英雄可能聯盟：強戰崛起: 布鞋俠（下）
因為而家仲係朝早 地鐵總係人山人海 終於到咗阿魚嘅公司 樓下
佢咁急send message畀我 一定係有啲嘢
於是我上到間公司嘅頂層
阿魚嘅辦公室
「原來又係你 最近阿魚成日打電話最多次數嘅嗰個人原來係你..」
「你到底想點？」我再道
我見到阿魚攤咗喺地下度 我望一望阿魚
「唔洗望啦 阿魚佢已經死左喇 一個垃圾 已經唔會再有利用價值」
「殺人要坐監㗎喎..」我道
「我嘅說話就係道理 唔需要怕坐監」
「 咁都唔可以濫殺無辜㗎」我道
「佢做咗咁多 違背良心嘅嘢 好應該受到應有嘅懲罰 不過我要搵到嘅嘢依家喺公司都搵到 上次喺你屋企摷完你嘅嘢 我真係萬分抱歉」
頂吖
估唔到呢條友都識得講對唔住 嗰下我真係呆咗一呆
「你唔使諗住報警呀 冇用㗎」 佢隨即離開個門口
只要有信念嘅意智 就可以變身成為布鞋俠
全身白色裝備 帶住頭巾 拎住木棍 終於要進行第一次行動
「企喺度....」我示意木棍 向佢大嗌
「哈哈哈哈哈 就憑你可以打到我咩 真係笑話」 佢係度傻笑著
「咁就要試過先知啦」我道
「 我嘅劍削鐵如泥 你得支木棍可以做得到啲乜嘢啊？」
「 我唔知你係邊個 我淨係知道你今日唔可以走出呢個公司」 嗰一刻我非常之憤怒 我有股好強勁嘅勇氣 好想好想巴煎佢
「真係唔好意思 你睇黎無咁既機會..」
全新反派英雄登場- 劍霸王 現身
劍霸王係一名單劍士 外型就好似超人 成身以紅色銀色為主 帶住副頭盔 完全睇唔出佢嘅真面目 特性就係 睇得出對手下一秒既動作 從而更準確攻擊其他人 但係佢嘅動作 變相就冇咁輕快
劍霸王拔出佢既劍 動作架步出劍嘅狀態 同我打到龍爭虎鬥 大家嘅實力都不相伯仲 雖然佢睇得穿我下一秒嘅動作 但係我亦輕易去避開佢嘅攻擊
經過一輪見 到佢之後 嘗試 去搵我其他致命弱點 進行去攻擊 一個唔覺意俾佢另一隻手打中咗我嘅肚側邊一下 我反應唔黎 然跌咗喺地上
佢見我撻咗喺地上 用劍指向我 好嚴肅咁講
「靚仔 你給終係爐火純青呀 唔夠我鬥㗎喇你死咗條心吧啦」隨後佢走咗 突然擰一擰轉身「記住我 我就係霸劍王」
當然 佢最後放過我 我亦都冇因此而感激 我會更加努力研究我嘅戰術 去對付呢個霸劍王
經過呢件事之後 阿魚間公司當然係由佢老公接手 阿允想去傷心都冇用 因為佢無能力去報仇 同埋佢地都知道自己以前做過嘅衰野 唔想俾人知道太多
..........
律師樓
爛尾搵我開會
「我哋今次嘅目標就係佢」
爛尾 佢都知道霸劍王嘅存在 但係佢知唔知道佢會殺阿魚 同埋阿魚同佢有咩深仇大恨
「我買嗰啲軍火就係想打佢 因為一般正常人係打唔贏佢 」
「 咁都唔代表你可以賣軍火㗎 同埋你有冇諗過呢啲軍火都對佢冇傷害？」我道
「咁你覺得如果唔買呢啲軍火 我仲有乜嘢方法可以打得贏佢？」爛尾道
「同埋你搵埋你阿妹去做隊長 即係要犧牲佢啫..」我道
「你錯喇 唔係淨係得佢去帶隊 我都要去帶隊去挑戰佢」爛尾道
「你都識講佢有如非一般正常人 你哋帶隊冒住生命危險都係死路一條」我道
「你有咩更好嘅方法不妨可以提出嚟..」爛尾道
呢個時候佢阿妹入咗嚟
「啱啱打拳打到好攰呀 一上嚟就見到你哋喺度傾嘢 到底傾緊啲乜嘢呀？可唔可以話俾我知？」
「講緊你兩個做啲戇居嘢呀....總之 你哋先將啲軍火賣返出去 警察一搵到啲軍火就好大件事 霸劍王個單野 你唔去搞佢佢都唔會即刻搞你 同埋就憑你哋啲軍火根本對佢冇用」
我道
「實不相瞞其實霸劍王就係多利亞 多利亞係佢嘅真名..」阿妹道
「軍火嗰度可以暫時擱置 你話再賣返出去已經冇可能 或者暫時擺喺度先囉 如果冇人報串嘅話我覺得應該都ok嘅」爛尾道
「如果真係賣唔返出去嘅話 的確可以留喺度 不過點解你哋都要追殺霸劍王？」
我道
「其實霸劍王親手殺死咗我哋老豆老母.....」爛尾道
件事嘅始末就係
霸劍王本身未成為霸劍王之前 同爛尾老豆老母行得好埋 從此成為合作夥伴 有一次佢地嘈交導致拆夥 令到霸劍王憎佢地 慢慢到恨之入骨 佢出咗名小器記仇 同埋係一個冷血嘅人
小氣係佢獨有嘅性格 從細到大都係咁 佢自己都改唔到 記仇 雖然佢知道對方下一秒做啲咩動作 就算有危險 佢都會有時衝動同魯莽 去做嘢 開始越踩越深 乜嘢人勸佢都冇用
「其實佢係一個未成大器嘅人..」我道「我哋係律師唔係殺手 你想殺佢都唔係一件咁容易嘅事..」
「我唔想喺度所以對待斃 你親戚阿魚死咗下一個受害者又係邊個 有機會係我地呀 我都要諗計保護下我自己 因為佢殺咗老豆老母 如果佢仲認得我嘅話 有機會唔會殺埋我哋 」爛尾道
「我同佢交過手佢啲個係有少少嘅技倆」我道
「你以為你自己係邊個呀 你都識講你自己律師啦 你又夠佢打咩？」 爛尾道
佢特登推咗單案 係唔係知道啲嘢 但係佢點解會預先知道呢 依然係一個謎
到最後我都冇同佢講我係布鞋俠既事 因為我覺得爛尾唔係咁簡單
我迴避咗佢呢個問題之後出左去繼續做嘢
.............
「砰...」
霸劍王嘅下一個目標 真係爛尾...
爛尾將會提到生命嘅威脅 霸劍王知道我喺爛尾公司嗰度做嘢 特登出咗個預告信俾我 呢個人越來越囂張 越得戚我就越想佢死 不過佢嘅預告 冇同爛尾佢本人講
自從我得到 布鞋俠之後 我都冇增值 好好利用過佢 於是我走咗去學打拳 除咗強身健體之外 想強化布鞋俠既性能
因為布鞋俠 除咗棍法 都係用拳打腳踢嘅方式 去打鬥
呢幾個月來我都早收去打拳
究竟霸劍王幾時去殺爛尾 冇人會知道 我淨係知道我要喺爛尾未受到威脅之前 好好裝備自己
律師樓...
「最近你日日都好似都早走 到底有啲乜嘢事呀？」蘇道
「冇呀走咗去學打拳強身健體咁咋嘛 呢近日都冇咩大單case 當俾自己休息下囉」我道
「去得打拳就fit啦」蘇道
「哦..哦.. 我都當係休息姐」我道
爛尾同埋佢阿妹 呢近日嚟都係咁開會 會唔會仲諗住報仇呢 但係佢又有乜嘢籌碼可以對付到霸劍王
我好想好想 去偷聽佢哋講嘢
「 我覺得 老闆最近有啲唔妥 ..」 阿蘇探個頭埋嚟 阿蘇見我心不在焉「 我知你好想去偷聽佢哋講乜嘢嘅」
「 睇嚟你八卦多啲喎..」我道
「你今日神情恍惚咁樣..你都有啲咩妥 駛唔駛執番兩劑呀..我可以介紹你.... 嗯...」阿蘇道
「我呢排日日都打拳 不知訓得幾好 ..」我道
「咁 好啦！」
之後 爛尾 神色好凝重 走出房間 示意我入去
叫我坐低左
「件事係咁既 我哋個 律師樓合夥人 己經拆夥 所以而家想搵多個新合伙人 你都知律師樓幾多個人選 所以我揀咗你 你點睇？」
爛尾道
「點解咁得意嘅？」我道
「 因為私人理由 所以冇辦法啦 」爛尾道
「 我決定做你合夥人 祝我哋合作愉快」
我同佢握咗一下手 個下刻 我無諗咁多野
「 合作愉快..」
咁即係話我都係公司嘅老闆之一 不過並唔係咩值得恭喜嘅事 如果佢走咗 我就係呢間律師樓嘅正式老闆 但係我一啲都唔稀罕
幾日之前
（霸劍王視野）
霸劍王 位於隱世林林既帳篷
霸劍王緩緩地埋向紫微身邊 終於除低左個頭盔 見到佢既真面目 雖然唔稱得上係靚仔 但係佢都有個女朋友 但係佢女朋友又好鬼靚女
如果我同你哋講 如果霸劍王同紫微係來自宇宙 你會有咩諗法？
「今日嘅任務尚算完成..」
「今晚可唔可以帶我去食好嘢？」
紫微道
「 你想食邊一類嘅好肉？」 霸劍王問
佢個帳幕裏面唔知點解會有一部電視喺度
咁啱播放緊新聞 見到阿魚 紫微指住阿魚
「人類好危險㗎 食住動物肉先啦」
佢嘅目標當然就係阿魚 但係佢唔想紫微 去搞阿魚
「佢仲係我一隻棋 之後會殺佢 但而家未係時機 同埋佢嘅知名度都幾大 要食佢好難㗎」
紫薇聽到之後神色好凝重
「食好嘢都咁麻煩㗎 咁又係嘅 知名度咁大 我想食都係難事..」
「你知就好啦 暫時搵個路人畀你頂住先？」
霸劍王道
「 我要又老又嫩嘅 thanks 」 紫微道
都係咁 霸劍王為咗紫微開始濫殺無辜 當然係冇人喺度嘅情況下 佢先咁殺人
如果當街當巷 濫曬無辜佢都有一定嘅危險
佢嘅目標係阿魚同埋啲低等嘅手下 從而去滿足紫微
跟住就到咗殺阿魚 搞掂咗佢之後都未有一直再殺人
簡單啲嚟講 佢哋係屬於宇宙嘅人 並唔適合生存係地球
「雖然落咗黎辦事 因為機件故障所以飛唔返去 而家唯有殺住啲人畀你當食物先 暫時唯有係咁..」霸劍王心諗 紫薇都好多要求嘅 但係要每次滿足佢 我都用盡千辛萬苦嘅力量
「咁我哋幾時先可以返到去呀 同埋嗰個阿魚你諗住點樣先？」紫微道
「我一定會帶番嚟俾你品嘗..」霸劍士繼續道
即係表示 紫薇需要食人嘅肉先可以生存到
「 揀啲孤兒俾你食啦 雖然口感冇咁好味 任務唔多完成嘅時候我哋就可以返去㗎喇 到時再番去食好野啦」
紫薇聽到呢句說話當堂令佢就安心曬
因為霸劍王嘅下一個任務就係 殺爛尾 佢會出一封預告書 俾布鞋俠 因為布鞋俠對佢又好似拗痕嘅樣既傷害 所以佢想畀啲警示 警告布鞋俠 叫佢唔好不知天高地厚
「 而家仲邊有人寫信咁老土㗎 家用email㗎啦」紫微道
「最慘係我連佢email係乜我都唔知 淨係知道佢喺嗰間公司度做律師 直接俾封信佢會好啲？」 霸劍王道
更何況佢唔識得用現代人嘅嘢 所謂嘅電腦星球冇出現過 所以佢聽到紫微講用email嘅時候 都有少少震驚
最終我寫好封信仲要親自放落 布鞋俠個信箱度
「 爛尾 佢今次必死無疑」霸劍王好嚴肅咁離開咗 布鞋俠嘅公寓
出到去公寓 突然傾盆大雨
「哇啦...哇啦 ...」
原來越大越來越大 但係佢有個 自我保護嘅罩 可以抵擋外來嘅攻擊 甚至落大雨幾多冇有怕
個個人見到佢都 嚇咗一跳 如果惹到佢仲得掂嘅
之後 不過我太過輕敵 無諗過布鞋俠打算增值自己
但係我從來未驚過
..….......
（布鞋俠視角）
「 最近都幾勤力 練拳喎 後生仔 有毅力係一件好事 但係你要小心自己個身體呀」
呢位人兄叫做興叔 係呢間拳館嘅話事人個老豆 平時都會喺度打理雜務 同埋會支持個仔 佢個仔就係呢度嘅教練之一 佢個仔打拳攞咗好多獎 令我都好羨慕佢
「 強身健體呀嘛 呢啲要不斷做先得㗎 如果唔日日做 半途而廢 咁邊有收穫呀」我道
「 加油啦 後生仔我睇好你嘅」興叔道
每日我都決定咗練習兩個鐘 日復日冇停過 直到落大雨嘅嗰啲時間 我都唔會嚟之外 基本上都會嚟
打拳 有時打到攰就會走人 有人問我會唔會太chur 但對我其實唔會 自己都會調節
經過 三幾個月 總係有啲成果 可以去打其他嘅道館賽 好榮幸咁 連教練都覺得我神乎其技 其實我好想講我係本身擁有布鞋俠既天賦 所以先會咁犀利
到咗今日我要挑戰我哋拳館嘅大師兄
今次係一場真真正正嘅友誼賽 打拳就係唔可以花時間去諗下一步做啲咩 如果唔係就會畀人先發制人 咁樣你就會輸啦
經過一連打鬥之後 我係意外地打贏咗大師兄
其實師傅有講過打拳唔係攞嚟橫行霸道 不過對我嚟講 我係用來增強自己嘅不足 例如反應力同柔韌性 從而睇穿下一秒對手想出啲乜嘢動作 呢啲嘅敏捷喺打拳道我覺得有作用
「雖然唔知你打拳嘅目的係乜嘢 見你好勤力咁日操夜操 應該唔會為咗強身健體咁簡單 就算強身健體都唔會日復日都嚟啦？ 有啲乜嘢都可以同我講嘅 雖然我係你教練 但係我樂意要聽其他人講嘅嘢 ..」 啱啱同大師兄鬥完比賽坐咗喺度 教練就過嚟向我傾計
「 有啲嘢你唔知好過知 你就當我強身健體啦」我拎住支水樽係咁飲大量大量嘅水 補充水份嘅同時 先發覺到時間已經好晏 今日斯花咗太多時間係健身室
「識咗你咁耐 其實都唔知你係做啲咩工作 可以日日都咁嘅時間嚟打拳嘅？」教練又問
「我喺律師樓做大律師嘅 你唔識我咩 我有上過新聞㗎 打咗好多單官司」我道
本來想拎張卡片牌佢嘅
「 估唔到你係一個年青有為嘅青年..」教練道
「咁啦我俾張卡片你 你有事可以搵我 如果有官司嘅話我打過五折俾你 」我道
「咁多謝你先呀」教練道
「時間唔早喇 我要返去喇聽日又要早起身 不過唔會開始日復日㗎喇 開始會比較忙啲 一個禮拜嚟一兩次左右啦」我道
「 咁好啦我哋下次見...」教練向我揮一揮手
我個下心諗 我啱啱真係好彩先打得贏大師兄
但係霸劍王點可以同大師兄比較呢 我相信霸劍王應該係俾大師兄強十倍有多 所以我自己仲未算係裝備好自己
第二朝 律師樓 爛尾辦公室
「多利亞最近有冇咩動靜呀？」 爛尾同佢阿妹喺度開緊會
「最近好似冇人跟蹤我哋呀」 阿妹道
「最近日日都提心吊膽呀 真係好驚有一日佢會殺咗我..」 爛尾道
「 阿哥 唔好船頭驚賊船尾驚鬼先得㗎 驚字得個貧 放鬆下自己啦 如果唔係又打輸咗官司就唔好啦 」阿妹道
「如果真係搵到佢 即刻要帶隊過去殺死佢 」爛尾道
「 呢句說話上次到而家覺得好多次㗎 我聽都聽到厭啦 搵到佢嘅話我就會識做㗎啦 放心啦阿哥 好好睇住律師樓」阿妹道
其實霸劍王之前已經嚟過地球一次 無緣無故殺 左爛尾嘅老豆老母 跟住就消失得無影無蹤 到最近先走返返嚟 不過爛尾佢哋都唔知道霸劍王其實唔係地球人 佢嘅身份係乜都仍然係一個謎
阿妹佢隨即離開咗律師樓 出咗去外面揸車 送貨 不過佢架貨van後面 都有啲軍火喺度 有需要嘅時候 就可以用來對付霸劍王 但係我相信佢唔會貿貿然出現喺你眼前 再俾你一同殺死
不過阿妹正常開緊車之際 好似見到一個同霸劍王好相似嘅人 咁啱上面有個冇公德心嘅人倒咗成盤水落嚟 但係佢依然冇濕到 就好似開咗個保護罩保護住佢一樣 市民一個正常人又點會做到 我以為眼花所以再 擘大咗隻眼 真係睇到 霸 劍 王
「莫非佢嘅目標真係我阿哥？？」
我係車見到咁嘅情況 第一時間見到佢衝上樓 見到佢入咗一個荒廢咗嘅貨倉 我阿哥又會咁啱喺度出現
「真係so funny 」
阿妹嗰下苦笑咗一下 開始見到佢哋喺度對持
「真係估唔到你嘅目標竟然會係我？」爛尾道
「 有咩咁出奇姐 我殺咗你老豆老母 你喺佢個仔 見到咁既情況 我實係恨之入骨啦」霸劍王笑左一下
阿妹係貨倉門口嘅後面 見到佢哋傾計 知道阿哥非常之危險 佢準備咗 軍火喺隔離倉 終於call咗佢所謂嘅精英 班精英五分鐘後就到 就好似警察咁樣隨時standby一樣 阿妹個心嗰下好想 阿哥可以離開霸劍王嘅視線範圍內
咁我哋先有機會亂槍掃射佢 但係佢阿妹仲未知道佢擁有一個防護罩 連槍都打唔入
佢哋喺門後面 standby緊
阿妹第一時間諗辦法叫阿哥離開佢嘅視線範圍
「嗚..嗚...嗚..」
阿妹扮緊烏鴉叫 爛尾聽到嗚嗚聲之後 就覺得把聲就好似阿妹 咁即係話 爛尾已經知道阿妹佢哋已經喺門口後面
「邊個喺度扮鳴鳴聲呀 同我出嚟...」
佢講完嗰下 爛尾就突然消失咗
阿妹即刻衝到入嚟 準備亂槍掃射霸劍王
「砰...」
嘥咗好多粒機關槍子彈
「砰...」
呢度已經用咗唔少錢
「砰..」
睇嚟霸劍王嘅實力已經 唔簡單
倉庫入面啲紙皮箱都畀阿妹打穿曬
「砰..」
霸劍王同佢手上嗰把劍 第一時間想衝落阿妹嗰度
「阻頭阻勢...成班都係垃圾..」
佢爛尾叫佢阿妹快啲走
「走呀.阿妹..」
阿妹嗰下好驚好驚 冇諗過啲真槍實彈都對付唔到佢 佢完全冇避開左任何一粒子彈 佢根本唔係一個正常人 呢啲嘢有咩人會預計到呢
佢一嘢就刺落阿妹 差啲打入致命點 佢雖然受傷咗暈咗喺度 但係霸劍王好想補多一刀 令佢生命畫上句號
但係爛尾咁啱出現喺阿妹前面 想及時阻止佢 佢不斷掙扎 仲俾劍王用一拳打傷咗佢個肚
「你放心喎爛尾 殺咗個女仔之後我就會殺你㗎喇 認命吧啦 冇人救到你哋㗎啦」霸劍王個心沾沾自喜 就好似一切都係佢掌握之中咁樣 但係 佢計漏咗一點 就係爛尾同阿妹傷咗嘅時候
我及時出現 打救佢哋
「 阿妹佢點呀？」我問遠處既爛尾
而爛尾就攤咗喺啲紙皮箱嘅下面
「 佢中咗槍呀 你幫我報警呀...
「 原來係你 你又嚟送死呀 唔好諗住報警呀 今日你哋三個都唔會走得出呢度 命運就係必須死..」
霸劍王好有信心咁講出呢番說話 佢越有自信
我就有股力量想打佢
「今時唔同往日 我知你仲係睇小我 」我道
「你知就好啦 仲走過嚟送死 係咪嫌命長呀 」霸劍王道
我心無雜念慢慢咁樣變成咗布鞋俠
爛尾睇到我著咗副盔甲之後都打咗個突
「 爛尾我知你想點 不過事後先同你解釋 而家情況危急 同你多解釋都趕唔切..」
我道
霸劍王起我講完呢番說話之後已經到我身邊 同之前一樣反應都係咁快 佢拔劍嗰一下 我用棍毆落佢個肚度 但係佢有防護罩嘅 力量 保護住佢 佢依然絲毫無損
「 原來你仲有一招保護罩 睇嚟你都唔野小喎..」我道
佢用劍想兜面打落我度 我就用棍抵擋住佢嘅劍法 嗰下好有衝勁 唔知點解好大力 大力到連佢手上嘅住把劍刀 飛咗出嚟
「砰..」
跌咗落地下
我一手就踢開咗佢把劍 因為佢把劍正正大跌落我隔離
佢無報器對我嚟講都係一個優勢
「你強咗的確係一件好事 我冇咗把劍一樣可以打得贏你 ..」霸劍王道
「即管放馬過來」我支棍只向霸劍皇嘅眼前
佢開始好魯莽咁衝過嚟 我再次打中佢個肚 原來佢身上冇咗把劍 防護罩嘅能力就會失效
咁樣打佢就會事倍功倍
「 睇下你冇咗防護罩嘅功力㗎喎 你真心覺得真係可以同我繼續打落去？」我道
「哈哈哈 你呢啲靚仔可以玩得出啲咩花樣呀 受死啦..」 霸劍王再次失控沖咗埋嚟
「以柔制剛..剛..」越來越細聲 打出致命一掌
我好快咁避開咗佢一掌 就好似我練拳咁樣 佢嘅步法就好似我同大師兄打緊嘅時候一樣 我已經睇穿曬佢嘅動作
「受死啦 」我用信念打出一棍 佢立即跪咗喺度「投降未？」
「當然未..」
就係呢個時候 紫微飛入嚟窗口 窗口嘅碎片散落一地 以我亦都唔知佢係邊個
「多利亞 上頭落咗命令 我哋要走喇 返番我哋嘅星球pls ..」紫微扶一扶佢起身
「你夠膽就講多次？我點可以喺呢個時候認低威呀 我會好冇面㗎..」霸劍王道
「無面咪無面囉 得地球人知咋嘛 我哋又唔知..」
我都估唔到霸道王係一個愛面子嘅人
紫微再道「如果再唔走嘅話 恐妨連我都保你唔住」
「打到最緊張嘅時候竟然要我走 我點都係唔服..霸劍王道
「算啦 唔到你話事」紫微道
霸劍王都無可奈何 同紫微想從窗口嗰邊離開
「冇走得更容易..」
我好想好想追出去 但係紫微 從佢手中 彈射出一枚類似魔法彈嘅野 直接命中到我 按照咁嘅情況 紫微應該會向我反擊 但係我唔知點解我完全避開唔到佢嘅攻擊 我個心痛到飛起 佢哋終於走咗 我用最後一口氣追出去
「頂呀..」
我真係好唔忿氣呀 咁都俾佢哋走甩 我練咗幾個月嘅拳術 到最後算唔算係白費？正如教練所講強身健體囉
從此霸劍王同紫微佢哋都冇再出現過 定抑或係佢哋已經離開咗地球番返去自己嘅星球 我對佢哋係其他星球嘅人都唔感到意外 呢個浩瀚宇宙 有外星人一啲都唔出奇 又或者佢哋係乜乜乜乜乜嘢星球嘅人 可能都係同我哋星球一樣 要生活要生存 只不過佢哋嘅科技可能畀我哋先進 好多好多
防護罩同埋個盔甲就係最好嘅證明
不過幾時可以見返佢哋 當然就係永遠唔想見到佢哋 如果佢哋再出現我一定打鑊金
事後
我一五一十咁將件事完完整整咁講咗俾爛尾聽 當然 我成為咗英雄嘅事佢都覺得好荒謬 正常人邊度有咁嘅天賦
「頂你個掣呀 以後記得射住我呀 ..」爛尾 道
我哋仲喺嗰個荒廢咗個倉庫到
「 我做得你合夥人就預咗知道呢啲嘢..不過係邊知點講啲咁荒謬嘅事 而家第一時間應該call白車救咗你阿妹先..」 我好快咁打電話報警
不知不覺間就送到去醫院
............
高級優質醫院
醫生同我哋講 阿妹嘅傷害 好彩冇性命危險 不過要醒返都唔係一時三刻嘅事 都要睇佢嘅意識同堅定
我相信吉人自有天相
一個咁好 又靚又後生嘅女仔 點可以咁快就命送黃泉
我哋日復日不斷等佢阿妹醒返 三個月 足足三個月 佢阿妹先醒返
爛尾喺佢阿妹張病床嗰度攤咗一陣 佢阿妹慢慢咁擘大咗隻眼 爛尾當然係開心到嚟唔切啦
不久嘅將來 係阿妹終於都出院
成班律師樓嘅人都幫佢搞個慶祝會 慶祝爛尾嘅阿妹順利出院
「終於謝天謝地囉..」
「睇嚟你都係咁精神呀 冇事就好囉」
一個二個同事都識得關心佢 佢阿妹感覺到欣慰
呢個party點會少得我 我嗰日都飲咗好多酒 間唔中都俾自己放肆一下都冇壞嘅
經過呢件事之後 爛尾都有問我一個好緊要嘅問題
「有冇諗過再搵多利亞報仇？」
「 點解要再搵佢呀 如果佢唔出現 咪當佢死咗囉 而家我哋好安全 更何況佢係乜星球嘅人我又唔知 我又可以喺邊度搵佢？ 坐飛船定係坐太空船？」我道
「你係英雄你實得嘅 我哋就話係正常人姐 佢起碼仲係某個星球生存緊 萬一個再出現係地球
咁點算呀 今次阿妹就話福大命大姐 下次就盞搞囉」爛尾道
「你放心有我喺度冇人敢傷害你同阿妹一條頭髮 我既承諾一定會對現 因為我係你嘅合夥人 我講得出一定做得到 係咪？」我道
「有你呢句說話我就放心喇 我感覺我識到你呢個合夥人 好開心呀...」
爛尾差啲想喊出嚟
「男人老狗就咪喊啦 你係老闆之一嚟㗎 喊咗好樣衰㗎..」
我知道 我都知道 最擔心嘅嘢 但係你一旦擔心 有咩用呢 生離死別個個都有㗎啦 如果經過呢次危險 我哋就要好好去防備下一次的危險 免得自己再受傷害
之後我一如既往正常生活 繼續成為我律師 又一個普通律師成為一個資深大律師 有幾單大官司 打到去幾十單官司 冇停過 雖然當中係有輸過 但係對我嚟講都係一個經驗 對我嚟講呢個世界絕對無贏同輸 只要做嘢係正面 就乜嘢衝擊都冇有怕 呢個就係我做事嘅原則
仲有呢個世界邊有咁多英雄呀
之後我成為咗英雄有冇人知道？梗係冇人知啦 個個都淨係知道我係一個好專業嘅大律師 出名唔係因為我係一個戰鬥嘅英雄 以下一個奇蹟律政界嘅英雄
從此律政界 我都榜上有名...
我就係我
「英雄呀..」
「呢個世界邊有咁多英雄呀....」
「係真㗎 我真係見到有英雄係天上面飛過呀
」
一個細路同個老人家喺公園張櫈度坐低 望住個天空 天空掠過一架飛機 個細路唔以為飛機就係英雄 係唔係睇得多卡通片多 唔通細路有幻覺
天空好藍
好靚
天朗氣清
好舒服嘅感覺
準備 下一章節....
決定權..
我既命運。..。
（完）