[少甜][愛情][校園][真人真事改編] 自從我爸爸過左世，我遇上左佢: 16

好快就到左放學，全靠我中午既奮鬥同上堂偷偷地抄，放學終於交到比Miss Lau。
「你唔好再遲到啦下! 再有下次就抄100次! 」Miss Lau真係好可怕。
之後我就同詠兒姐姐一齊走。
去左附近既一間書局，因為想寫張卡比夢兒姐姐，但係又唔想咁求其。
於是就去左書局到睇下有冇卡可以買。
「呢張啦不如。」詠兒姐姐拎左張淺籃色既卡。
「咁就呢張啦，我信你眼光既。」我二話不說就拎左去比錢。
之後就到音樂盒。
老實講，如果唔係詠兒姐姐講，我都唔知原來呢個商場原來係有間精品舖。
平時放學我最多都係去便利店買零食或者去運動舖睇鞋。




好少會留意其他店舖。

不得不說，呢間精品舖都幾勁下，各式各樣既音樂盒都有。
我望到一個裏面係鬆弛熊黎，幾得意，但又唔似夢兒姐姐鐘意既類型。
又有個係雪地黎，裏面仲有雪人同聖誕樹。靚係幾靚既，但又唔係聖誕節，買黎做咩。
「做咩啊，覺得揀黎揀去都唔岩心水?」詠兒姐姐真係好醒。
「嗯，感覺個個都唔係好岩夢兒姐姐。」我答。
「我覺得你憑感覺揀啦，最重要係你個心意要喺入面。」哇，呢句咁深奧既。
我再認真望左下，有啊! 就呢個啦。
我冇講到咩，亦都冇望到個價錢，直接拎左個音樂盒去買單。




「收你400蚊啊。」個店員好似望到傻仔咁，笑得勁開心。
係啊，我係水魚啊，吹咩。
千金難買心頭好啊，我400蚊買到，抵啊。
屌，講係咁講啫，我個心真係赤住赤住架，400蚊啊，我都想買番對drose架，鳴鳴鳴。
唉，希望夢兒姐姐真係會鐘意啦。
「唔洗擔心wo，夢兒一定會鐘意既。」詠兒姐姐比我既感覺真係，好窩心。
我諗除左夢兒姐姐，就只有佢可以睇得出我個心諗緊咩。
送左詠兒姐姐返屋企之後，我就趕喺夢兒姐姐返屋企之前，返到屋企寫卡。

卡內容: 

我最愛既夢兒姐姐: 
      對唔住啊夢兒姐姐! 雖然我真係唔知道你因為啲咩嬲我，但我相信你嬲得我一定係有原因，我一定有做錯野。所以希望你可以話比我知，我一定會改架
      求下你唔好唔理希希啊。希希剩係冇同姐姐一齊返學就已經好唔開心啦。我相信姐姐咁大方，一定會原諒希希既。仲有啊，呢個音樂盒係我特登去買比
      你架，因為我記得你同我講過，由細到大都未去過迪士尼，見到人地個個都有得入去玩旋轉木馬，而你就未玩過。迪士尼我就...仲未有能力同你去。 
      但希望呢個旋轉木馬既音樂盒可以陪住你先，希希到時候一定會帶夢兒姐姐去坐旋轉木馬既! 希望夢兒姐姐你可以原諒我啦 : ( 
                                                                                                                                                                                                           知錯了既希希上

「咔擦」係夢兒姐姐!
我一隻手拎住個音樂盒，一隻手拎住張卡。
打開門既夢兒姐姐眼都冇望我一下就行走左。
「夢兒姐姐!」我嗌左佢一聲。
「我好攰，比我靜下。」夢兒姐姐一路想行入房。
「你睇下先啦。」我一路追住佢。
「之後先啦。」佢入到房一下就閂左門，完全冇比機會我。
 




呢一刻既我，個心好似碎左咁...
點解... 我咁用心想討好返夢兒姐姐... 點解佢完全唔想理我。
我衝返入房， 閂埋門，放低哂準備既禮物。
閂埋門既我，好似準備釋放哂心入面既負能量咁。
一下就跪左喺地下。
點解... 我真係好想要返夢兒姐姐...
明明我都已經準備好哂... 點解連死因都唔比我知。
好唔公平... 明明我咩都冇做...
點解要離開我? 點解要拒我之千里?
我既淚水一點一滴咁流哂出黎。
明明只係喺我隔離房，點解好似隔左一千公里咁遠?

呢個時候我既電話有條message
係咪夢兒姐姐? 
我一開個電話。




詠兒姐姐 : 點啊希希? 你可以嗎?
係詠兒姐姐... 我宜家唯一可依靠既人...