別人名字，我的姓氏(上集): 2. 考獲第一志願的我

係細細佬出世後8日，姑姐個女都出世。而我細細佬就仲係氧氣箱內為自己嘅生命搏鬥
 
媽咪每一日都以淚洗面，所以我都唔打算再去煩佢
 
係果段時間，姨姨黎左照顧我地幾個
 
終於大約一過月後，細細佬出院啦，不過醫生話佢會比起正常小朋友較為虛弱
 
媽咪當時唯一可以做嘅，係帶細佬去領洗，求主嘅祝福，而佢聖名亦都成為佢英文名Clodulf，一個好長壽嘅主教名
 


從果日開始，媽咪就經常抱住細細佬而我地兩姊弟就一d都唔介意
 
因為我就可以飛甩媽咪去作反啦
 
有幾次媽咪太攰，泵完奶後我就主動去餵細細佬食奶
 
我望住呢Pat野，佢又望住我。細細個嘅佢已經識對住我笑，真係好得意
 
隨住時間，細細佬由一pat野咁，到佢自己轉身、慢慢爬、識坐
 


佢爬之餘仲好鍾意痴住我
 
而佢第一句叫嘅就係「姐姐」，所以我都將佢當寶咁睇
 
細細佬一日一日長大，佢開始識講野、寫字，返幼稚園
 
每日都要我拖住先肯返學
 
所以，我係一個人湊兩個細佬
 


幾年後，我準備揀中學啦。不過我小學全體老師都知道我會揀邊一間學校
 
媽咪係英華女校嘅生物科科主任
 
姑姐係英華女校嘅訓導主任
 
婆婆係英華女校嘅校長
 
我仲聽過，我已經過左身嘅爺爺，佢係英華嘅女校男生，係果到識到麻麻
 
而爸爸都係女校男生而同媽咪同埋姨姨重遇
 
所以揀學校時，我都冇諗其他選擇
 
西區半山、羅便臣道、藍色長衫、寸陰是惜、英華女校係我唯一選擇


 
不過就算咁，我成績要夠先入到架
 
所以我係呈分試出盡九牛二屌虎之力
 
係升中放榜果日，搵到我自己個名
 
「程詩敏，CHING sze man , Jasmine。英華女學校，Ying Wah Girls’ School」
 
媽咪同姨姨知道之後，非常開心。要知道而家考入英華女校，比以前係更難
 
因為係婆婆帶領下，英華成績好似股市牛市咁向上。而且英華並冇變成直資學校，所以引黎好多有一定實力嘅女仔黎挑戰
 
註冊當日，係媽咪帶我去。我拖住兩個細佬，一齊係英華到行
 


路過一塊龍虎榜，係歷屆優異生嘅名
 
我睇到70年代果時，見到爺爺同麻麻個名
 
「程偉忠、葉嘉麗」仲有婆婆「孔美玲」
 
然後再睇
 
「程逸風，林雪凝」
 
再睇落去
 
「張詩敏」「林雪晴」
 
係榜上嘅屋企人，無形間俾左少少壓力我


 
特別係果個名
 
「張詩敏，CHEUNG sze man, Jasmine」
 
點解我連讀中學都搣唔甩佢?點解又係詩敏?
 
我最唔鍾意，就係俾人問自己個名嘅由來
 
小學果時，有老師叫我地返屋企問下自己個名係點得黎
 
當果日我滿心歡喜咁問媽咪，點知我得到嘅答案係
 
「因為爸爸最錫姑姐，所以佢想將呢份愛傳俾佢小朋友，所以妳就叫詩敏」
 


即係點?我係二手貨?當時我好唔開心，倒不如爸爸你同姑姐兩個人去私奔啦!!
 
註冊後，我著起藍色長衫，扎好雙麻花辮後去影學生證
 
終於輪到我踏入呢一間學校
 
而我估唔到，呢間學校會為我帶黎咁多轉變