一覺瞓醒，你竟然同我講香港有喪屍？！: Zombie 70：合作.

「瑋珊，妳冷靜啲先！妳係唔係又唔記得呀？」毛凌勇輕輕搭住瑋珊的肩膀問道。
 
「細佬佢死咗呀！點算呀？爹哋媽咪會好唔開心㗎……」
 
「瑋珊，妳冇細佬，妳一直都係自己一個，死咗嗰個係人哋個仔，佢唔係妳細佬，妳要振作啲！」
 
看到我們大伙都不明所以，毛凌勇便解釋當時瑋珊找到一個小朋友，準備帶他去找媽媽的時候，卻被一隻不知道從哪裡竄出的喪屍咬死。幸好當時有人把瑋珊拉走，不然她就會成為下一個受害者，而因為一直自責而導致情緒和記憶上出了點狀況。
 
「下面有個叫史太維嘅死者，有冇印象？」洛雯問。
 




「嗯，都係一個精神有問題嘅人，成日妄想自己一個人去探險。」
 
「佢封遺書。」洛雯把遺書遞給毛凌勇，下意識再望向瑋珊。
 
毛凌勇快速的閱讀著手上的幾張紙「條友一直都同我哋一齊，如果唔係，佢一早就餓死咗喇！」
 
接著毛凌勇揮手示意大家跟上「跟我嚟，其他人都喺晒度。」
 
我們一行人跟著毛凌勇走到最尾的房間，裡面坐著三男四女，每個人身上都有著大大小小被包紮好的傷勢，似乎不久前都受到過傷害。
 




「你哋發生咩事？有冇人被咬？」我望著這幾個生還者問道。
 
「前幾日好多人離開，唔知係唔係唔小心，走咗幾隻喪屍入嚟！」毛凌勇低頭回應。
 
「叫嘉琛幫你哋睇睇……咦？嘉琛呢？」
 
「佢喺另一間房，幫嗰個港鐵職員睇傷口。」家輝回應。
 
「林仔唔喺度嘅？」我問。
 




「個衰仔走咗喇，成條牆頭草，走咗仲好！」毛凌勇明顯對林仔感到非常不滿，他拍了一下手，把大家的目光集中起來繼續說「我介紹吓呢度嘅人俾大家。」
 
在另一間房的有中年地鐵職員Jerry，照顧他的人是個中年婦女叫杏姐，是酒店員工飯堂的職員；梳了一個油頭，穿著西裝的是康叔，酒吧經理；身穿運動裝的年輕男生叫阿堂，是Outlet服飾店的員工；東仔則是Outlet某酒樓的部長，一副衣衫不整的中年男人；微胖的酒店清潔人員芳姨；長髮的魚旦妹；短髮的KK和束著一頭馬尾的莎莎，三人身穿短裙T-Shirt，打扮時髦，是附近中學的中三學生，她們身旁還放著摺好的學生服，想必身穿的衣物是從Outlet裡面「借」來的，加上毛凌勇和瑋珊共十一人。
 
換句話說，剩下的十一人全是傷員，其中一個更是快要離世，情況並不樂觀。現在加上我們九人，酒店裡已知的人數剛好二十人，在沒有食物且危機四伏的酒店裡，顯然不是一個理想的藏身之所。
 
「仲有冇其他人？」小鳳掃視了各人一眼後問道。
 
「冇喇，一眼睇晒，全部人都唔想分開行動。」毛凌勇回應。
 
「你哋係咪會帶我哋出去？我想返屋企呀，我好掛住爹哋媽咪。」
「我都係呀！」
「哥哥姐姐幫吓手啦！」
 
魚旦妹，KK和莎莎擁上來向我們求助，以十多歲的小妹妹來說，她們撐到現在也算蠻厲害的。




 
「你哋冇食嘢可以留喺度咁耐嘅？」Mayu好奇問道。
 
「姐姐係外國人？嘩！好犀利呀！識講廣東話。」莎莎向Mayu投以羨慕的眼光，彷彿她身上散發著耀眼得像明星一樣的光芒。
 
少女們不斷向Mayu發出提問，雖然Mayu向我投以求救的眼神，但此刻的我並沒有想要理會，我望著毛凌勇等待他的答覆。
 
「前幾日仲有得食嘅，班衰人靜雞雞拎走晒啲嘢食，再冇得食，我哋就嚟餓死喇！」康叔突然回應道。
 
接著東仔附和「明明夠食一個禮拜，班仆街一樣都唔留俾我哋，你哋有冇嘢食呀？」
 
「點解唔出去拎嘢食？超市仲有好多呀！」麗怡疑惑道。
 
「妳都傻嘅，出去俾喪屍食就有份！」芳姨說。
 




所以這班人寧願餓死也不願意出去尋找一絲生機，多麼可悲的一群人。不過也怪不得他們，一般人遇上這種狀況大概也會這樣吧，離開或留下，通常就只有這兩項選擇。
 
「我去幫你哋拎啲嘢食返嚟喇，我哋頭先先正喺嗰度過嚟。」家輝說。
 
「噉……我都去，我唔想欠你！」毛凌勇自告奮勇。
 
除了毛凌勇一人外，餘下的人紛紛別個臉去逃避眼神接觸，典型貪生怕死的人。
 
「一齊啦！雯雯妳哋喺度等，自己小心啲！」我拿起武士刀向家輝打了個眼色。
 
我跟家輝帶著毛凌勇穿過那個細小的洞口來到了商場，毛凌勇完全意想不到我們會從這裡爬進酒店。商場內依舊非常安靜，只聽到我們的腳步聲和呼吸聲。我們一路上完全沒有說話，毛凌勇彷彿知道我們要保持安靜，本想張口提問的他卻把問題又吞回去。
 
來到超市門口，我快速的在收銀櫃檯拿了好幾個塑膠袋分發給二人，然後往罐頭區前進，家輝亦識趣地走向飲料區，留下毛凌勇一人一時之間不知所措，
最後見到他拿著好幾個裝滿即食麵的塑膠袋回來，算他還知道自己要拿什麼，不然真的會令人很無言。
 




腳步聲加上塑膠袋製造出來的聲音引起了地鐵站的喪屍，拍打跟吼叫聲同一時間高調響起。
 
看著呆滯且不知所措的毛凌勇，我輕輕撞了他一下「快啲行啦！離開咗呢度應該就冇事喇！」
 
我們三人立即用盡全力飛奔去酒店，縱使手上的東西引起了更大的聲音，我們只能頭也不回死命的跑。罐頭的撞擊聲，包裝袋的磨擦聲加上塑膠袋本身就會引起的「嚓嚓」聲，原來可以令氣氛緊張到這個地步。
 
「到喇！」我放下手上的物品，拔出武士刀面向剛剛走來的方向，家輝則拿開木板把一袋又一袋的食物放到洞口裡。
 
「喂！差佬，快啲入去啦！仲望！」家輝見毛凌勇動也不動，只顧呆呆地看著我便輕聲喝道。
 
「喂！家輝！你入去先，我去搞掂呢幾隻嘢先！」
 
我拋下了一句便衝向正以全速襲來的喪屍跑去，先是一刀擘向一隻失去了雙臂的男性喪屍，再橫揮斬向身旁那早前在地鐵站看到的女喪屍，最後一腳踢向迎面飛撲過來，向我張牙舞爪的喪屍狗。可能是衝力過大的緣故，喪屍狗直飛撞向店舖的玻璃窗後倒下，我立即上前補上一刀插進它的頭顱。
 
眼看沒有其他喪屍出現，我飛快地鑽進通往酒店的洞口，把木板再次封起來。




 
「應該冇其他喪屍，快啲上去先！呼哈！呼哈——」
 
我不甘怠慢，即使已經喘噓噓的，還是催趕著二人加快腳步。
 
「哥，你冇事吖嘛？」家輝關心道。
 
「一男一女一狗，呼哈——」
 
「嗯！你冇事就得喇！」
 
毛凌勇看到我倆的默契才反應過來「哥？點都好，多謝你哋，佢哋好多日冇嘢落肚，個個都燥燥地，有咩得罪，唔好怪佢哋喇！」
 
「哼！你睇嚟都算係個好警察。」我對毛凌勇報以一笑。