英雄可能聯盟：強戰崛起: 布鞋俠（上）
你即管喊出嚟啦..」
我媽媽成日要我堅強 但係我 總係鍾意喊 乜都喊一餐 尤其係 我細細個讀幼稚園已經畀人蝦 性格開始越來越孤僻
「 到你大過仔成為啲乜嘢呀 咁冇用嘅人 淨係識得喊」
屋企人唔知講咗幾多次 我都係聽唔入耳 我中學嘅時候 人生非常之困惑 基本上冇同學仔肯同我做朋友 讀書嗰方面 都仲係有待改進 其實我將來好想讀大學 律師定警察定醫生都好 我好想成為一個有用嘅人
14歲嗰年 我屋企人老豆死咗 我當然係傷心 嗰晚喺醫院行到依哇鬼叫 第一次有親人走咗唔喊都唔正常啦 ....
「即管喊啦喊曬出嚟啦 如果咁樣會對你好過啲 大個仔啦 人死就係遲早嘅事 你要勇敢去面對呀..」 阿媽喺度安慰我
當我漸漸在長大後 我越來越成熟 改變咗自己
19歲嗰年 我老母都患咗癌症離我而去 嗰一刻我冇喊到出嚟
終於為阿媽做咗白事
「呢個仔真係冇鬼用 頭頭碰著黑 唔好黐埋佢咁多」一個親戚同佢個女喺度傾計
「真係慘囉啱啱18歲 就走咗兩個親人 真係戥佢唔抵」
「唔係俾面你阿嗎我哋都唔會嚟呀」
「總之遇親你都冇好嘢」
個個親戚 個個人都圍剿緊佢嘅時候 佢冇沮喪過
阿媽身前識咗好多人 親朋戚友都唔少
跟住又有人嚟鞠躬
「一鞠躬 再鞠躬 家屬謝禮..」
家屬謝禮嗰部分就係得佢一個
跟住冇幾耐就準備破地獄 佢希望佢阿媽來生可以投胎投得好啲
開始超度 眾人紛紛過橋
「收嘢啦..」
自從嗰一晚 我就冇覺好瞓 晚晚都失眠 讀書唔順利 返兼職又唔順利 好彩我屋企人係供完咗個私樓 如果唔係我就真係瞓街 呢個係我唯一最威嘅嘢 不過我都係要自力更生
直到有一晚
我唔覺意瞓著咗
發咗一個好真實嘅夢 我夢見我阿媽同我老豆
佢兩個喺上面過得好好 我感覺到安慰
「我哋喺天上面會保佑你㗎 我相信你係一個可造之材 而家似你一副力量」
漸漸 新嘅英雄遊出現
-----布鞋俠----
佢全身白色 就好似白事咁打埋個頭巾 人隱約約見到佢嘅樣 綁住個白色圍裙 著住白色嘅布鞋 佢阿媽仲賜予佢 一枝棒球棍 從此就成為咗布鞋俠
我個名叫做阿治 我就係我
..…....
係一座大樓嘅高處 有一個直升機停咗喺度
「呢度係軍火交易 麻煩你點點數」爛尾道
「總數係1000萬 你有冇問題？」 軍火商度利爾道
「 梗係冇問題啦 呢一批新昌我檢查過啦 非常之高質我好滿意」爛尾說後 閂番埋個箱
「我呢個箱係頭1000萬一點點佢」
「 唔使點啦 我信得過你 日後再要啲乜嘢 我隨時都歡迎同你買 再見」軍火商隨即搭直升機走
爛尾同手下帶同啲武器一齊落樓 返到自己間房
「既然有咗啲派軍火就可以炸到班仆街 哈哈哈哈哈」爛尾喺度傻笑著
「咁其餘啲嘢我使唔使處理埋佢？」其中一個手下入咗佢間房
「 好 等你去處理埋佢 橫掂我都唔想見到佢 見到佢都眼冤」爛尾道
佢手下隨即將嗰啲軍火嘅箱掉咗佢 喺佢間房淨係留低一堆武器 佢決定收起機械庫入面
轉個頭 爛尾同個細妹 美喺間房入面
「想問下有咗呢批軍火 係唔係就可以將多利亞消滅為我哋報仇？」美道
佢順便飲咗一杯茶
「唔好咁快下定論住 多利亞嗰邊好大 我聽日就會派幾隊精英過去 搞掂佢哋」
咁啱有個秘書經過
「你哋啲茶飲曬喇喎 使唔使我再沖啲過嚟呀」
「咁麻煩曬你喇秘書」
爛尾道
「咁我要領一team入去..」
美 道
「當然啦 無你點成事..」
其實阿治都係為呢間公司做嘢 阿治佢成為咗大律師 實現到佢嘅夢想 係值得開心嘅 世事嘅野 往往好奇妙 夢境之後 阿治條路好順利
近日來
阿治不斷偷聽 佢老闆既野
「唔...唔...」
一個咁大間嘅律師樓 竟然會有人販賣軍火 有啲唔容忍佢嘅做事方式 但係都好想睇埋落去
「 下午四點你有個會要開 你使唔使去預備下先？」 畀我心情恍惚之際 隔離個阿蘇 拍一拍我膊頭
「我冇事喎唔使咁緊張..」
晚上..
有人喺我屋企樓下 等緊我 原來係所謂啲親朋戚友 想搵我打官司
「 以前真係好對唔住呀 點會估到你咁叻仔可以做到大律師 可唔可以幫我打場官司呀 我需要你嘅幫忙呀 以前嘅嘢可唔可以當粉筆字抹咗佢？」
呢個親戚叫阿魚 佢不斷跪喺度求我
當其時嗰下我的確有啲不願
「乜你真係知道之前咁對我啦咩 19歲攞生日嗰日起 我發誓自己要自力更生 我而家30歲可以成為到大律師 我都冇拎過其他人任何嘢
所以你唔使再求我任何嘢 死咗條心吧啦」
我又點會鐵石心腸 咁去幫佢
「唔係你死鬼老豆老母留返層樓畀你 留低咗啲錢畀你 你一早去揸兜啦 你老豆老母啲錢我都有份㗎」
親戚阿魚講到好似言之有理咁樣
「唔想做你生意呀 講咁多都冇用 好攰呀返 我上去瞓啦」
「 我知你打咗好多場官司 贏咗 唔少棘手嘅案件 年青有為 我有睇你新聞架..」阿魚再道
「 當我求下你賣個人情畀我啦 日後有咩事我都可以幫返你轉頭 ..」
佢不斷苦苦哀求既情況下 雖然冇嗰種心動 但係見到佢死纏爛打 冇辦法之下最終都係幫佢
「 咁我真係要多謝你先..」
最後我決家幫佢
之後佢不斷同我通電話 講番嗰件事嘅來龍去脈 雖然有啲長 有少少棘手 但我諗我仲可以幫到佢
我地相約佢所謂既公司
「 咁後生就做咗 最頂尖嘅大狀 好厲害呀 我的確咁拜下風.. 唔係我老婆佢要搵你 我哋真係冇曬辦法」阿魚既老公 允 道
「 呢啲咁誇口嘅讚詞 我唔需要再聽 我喺出面聽到聽到厭..」
細個好自閉 讀書又唔係特別叻 到大個再重新好好做人 到成為律師 對我嚟講都算係一種奇蹟
「 錢嗰方面我打個七折畀你 念在我地親戚一場」
雖然價錢對佢嚟講有些少昂貴 但係佢哋相當滿意
於是我略盡綿力咁去幫佢
「 聽講治大狀 光源氏集團打公司 係唔係真㗎？」
「 你地到底係咩關係呀 咁棘手嘅案件都接 真係飛利呀 但呢單案件係外界無人肯接」
「 阿魚出面有第二個 究竟係咪真㗎 請你解釋下」我轉移左話題
律師樓下 記者佢哋中目睽睽 你推我撞 誓要套到我啲嘢 我只係搭一句無可奉告
跟住呢件事就令到我哋越來越麻煩 越來越難搞 開始有啲後悔 接呢單官司 真心覺得會惹禍上身
「 爛尾 你聽我講 販賣軍火係犯法㗎 你自己都係資深大律師 你自己都知㗎喇 點解仲要咁做？」 我本來想去 律師樓嘅天台上面靜下
爛尾無緣無故咗上嚟
「 阿治 你係一個可造之材 年青有為嘅少年 如果我同你講成件事嘅來龍去脈 你會唔會幫到我？」爛尾道
「你係唔係除咗阿美同我之外 公司旗下嘅人你都信唔過？」我道
「 冇錯 阿治 你係一個聰明人 所以我覺得你真係可以幫到我」爛尾道
「 最近我想搞埋 親戚嘅呢單官司..」我道
「 咁樣啦 一係我幫你推咗佢 答案就係一件好麻煩嘅事 我覺得你唔係好適合做呢件事 你適合做啲大事嘅嘢 呢單嘢等我負責 你話好冇？」
當尾講呢番說話嘅時候令我非常之感動 冇諗過佢咁樣幫返我轉頭
「 你自己攬上身咁好咩 同埋你真係唔怪我接咗單咁麻煩嘅嘢返嚟？」我道
「話曬你同佢都係一場親戚 你幫佢又唔係 唔幫佢又唔係 我都知有時會令你好難做㗎喇」爛尾道
最終我都係決定將我個親戚嗰個案件交畀佢
第二個晚上....
番到屋企嘅時候
屋企好似畀人爆格一樣 屋企七國咁亂
好似好多嘢都畀人摷勻曬一樣 突然我嘅房間有啲聲音
「咯..」 腳步聲從門口走出嚟
佢好似一個戰士咁樣拎住把劍 著住副盔甲
我心諗 莫非佢係個英雄
「 睇嚟呢度冇我想要嘅嘢..」
我當然係睇定啲先 再作打算
「你到底係邊個？ 做咩唔係我屋企摷亂我啲嘢？」我道
佢一粒聲都冇出過 跟住就從門口走咗「砰」
其實我完全唔知道佢嚟我屋企想摷啲乜嘢
我淨係知道我個屋企亂到有排執
「激死人咩」 我自言自語
我好想報警 但係我覺得呢啲事無補 佢還睇掂睇都係一個英雄 我相信佢係
我喺執嘢期間 發現一個不明來歷嘅徽章 相信係佢度低嘅
......
聽日
律師樓
「 你咁後生可畏 有冇諗過搵個女朋友跟住結婚 生番竇仔女先？」 我喺電腦枱度做緊嘢 阿蘇喺我隔離 無啦啦講出呢啲說話 我覺得好震驚
「 呢啲嘢仲唔咁早遲啲先諗啦」我道
「後生仔應該以事業為重」蘇道
就喺我做嘢嘅時候 爛尾叫我入房 叫咗我坐低
「你親戚嗰度我幫你推咗佢 我仲多話佢一百皮畀佢」爛尾道
what？ 我唔明喎
乜你唔係想幫我同佢打官司咩 點解要推咗佢 仲要畀多一百萬 到底爛尾心裏面諗緊啲乜嘢
如果當初真係嫌麻煩 唔使幫我喇
「 你推咗佢到底算點？話曬都係生意 唔通你唔做仲要蝕錢畀返佢？」
我當然好嬲咁啦
「 你靜啲先聽我講」爛尾道
「呢個係一個持久戰局 如果幫佢 只會沒完沒了 我哋仲會蝕好多錢 咁樣做唔化算 而且仲阻住我嘅計劃」
「乜嘢計劃呀？」我道
「 同軍火之間嘅計劃..」
雖然我到最後都係聽唔明佢講緊啲乜嘢 所謂嘅軍火 同佢尋日喺天台講嘅嘢 會唔會有啲關係？
突然電話出現咗一個訊息 無端端響起電話
「 唔好意思 我今日要請假 」
呢一個係一個好重要嘅決定 佢阻止唔到我
.........