《我老婆唔係我女朋友》【那些年／九十年代學界／真人】 第七章全新中篇！: 【第七章】 別離後至需要妳（１）
別離後至需要妳
回家打給正在士多開工的阿心稟報，她聽到我找到暑期工，非常雀躍：「啊？有工開咪好囉，唔使成日遊手好閒，幾錢一個鐘話？等我計吓先～嘩，連埋夜晚泳會嗰份，一個月有成7500蚊喎，你唔好讀書喇，快啲出嚟做嘢算啦。」管家妹已經立即幫我計身家了。
那時候一般的出入口公司文員都是8K左右，日資百貨sales底薪約6K，所以以暑期工的兼職，不用天天上班（欵…習泳班＋晚上泳會，變相其實都要日日開工的，不過就一早一夜梅花間竹），又每天只工作幾小時，換算月薪的比例來說是非常不錯了（Lulu屋企附近沙田中心，一個400尺單位，當時市價約90萬，我儲兩年錢就夠畀首期喇）。
「但要返工就無得去街囉…」我始終放不下之前盤算已久的「高級廢青」鴻圖大計。
「唓，我都要看舖啦，邊有咁多街去吖，你自己出街又亂使錢，有工返就最好嘞。呀，阿爸佢哋定咗7月17出發去旅行，我哋去英國三個星期順便探米伯。」管家妹繼續打擊我的大計。
「吓，三個星期？米…伯？」我語氣中不期然帶著一點失落。
「米伯咪米叔阿爸囉，佢移咗民喺英國住，今次米叔會同我哋一齊返去探佢，我哋都會住佢屋企。咪扭計啦，三個星期啫，我都要陪吓屋企人嘛。」她總是知道我心中所想的。