《我老婆唔係我女朋友》【那些年／九十年代學界／真人】 第七章全新中篇！: 【第八章】 全民學星（２）
此時李博士也開始他的講座了，花了10分鐘說了一大堆歡迎之類的開場白後，開始慢慢轉入正題：「觀星其實係一門源遠流長嘅科學嚟，以前甚至會借助觀星嚟確認方向，喺實務上用嚟觀測目標同航道，譬如英國嘅巨石陣Stonehenge，都係為咗觀察天文運動而建立嘅…（我偷偷望向阿心，剛好她也望向我，大家相視一笑，我就知道她記得我對巨石陣有興趣）…星座其實係由一啲恆星喺天空中組成嘅形狀，有時係動物、神話人物或者係物件，目的都係令到觀星者容易辨認出天上星星嘅位置。
當然一直流傳落嚟，星座就聯繫咗好多神話同傳說嘞…（剛巧我開始打呵欠）…欵，同學唔好放蚊住，接住落嚟會比較啱聽嘞。除咗神話之外，而家開始多漫畫同星座扯上關係喇。嗱，大家都有睇過《北斗之拳》啦，係咪？舊年電視有播過嘅《聖鬥士星矢》啦，都係用星座嚟做創作題材㗎喎。」說到這裡，場中一陣鬧哄哄的，看來對動漫有興趣的，不止是我和Leon兩條廢青呢。
「呵呵～大家終於開始有啲興趣囉喎，其實用《星矢》引起大家對星座嘅興趣，都係最近我去士多買嘢時，俾人啟發到嘅…（阿心驚訝的望向我，俏皮的呶呶嘴，明顯知道李博士在講我）好嘞，言歸正傳，今晚我哋係睇流星嘅，如果喺短時間內出現大量流星，譬如話1小時內出現幾十粒或者上百粒時，我們就稱之為『流星雨（meteor shower）』喇。嗱，昨晚我喺石硤尾窩仔山都睇到過百㗎，而今晚係高峰期，預計應該會更多。」