一覺瞓醒，你竟然同我講香港有喪屍？！: Zombie 46：第一病源體.

家輝把手機交還給我後坐到地上，然後緩緩地說出他的身份。
 
「我之前講過我屋企係軍人世家，我阿爸係一個政府秘密組織嘅司令官，而我係佢期待嘅接班人……」
 
「噉同喪屍有咩關係？」我問。
 
「第一隻喪屍係俾人造出嚟嘅，不過並唔係你哋以為嗰啲生化武器，嗰個人都係意外先造咗個好似喪屍嘅人出嚟。」
 
「你可唔可以講得簡單啲？」嘉琛不明家輝想表達的是什麼。
 




「其實我都唔係好清楚，報告話嗰個人係農場主人，佢同一個長期有性癖嘅女人發生關係之後就變得好嗜血，一夜之間咬死咗超過一半嘅羊同牛。」
 
「咩係長期有性癖嘅女人？」Mayu問道。
 
「……同動物發生關係，即係人獸交！」
 
「咁最多應該都係得性病啫，冇理由會變喪屍㗎。」我不解問道。
 
「個女人係個殺人犯，而且仲有另一個性癖，就係會邊做愛邊食對方……好死唔死，個農夫冇死，仲得咗感染性病變。同財福爸爸個USB個報告一樣，農夫亦有吸食浴鹽嘅習慣，可能就係因為毒品加上病變先會引發今次個喪屍疫情。」
 




家輝停頓了一下，吞了吞口水繼續說
 
「農夫嗰家人將啲羊同牛嘅死屍賣出去，食咗嗰啲肉嘅人開始出現喪屍化，而當中有人坐飛機嗰時病發，有人返工嗰時病發，總之所有嘢都喺三個月前開始。」
 
「輝輝……我覺得你好陌生……」洛雯慢慢地往後退。
 
「雯雯，唔係妳諗噉樣㗎，我冇呃過妳，我希望你哋知道，呢個係機密，我本來就唔應該同你哋講……哥，求吓你俾支針我……」
 
「家輝，就算係噉，你都唔需要孭起呢單嘢㗎，件事根本唔關你事。」
 




「我阿爸阿媽變咗喪屍，當我知道原來有解藥嗰刻，我睇到希望，我想救佢哋，求吓你幫我。」家輝哭喊跪到我面前懇求著。
 
「俾少少時間我消化吓……」我二話不說獨個走回房間。
 
在走上樓梯時，我聽到家輝跟其他人說事發地點是在澳洲，這就解釋得到香港第一宗的病源可能就是因為澳洲牛排或羊排而引起。
 
關上房門後，我隱約還是聽到洛雯，家輝和小鳳的爭吵。我走近窗邊把窗戶打開，輕快的微風吹拂著我的臉龐，我閉上眼睛深深地吸了一口氣再吐出。
 
我跟家輝雖然認識的時間很短，但洛雯跟他已經認識了好幾年，而且他對我妹很好，若果我把喪屍針交給他，我是不是就會變得更輕鬆。當我思考著這些不切實際的事時，一眾女生突然出現在我房間外，輕輕地敲著我的房門。
 
「哥……」
 
傻妹，唔通我唔知妳想講乜咩，話晒我都係妳阿哥。
 
「妳想幫佢？唔後悔？或者世界上根本冇解藥，死——可能先係解脫！」




 
「哥……我唔忍心輝輝，我想幫佢，不如我同佢……」
 
「唔得！」
 
「哥呀！我求吓你啦！哥……」洛雯抓著我的手哀求著。
 
「冇得傾！妳想同家輝一齊去搵解藥，我冇意見，但係喪屍針唔係唯一嘅辦法！」
 
「你有辦法？」聽到我這樣說，洛雯雙眼好像看到神蹟般看著我。
 
「冇……暫時未諗到，總之喪屍針，Don't even think about it！」
 
「阿哥！」
 




「點呀？妳哋都想要支喪屍針？」我望向其他的女生用口吻很差的語氣問道。
 
Mayu，小鳳和嘉琛並沒有說話，只輕輕的搖了搖頭，從她們的眼神可以看得出她們的擔心和不安。
 
Mayu走上前把我抱緊，她的力度反映出她有多擔心，就在我抱回去的時候，一個細小的身影從我腳邊出現。
 
「哥哥，呢個公仔俾你㗎，阿昌哥哥俾你㗎。」財福遞上了一個手掌一半大少的比卡超毛公仔。
 
我接過毛公仔，打量著這個比卡超時，發現到它肚皮位置有種硬物感，接著我下意識地按了一下。
 
龍哥，唔知仲有冇機會見返你呢？我哋喺東涌個Outlet呀！我哋一定會打死啲喪屍救返香港，救返你出嚟！
 
喂！阿昌，得未呀？
 
唔講喇，我要同阿鳳返去喇！嗶——




 
「係我同阿昌拎遊戲機嗰陣……」小鳳掩蓋著臉別過頭低泣道。
 
阿昌……傻仔，唔係叫過你唔好逞英咩？正一傻仔昌！
 
聽到阿昌的聲音，我就好像吃了黯然銷魂飯那般黯然，我緊緊的握著毛公仔，再望向一眾的女生，突然有種想法在我的腦海裡浮現出來。
 
「一陣食完晏，叫晒全人類開會！我而家想一個人靜一靜。」
 
我淡淡地說出一句後便把眾人趕出房間，當然連Mayu也不例外。關上房門後，我並沒有思考有關的事情，而是躺在床上，閉上雙眼傾聽著大自然哼出的旋律。雖然沒有鳥叫蟲嗚，但「呼呼」的風聲已經是此刻我聽過最好聽的旋律。
 
午餐過後，我把眾人集合在二樓的主人房，準備召開這可能是最後一次的會議。
 
「首先，我想你哋唔好出聲！聽我講完晒先好講嘢，得唔得？」
 




眾人臉上掛著一種不明所以和緊張感點著頭回應，見大家安份地等待著，我便繼續剛才的話題。
 
「你哋都知我喺工廠同新人類打過，我懷疑我可能被感染，之前頭暈頭痛嗰啲徵狀，再加上我開始出現幻覺，我可能真係喺上次受傷嗰陣感染到病毒。」
 
「老公！」Mayu緊張得快要哭出來，幸好得小鳳握著她的手令她冷靜下來。
 
「如果話，我哋最後全部都會死，會俾喪屍或者新人類殺死，你哋會有咩想法？至於我……我可能都會同家輝一樣去搵解藥，但唔係同你哋去！而係我自己去！反正我唔知幾時會屍變，到時你哋都會唔安全。」
 
「我反對！」洛雯第一個否決了我的提議，接著的是Mayu。
 
「我都反對！老公唔可以再離開！已經應承要永遠同我一齊㗎！」
 
一旁的高俊森見狀立即衝出來回應「我就一定贊成嘅！我同你哋唔熟，冇必要跟住你哋去送死！」
 
「我反對！」小鳳和嘉琛異口同聲說。
 
「哥哥，我都反對！」財福左看右看後回應道。
 
「哥，你知我㗎！我一定會跟埋去！」家輝站起來雙眼堅定地望著我。
 
「要死就一齊死！我哋要共同進退！」洛雯站起高舉右手叫道。
 
「我哋都死晒，噉邊個搵個醫生呀？」我沒好氣地駁回。
 
經過一番討論後，我們終於得出了一個非常荒謬的共識，那就是整隊人去救柯博士，有必要時將喪屍藥平均分一分。
 
「嘉琛，如果失敗咗妳可能會被殺死，今次返去唔係玩，我唔知打唔打得贏！而且柯博士交待過我……」
 
「得喇！我想去！」嘉琛微笑著回應，完全感覺不到有一絲猶豫。
 
既然目標一致，那就不必再多說了，除了縮頭烏龜高俊森外，所有人都坐上那台小型貨車上。我們決定駕駛遊艇去中環渡輪碼頭先找到盧偉廷再去救柯林，幸運的話，或許可以找到解藥也說不定，到時候將新人類變回原樣就沒什麼好怕了。
 
雖然機會看似渺茫，但有一個既定的目標對我們眾人來說，已經是最好的安排。即使躲進別墅，資源短缺時還不是要冒險外出搜索物資，而且更有可能受襲，倒不如賭一把，把命交給上天去定奪吧！