星期五晚帶著一大袋紅色布泳帽返到麗池,將覲見肥婆蔡的情況報告肥直。
 
肥佬聽完後隨口問道:「佢無話你知三班係教唔同程度嘅?」
 
「無呀,教乜嘢人同點教都無講呀。」我又真係大安旨意完全無諗過。
 
「唉~都話個肥婆唔𠶧啦,三班都係兒童班,分初級、中級、改良班,記住搞習泳班嘅最終目的,係吸納有潛質嘅細路入泳會練水,所以順便要留心揀蟋。」肥直諄諄解說。
 
「阿直,你又會咁清楚嘅?」
 


「挑~個習泳班大綱我幫中心寫㗎嘛。」他又晦氣的噴我。
 
也難怪肥佬這麼勞氣的,原來又是有實力但無資歷,明明自己編了課程,但又不容許自己教,認真弔詭,現在彈了給算是自己友的廢青師侄,總算順氣一點。
 
在香港由外行人管內行人的情況幾乎都是常態了,不管是跟官僚流程或商業原則,都是先敬資歷後敬實力,管你是七省飛魚(或我呢啲濕狗學界冠軍)又~如~何~總有一些人「恰巧」在前面騎著你,而「恰巧」他的實力係隨時連水都未識游的;當然你是Zoe那類藍血人又不在此列了,所以真心不明白為何有人吹奏「Quit U保平安」,難道不是應該頹讀都先畢業,取了入場劵先比較保險麼?

已有 0 人追稿