧雯雯。睇住佢哋幾個都幾攰吓，你頂到咁多日算好叻㗎喇！」我笑鬧著說。
 
「呢個星期真係幾難頂㗎！短短幾日就發生咗咁多事，其實如果唔係當日我話要返去拎航拍機，就唔會俾肥陳班人搵到，都係……」
 
「得喇！唔好再自責喇，既然我哋噉都可以Team Up返，就唔好再愁落去，搞返起個士氣！我哋要搵到阿福老竇個朋友救返香港！」
 
「張卡片上寫住西醫盧偉廷，個地址喺中環嗰邊。」家輝說。
 




「我哋幾個其實幾乎去晒港九新界，都係得呢啲線索，而且要救柯博士就一定要打贏肥陳，以我哋噉嘅陣營其實唔係好掂！」我把自己的見解提出。
 
「支紫色喪屍針！如果我哋兩個都打呢？每人一半……」
 
從家輝說出這個不知所謂的提議看來，他已經到了走投無路被迫著要急於解決事情的地步了，但他這麼積極對我們來說其實是沒有必要的。
 
「家輝，你係唔係發生咗啲咩事？竟然連噉嘅嘢都講得出！」
 
「……哥，我唔想有下一個阿昌出現！」
 




「真係咁簡單？」
 
家輝並沒有正面回答我，只跟我說了一句「我今日好攰，我想瞓一陣！」便離開了。我直覺他一定發生了什麼事，不然他沒可能想打那支針。
 
正當我獨自在思考的時候，Mayu突然出現「老公，我好掛住你，想你陪呀！」
 
我示意Mayu坐下，在互相擁抱的瞬間，我倆竟然不自覺地流下眼淚。可以跟心愛的人重遇其實比起拯救香港更重要，我只是一個普通的上班族，並沒有需要肩負拯救香港的責任。
 
「老公……你要平安返嚟呀！」Mayu依偎在我的懷裡說。
 




「妳講咩呀？我咪返咗嚟囉！傻妹。」
 
「你要去救人，我都想去……」Mayu抬頭認真地望著我。
 
「妳聽到我同家輝講嘅嘢？」
 
「嘉琛話要去救柯博士，你同家輝都會去，我都想去呀！」
 
聽著Mayu的話，我完全給不出回應，我根本不想再離開她，但我又真的想救工廠的女生們。
 
這一晚，我和Mayu睡在我以前的房間，我們聊了很多，彼此的家人，將來的生活，什麼有的沒的都聊，直到Mayu被睡魔召喚。Mayu睡著後，我又一個人陷進了無盡的輪迴裡，思考著家輝的話。
 
「既然柯博士研究緊解藥，我哋一人半支應該唔會屍化得咁勁！」家輝說。
 
「你知唔知你講梗咩呀？你痴咗呀？喪屍針都想打？」




 
「你自己知自己事，你成身都傷晒咁濟，你仲有能力去救人咩？而且我唔好得你幾多，我隻手啲舊患應該掉沿球嗰陣又整親，我出唔到力喇……」家輝伸出帶有紫紅色瘀血的右手說。
 
「你真係覺得肥陳會咁好死俾支真嘢我咩？」我反問。
 
「唔知，總之有可能變強就得啦！再拖落去，香港可能會玩完，就好似……」
 
「你究竟知道啲咩？」我一臉認真地看著他。
 
「就好似喪屍片噉，一傳十，十傳百，到時咩都遲㗎喇！」
 
家輝的舉動真的很奇怪，就算是因為阿昌的死導致他好像過度緊張，但連喪屍針都想打就的確有問題。
 
敵不過睡魔的召喚，我的雙眼慢慢合上，加上Mayu溫暖的體溫，令我頓時安心了很多。
 




主人房裡，洛雯，小鳳，嘉琛和財福睡在一起，彼此間聊著女生的話題，女生們依偎著彼此，為彼此增添多一份溫暖感。
 
洛雯以前的房間，家輝和高俊森正互相對峙著，雙方對望了至少五分鐘之久。
 
「我終於記得你係邊個喇！我呀！高俊森區議員，之前個會議同你傾過兩句嗰個呀！」高俊森裝熟的拍了一下家輝的背笑著說道。
 
「我知！但我同你唔熟！唔好扮Friend！」家輝拍開高俊森的手瞪著他說。
 
「唔好噉啦！話晒而家大家坐埋同一條船吖嘛。」高俊森依然嬉皮笑臉道。
 
「我警告你！唔好提起識得我，唔好提起有關我嘅嘢！如果唔係，我會殺咗你！」語畢，家輝背對著高俊森閉上眼休息。
 
「得喇！大佬你話點就點啦，我都係求保命啫。」
 
這一晚，雖然大家會合了，但彼此間卻好像多了一份陌生感。怪異的舉動，荒謬的想法和額外的同伴。




 
第二天一早，女生們已經把早餐弄好，等待男生梳洗完一起享用。
 
「係喎！浩龍提過妳哋坐船㗎喎，點解又會有架車嘅？」嘉琛好奇問道。
 
「成街都係車，求其都執到架插住鎖匙㗎啦！」洛雯笑著回應。
 
「不過最奇怪嘅係喪屍好少，會唔會好多人已經去咗避難？」
 
小鳳的提問的確是現今階段沒辦法解釋得到，就算已經經歷過好幾次喪屍來襲，還是解釋不到它們的出現時機。
 
吃過早餐後，大家圍在一起討論著今後的方向，只可惜得不到共識。言談中，家輝一再強調找出打敗肥陳的方案，縱使洛雯不同意，他還是想要一意孤行。
 
「你發咩癲呀？打喪屍針你都講得出？你有冇考慮過我？你變咗喪屍我點呀？」洛雯激動得哭著罵道。
 




「我哋唔可以只係諗自己！」家輝擺出一副無奈的樣子回應。
 
「你可以做到啲咩？我唔想再一次見到有朋友死喺我面前！」小鳳冷冷的說。
 
「你哋唔好咁㒼塞得唔得呀？哥，你唔去嘅話，我自己去！俾支針我！」
 
「家輝……你係唔係有嘢應該要同我哋講清楚？」我瞪眼看著家輝，希望得到一個滿意的答覆。
 
「冇！冇嘢講，我冇嘢想講，我只係想救人！」
 
「你條仆街！我想救阿昌嗰陣，你同我講咩？而家話想救人？」
 
小鳳衝上前賞了家輝一個巴掌，聲音大得把財福嚇了一跳，連忙躲到Mayu身後。
 
「高俊森，拎條片山嚟！」我望向一旁嚇得目瞪口呆的高俊森說。
 
「咩……咩片呀？」高俊森瞄了家輝一眼，裝瘋賣傻想蒙混過去。
 
「我再講一次！拎條片出嚟！」
 
高俊森被我一嚇，連忙從褲袋掏出手機，播回當天的偷錄影片。我把手機搶去，調到一個畫面後把它定格。
 
「呢個人係你！唔好同我講咩人有相似！」我把手機遞到家輝面前。
 
「你個仆街！」
 
「我冇講我識你㗎！我俾佢睇嗰陣都唔知你哋係Friend……」高俊森急忙跑到我身後。
 
「輝輝，咩片呀？哥，你哋講緊咩呀？」洛雯慌張得只懂望著我們倆人。
 
見我倆都沒有反應，洛雯用更大更響亮的聲音大聲問道
 
「俾啲反應我得唔得呀？」