[少甜][愛情][校園][真人真事改編] 自從我爸爸過左世，我遇上左佢: 16.5 (夢兒視角)

(夢兒視角)
今日終於都完啦，中三既壓力真係好大，又要選科，又要忙社。
岩岩先輸左一場比紅社，所以佢地都好大壓力。
搞到連我都緊張埋一份。而宜家仲多左份厭惡。
我一直以為自己最愛，最鍚既細佬 - 希希。
我以為佢唔會呃我。
唔只佢，仲有我好姐妹 - 詠兒。
點解... 偏偏要喺呢個我咁大壓力既時候黎激我。

就喺尋日，我返到屋企諗住休息下既時候，社長send左條whatsapp message比我。




社長 : 呢個係咪你細佬同你好姐妹詠兒? 
係... 冇錯。
詠兒餵緊我細佬食野，正話我仲擔心緊既細佬宜家比我姐妹餵緊。
點解... 明明佢只係我細佬... 點解我好似好妒忌詠兒? 
好似比人搶走左野咁... 我好傷心。
我細佬... 明明剩係屬於我架... 點解佢會同詠兒咁親密架... 
我 : 係 
社長 : 哈哈，咁你知唔知佢地好似拍緊拖?
社長 : 岩岩佢地仲拖哂手，一路行街嗰時仲鍚埋。
呢一刻，我既淚水已經忍唔住，不停咁流哂出黎。




我個腦停止唔到去諗
明明只係屬於我既細佬，而家同我好姐妹拍緊拖。
好甜蜜。
我個腦不停諗，佢地接吻? 佢地會點鍚。
蜻蜓點水?  定... 法式濕吻? 
我個腦真係控制唔到，甚至諗到... 
佢地會唔會... 已經去到做埋愛? 
越諗，我就喊得越勁。
點解... 我細佬... 啊啊啊!!!
我好鐘意我細佬啊!!!! 但佢宜家同緊我姐妹一齊啊!!




過左一陣，我決定，如果我細佬返黎唔坦白，我一定要放低佢。
抹返我既眼淚之後，我嘗試冷靜落黎。
「咔擦」係希希返黎。
佢身上拎住好多野，有袋糖，有一袋應該係新買既衫。
果然... 係去左拍拖
「希希，做咩咁夜返既?」我問。
「哦...呃...」希希吞吞吐吐咁。
「嗯? 做咩吞吞吐吐既?」我問。
「冇啊，我練完波同隊友去食飯啫。」希希果然都係講左大話。
「原來係咁... 下次同我講聲啊嘛，我會擔心你架。」我扮冇事咁講完就起身行入房。
「夢兒姐姐!」希希叫停左我。
嗯，我要冷靜
「嗯? 做咩?」我壓抑住自己咁講。
「不如... 一陣一齊做功課?」希希提議。
「唔啦，我好攰，想自己做。」我講完就急急腳入左房。




一閂埋門，我都係忍唔住，眼淚好似泉水咁湧哂出黎。
鳴... 果然希希同詠兒已經... 一齊左。
咁我... 點算啊 !!!!!!

時間返返黎今日。
我朝早冇叫到希希起身返學。
小息晏晝都冇揾佢。
而全日我都冇同詠兒講過任何一句野。
我驚我會忍唔住喊。
望住佢就好似望住搶走左我最心愛既野既人咁。
放學之後，我仲要去忙社既野，聽日就係社籃啦... 
我真係好攰... 好攰。
一諗到返到屋企就要對住唔再係我既細佬。
不過屋企始終都係要返。





「夢兒姐姐!」我一開門本來就想即刻入房，點知希希嗌左我一聲。
「我好攰，比我靜下。」我一路想行入房。
「你睇下先啦。」希希一路追住我。
「之後先啦。」我入到房一下就閂左門，完全冇比機會佢。

鳴... 點解啊... 
明明佢就喺嗰度... 
但係唔屬於我既野，點都唔會屬我既...
我真係好鐘意希希啊!!!
但係佢已經係詠兒架啦!!
我只可以做佢既所謂家姐...
點解啊!!!